علميني ي دنياي وش ذنبي

Part 15

مرت الايام بهدوء على الجميع والكل رجع لروتينه القديم..
ثاني يوم العصر
الرياض .. بيت سند
سند منسدح على رجل امه الي تلعب بشعره
سند : يمه
ام سند : لبيه
سند : لبيتي في منى . بسألك عن شي من زمان ودي اسالك عنه بس اذا يضايقك لاتجاوبين
ام سند : اسال
سند بتردد : لما لقيتيني كان معي ورقه اسم اي شي؟ يعني شي يدل على الناس الي تركوني وقتها !
ام سند ضاااقت بها الدنيا بعد سوال سند لها وقالت بحزن وهي تكه وتبكي : ليه يمه ؟ قصرت انا وابوك معك بشي!
سند فز بسرعه وهو يبوس راسها ويدها وقال : حشى لا والله انكم اغلى من روحي علي والله ي يمه حتى لو اعرف اهلي الحقيقيين اني ماعترف بهم انتي امي وتاج راسي وعقاب ابوي وعزوتي بس سألت من باب الفضول
ام سند : والله ي امي لو كان معك شي او حتى اسم يدل عليهم كان قلت لك بس مافيه شي غير الورقه الي وريتك اياها غيره مافي شي ابد
سند حضنها : انسي اني سألتك واعتربي اني ماسألت وزي ماقلت لك انتي امي وماعندي ام غيرك لو تنقلب الدنيا كلها ناديه هي ام سند وبس
ام سند ابتسمت بحزن
سند ضاق من شاف ابتسامت الحزن بوجه امه : يمه تكفين والله ماقصدت اضايقك بسؤالي بس مدري ليه جاني فضول اعرف بس ولا والله ان انتي وابوي اهلي وعزوتي وتاج راسي ومالي غنى عنكم وانتم اغلى من روحي علي
ام سند : خلاص حصل خير يوليدي ماصار شي
سند طل بوجهها : مازعلت حلوة البن؟
ام سند ضحكت بخفه على طريقته بالمواساه الغريبه "انه طل بوجهها" : ماتزعل دام ولدها سند
سند ضحك : اوه اوه من قدي ي عرررب ههههه
،
بيت سعد
غرفة ريم الي توها تقعد توجهت للحمام "يكرم القارئ " تروشت وطلعت تحط عنايتها اليوميه اذا قعدت من النوم صلت صلاة العصر الي فاتتها وخذت جواها وطلعت من غرفتها.. استغرب الهدوء الغريب بالبيت والواضح مافيه احد ابد
ريم : نور
نور من المطبخ : هاااااااا وشو يبييي؟؟
ريم : بسم الله ذي وش عندها تصارخ
راحت للمطبخ وقالت : وين هيام وسعد!؟
نور من غير ماتناضرها : يطلع جيبي اقراض بعدين يجي انتي وشو يبي
ريم : سوي لي كورن فلكس
نور : طيبب
جلست ريم تتقهوى على ماتخلص نور لفت على الباب الي انفتح ودخلو هيام وسعد وهم يضحكون
ريم : ماشاءالله شرفتو؟ خيرر ماعندكم اخت تقولون لها نبي نروح ودك تروحين معنا على طول انحشتو لما نمت!!
سعد : بسم الله بسم الله وش فيه ممدا دخلنا
ريم : وين كنتوا
هيام : رحت اشتري الوان وفرش والخ للرسم
ريم بحماس : الله ارسمي لوحه بحر بعلقها بغرفتي
سعد : تبون شي ؟ انا طالع
ريم وهيام : سلامتك
طلع سعد متوجه لبيت سند الي بيجونه رجال للقهوه المغرب كا العاده
،
بيت ابو فارس
غرفة لينا الي قعدت فارس : فارس فارس يلا قم اذن المغرب
فارس تحرك بكسل : همم
لينا وهي تحط يدها على جبهته تشوف حرارته الي ارتفعت الظهر فجأه : اذن المغرب يلا قم صحصح راحت الحراره
فارس : طيب قمت
لينا ساعدته يقوم وقالت : بنزل اسوي لك اكل على ماتتروش وتصلي
فارس هز راسه ودخل الحمام "يكرم القارئ "
اما لينا الي نزلت وحست بها خوله وركضت خوله تسبقها للمطبخ
خوله وهي مسنتره عند باب المطبخ : مافيه دخله
لينا : بعدي بدخل
خوله : والله ماتدخلين ي انا ي انتي
لينا بنرفزه : تقلعي من عند الباب خليني ادخل اعمل "اسوي" ل اخوتس اكل
خوله ضحكت : عادي انا ابيه يهاوشك سهله الحياه
لينا ضحكت بعبط : ههه ضحكتين وانا مالي خلق اضحك ابد فروسي لو تموتيننن وتطقيين بمكانتس مايهاوشن يالعوبه
خوله : هههااااي من العوبه يلا مناك .. انتبهت خوله على جيت ابوها وسوت حاله تبكي وكملت كلامها بتمثيل : لينا ماعرف اطبخ تكفينن لاتضربينن
لينا انصدمت انها فجأه بكت وتقول هالكلام : وشهوو؟؟
خوله استانست على ردة فعل لينا الي بينت الموقف حقيقي : فارس قال لك تسوين اكله انتي انا شدخلني تهاوشيني عشان اسويه حرام عليك والله تعبت
لينا جت ببتكلم والصدمه ماليتها بس وقفها صوت عمها : وشش فييييه!!
خوله بكت اكثر وبتمثيل : بابا لينا تبيني اسوي اكل فارس وانا ماعرف وضربتني عشاني عييت
ابو فارس بعصبيه : وبعدييين يعنييي كل يوم على هالحال ؟؟ لينااا اكل رجالتس انتي سويه خوله وش دخلها!
لينا : مااقلت لهّ شي والله تتسذب "تكذب" هي واقفه قدام الباب ماخلتن ادخل اسوي الاكل لـ فارس!؟
ابو فارس : ادخلي اشوف سويه وثاني مرا لاشوف هالحركات تنعاد ي لينا
لينا خزته بقهر لانه واقف مع خوله عشانها بنته وهي بنت اخوه بحسبة بنته ماوقف معها والحق معها
فارس نزل وسمع كل شي تنهد بضيق من الحاله ذي دخل للمطبخ وشاف لينا تسوي له اكل بغضب
فارس مسكها من كتفها وهو يجلسها : اجلسي انا اكمل
لينا : لاا انا اسويّه
فارس : انا مشتهي اسويه
لينا : وال...
قبل تكمل حلفها قال فارس وهو يحط يده عند فمها عشان ماتحلف : لاتحلفين قلت انا اسويه
لينا : طيب
قعد يسوي لنفسه ولها اكل وحطه على الطاوله وقعدو ياكلون ويسولفون
،
على صلاة المغرب
ديوانية سند
المكان مقتض وسند وسعد يقهوون
احد الرجال وهو يناضر سند وسعد الي جنبه : والله انك ي عقاب وي مطلق جبتو رجال ينشد بهم الضهر
سند وسعد : ماعليك زود .. تسلم
الرجال: اعرف ابوهاتكم كانو رجال صيتهم بكل مكان وماشاءالله انتم مثلهم مشيتو على خطاهم
سند : شهاده نعتز بها والله يبو ..
الرجال : ابو محمد
سند وسعد : والنعم
ابو محمد : ماعليكم زود .. سمعت عنكم وجيت اشوف عيال اخوياي قبل لانقل من السعوديه واودعكم
سعد : افا على وين
ابو محمد : بستقر بالامارات
سعد : كنت بقول وش لك بالغربه بس مارحت بعيد
سند : بين ربعك وناسك دامك باالامارات
ابو محمد : اكيد ان شاءالله اهلنا اهل الامارات وانا استاذنكم الحين الطياره مابقى عليها شي
اخذو ارقام بعض وطلع ابو محمد
بعد ماراح الجميع جا فارس
سعد : احلف احلف كان مت ؟
فارس : انشغلت يرجال خلصت وجيتكم
سند : يلا معليه معليه الحين بنقعد حنا ونسولف اجلسو
،
الشمال وتحديدًا حايل
بعد العشاء ببيت ابو عساف
ميلاف جلست جنب ابوها الي يتقهوى شاي : يبه
ابو عساف : هلا
ميلاف : في مسابقه بعد اربع ايام بالرياض تكفى يبوي ننهج يم الرياض بشارك
ابو عساف : الرياض!
ميلاف : ايي
ابو عساف بعد تفكير : باتسر "بكرا" ننهج يمها
ميلاف فزت : يااااعلنيي فدتون لك يعزوتيي انت
ابو عساف ابتسم : اذا مانمتي بدري مابوه روحه
ميلاف : ابد هالحين انام
ام عساف : بننهج صدز؟ "بنروح صدق؟"
ابو عساف : اتسذب يعني!
ام عساف : محشوم لا
عساف : اجل يلا يبنات فزن "قومن" ساعدن امي بغراضا ويالغاليه اغراضي واغراض نياف حنا نحطه
ام عساف : طيب
وتفرق الكل يجهز اغراضه
غرفة عساف ونياف
نياف : ليه تتطوع وتقول حنا نحط اغراضنا؟؟؟ البنات يحطونه مالي حيل
عساف بحده : قلتا اغراضك وخواتي ماهن مكلوفاتن بحوستك تبي تاخذ فز جهز اغراضك ماتبي خيس بثوبك ذا
نياف : بسم الله وشقلت انا !!
عساف : اخلص ترا اخلص اغراضي واطفي المبه وانام
نياف : لا اله الا الله طيبب طيبب وش نوحك اشتطيت
،
صباح ثاني يوم
بيت ابو عساف الساعه 9 الفجر
حركو من البيت بعد ماركبو اغراضهم السيارات
وكان عساف معه امه وابوه
ونياف معه ميلاف وسُلاف
سيارة نياف
ميلاف : نياففووه
نياف : هااا ميلافوه
سُلاف : اهم شي انكم متفاهمين
نياف : هههه التفاهم عال العال عندنا
ميلاف : بشغل اغنيه وبقول لكم شي دقيققه
شغلة اغنيه على البارت الي تبيه
"اقوم قومة جمل واطيح طيحت حصان
وابقى على مذهبي مايختلف مذهبي
اموت واحياء واهاجر من مكان لمكان "
ميلاف وقفت الاغنيه : صورن اذا طحت وركبو الاغنيه ذي وحطوه على الفيد حتى لو مت ذي وصيتي سوا بعدين ابتسو "ابكو"
نياف بضحك : من قال بنبتسي؟
ميلاف : قولتك مابتفقدن؟
نياف : ابداً
ميلاف مكمله بضحك : والله البلشه اسمع اجل اسوي لكم اليوم فعاليات علشان تموتون وراي من الشوق لفعالياتي
نياف : مالت فعاليات من ابو خمسه انتي لو تموتين ابرك
ميلاف بحلطمه : اي اكيد ابرك مير انا لاطيارتن تاحذن تقلعن تسفرن ولا بنكن يحن علي يدق علي يقول الحقي دونتس "خوذي" المليون ولا احد يدق علي يقول جايب لتس هديتن سنعه مير الموت ابرك "لاكن الموت ابرك"
نباف : عوذه عوذه بدت حلطمتها وتقول انا اتحلطم اقوول ميلافوه شرايتس تسكتين لين نوصل شوفي اختتس المسيكينه نايمه نامي معه وفيكين شرتس
ميلاف بضحكه مستفزه : حلم ابليس بالجنه تفتك مني يحيي
شغلت اغاني وهي منطربه على الاخر
،
سياره عساف كانت هاديه المسجل شغال على قصص الاولين وابوه وامه يسمعون بندماج وهو سرحان بالطريق ويفكر اذا القرار الي اتخذه انه يتزوج صح او لا
،
اما ببيت ابو فارس فا كان ابو فارس مقوم البيت ولا هو مقعده
ابو فارس بعصبيه : لفف الفرشه زين
طارق رمى الفرشه بقوه : اوووه عاد من الصبح وحنا على ذا الحال ؟؟ والله والي جاينا حشى لو انهم امراء اقصى مالهم عمي وعياله
الو فارس بحده : واقسم بالله والي احل القسم ان مانثبرت "هجدت" يطارق لاقوم الدنيا عليك فااهم!! شغل الدلع ذا تخليه لين يروح عمك وعياله ومثل كرمهم لاجيناهم ابي يلقونه عندنا . قرب من طارق وخو يهمس بذنه عشان ماتسمع لينا . واسمع زيين لاشوف هياتك وجياتك للبيت تالي اليول سكران فاهم!؟
طارق طلع بعصبيه وهو يشتم ويهاوش
فارس الي توه جا وجايب أغراض البيت "مؤنه ومنضفات والخ" من السوبر ماركت نزلهم وهو ينادي العامله : رتبيهم بسرعه
لينا طلعت من المطبخ ومعها صينية حلا حطتها ورجعت تجيب القهوه
ابو فارس : وين خوله!؟
لينا : مدري عنها
ابو فارس : روحي ناديها بغرفتها اكيد
تنهدت لينا وهي تروح طقت الباب كم مرا مافيه رد فتحت الباب ولقت خوله جالسه على الاريكه الي بغرفتها وتتابع
خوله : وجع تدخلين من غير ماتقين الباب لييه!
لينا خزتها وقالت : لاتكثرين حتسي وانزلي بهاه "هناك " عمي يبيتس
طلعت وهي ترضخ الباب مالها خلق تتهاوش ورجعت تكمل شغل
خوله نزلت : ها
ابو فارس : ولواه وين طاسه؟؟؟
خوله : بغرفتي الحين مناديني عشان كذا!
فارس : خوله تأدبي وانتي تسولفين مع ابوي لاتشوفين شي مايعجبتس فاهمه!
خوله شمقت له ولفت على ابوها الي قال : قومي ساعدي بنت عمتس بترتيب بسرعه
خوله : اهلها ااي جايين انا وشدخلتي؟
عطاها ابو فارس نضره خلتها تروح ترتب وهي معصبه وتهاوش
ابو فارس : انا بروح اقيل "انام" مابي لجه
طلع غرفته وشوي ورقا فارس لغرفته
اما لينا الي خلصت ترتيب وباقي بس الغرفه الي ترتبها خوله.. توجهت للعامله وقالت لها تولع بخور بعد ساعه كذا وراحت غرفتها
دخلت وهي تشوف فارس يطقطق بجواله
فارس : يبعد عيني كرفوك "بمعنى تعبوها"
لينا ببتسامه : لا عادي .. اخذت منشفه ودخلت الحمام "يكرم القارئ " تتروش
بعد نص ساعه طلعت بعد ماتررشت وحطت عنايتهت بجمسها وبشرتها وبدلت ملابسها
- كانت لابسه بلوزه بالون الابيض وتنوره مشجره ورد بالون البنفسجي مفتوحه من الجنب لحد الركبه-
فارس تنح لثواني وبعدين تنحنح وقال : وش ذا الزين ارفقي بي شوي
لينا بحرج : فاارس خلني اخلص
فارس ضحك : خلاص اسفين هههه
كملت ميكب وشعر واخر شي تعطرت وتبخرت هي وفارس ونزلو على دخول ابو عساف وام عساف وعيالهم
فارس وهو يسلم عليهم : يهلااا والله تو مانور البيت
ابو عساف : منوره بهلوه
فارس : حياكم الرجال من هنا . اشر على الديوانيه .
لينا سلمت على ابوها بحفاوه وامها واخوانها وبعدها اخذت الحريم للقسم المخصص
عند الرجال بعد ماقعدو وقهواهم فارس قال : عن اذنكم بنادي ابوي اكيد ماسمع الصوت بغرفته
ابو عساف : خذ راحتك
طلع فارس ونادا ابوه وبعدها اتصل على طارق
طارق : ها
فارس : تعال عمي وعياله جو
طارق : ماني جاي مالي خلقهم
فارس : اقول تعال ولا مايحصل لك طيب
طارق تأفف وهو يقفل
عايد : وش عندك؟
طارق : عمي وعياله جو بروح اشوفهم
عايد : يع ليه تروح خلك
طارق : عشان يبكي علي فارس خلني اروح واجيكم بعدين
عايد : يلا الله يعينك
طلع طارق ودخل لبيتهم
طارق : السلام
الكل : وعليكم السلام
وقامو يسلمون بدون نفس ورجعو يجلسون
ابو عساف : يخوي انا بريح لي كم ساعه من تعب الخط
ابو فارس : ابشر . وناضر لطارق بمعنى ود عمك لغرفة الضيوف .
طارق وقف بغضب : من هنا
نياف : ومن غاصبك على القومه سولف مع ابوي زين
طارق : مالك دخل
نياف : شرايك تذلف لاتقبس بينا ووقتها والله مايفكك مني شي
ابو فارس : طاارق
راح طارق وهو يدل عمه على غرفة الضيوف الي بها سرير ثنين لعمه وواحد احتياط
اما عند العيال
فا كانو مندمجين بالسوالف وناسين وجود طارق اما ابو فارس قام عنهم وهو مايحب قعدت الشباب
فارس : تبون نطلع؟
عساف شاف الساعه : نودي ميلاف مع البنات تتدرب ونطلع وحنا راجعين ناخذها شرايكم؟
الكل: تم
وهاذا الي صار اخذو البنات من غير خوله الي اتصلت على صديقتها تطلع معها
ميلاف قبل تنزل لاسطبل التدريب : تعالوا لنا بعد صلاة العشاء نكون خلصنا
نياف : طيب
دخلو البنات
ميلاف : الله بنااات يهول "يجنن"
لينا : عاد كانت ذابحتن الشفاوه " الفضول" اشوفوه طلع احسن من خيالي لوه
سُلاف : اييي
ميلاف : طيروا عني بروح اشوف سهم واتدرب "سهم جابوه بشاحنه مخصصه للخيل"
ميلاف انتطت سهم وكان موتره الوضع ان فيه رجال بس هدت حالها وبدت تتدرب وشوي شوي تعودت على المضمار وصارت تركض بالخيل
وسُلاف تصورها وترسل لريم وهيام
اما لينا فا كانت تشجع ميلاف بهدوء عشان المكان به رجال
،
عند العيال
فارس : هالوقت فيه جمعه عند سند او سعد تبون نروح
عساف : مامن خلاف انهج يمهم
نياف : ماشاءالله عندهم ديوانيه مفتوحه كل يوم؟
فارس:اي هو بيت سند وبجنبه ارض قاسمينها بالنص نص لسعد ونص سند وجنب اليوانيه بالجهه الثانيه بيت سعد وكل يوم ديوانيتهم مفتوحه.
وقفو عند البيت ونزلوا
سند وسعد اول ماشافو عساف ونياف مع فارس فزو وهم يرحبون ويهلون بهم
عساف ونياف : الله يبقيكم
سعد يصب لهم قهوه وسند يحط عندهم القدوع " تمر - رطب - زبده "
جلس عندهم سند واما سعد فا كمل يقهوي الموجودين وبعدها جلس عندهم
سند : الله حيهم
عساف ونياف: الله يحييك
سعد : والله تو مانورت الرياض
عساف : منوره بهله
نياف : النور نوركم
فارس رفع نضره لـ سند وسعد وفهم وش بيقولون وقال قبلهم : عشاهم اليوم عندنا وحياكم الله الجميع معزوم
سند : بكرا اجل عندي وحياكم الله كل الحاضرين
سعد : بعد بكرا عندي والحاضر يعلم الغايب كلكم مدعوين
عساف بصدمه : ليه الكلافه ماله داعي وال..
ماكمل حلف الا قاعطه سند : مامن كلافه يرجال وهاذا واجبكم
سعد : ضيفاتكم واجبه علينا وذا مو بقدركم والله
عساف بحرج : تسلمون والله يكثر خيركم
بدو الباقي يعزون بس وقف عزايمهم نياف الي قال : يعطيكم العافيه كلهم ماتقصرون بس اعذرونا مانقدر مير حنا ثلاث ايام وناهجين يم حايل
بدو نياف وعساف يتعرفون على المتواجدين وبعدها راحو وقبل يروحون اكد فارس على الي موجودين يحضرون العشاء ...
،
بيت سعد دخل وهو يشوف هيام قاعده ترسم
سعد : رسامتنا مندمجه بالرسم
هيام رفعت راسها له ببتسامه : ارسم الوحه الي طلبتها ريم
لف سعد نضره للرسمه وكانت مو ملونه كلها بس الواضح انه بحر : بحر صح؟
هيام : اي
سعد : عسى عجبنك الاوان والباقي؟
هيام : يهبلللون احسن من الي كنت ابيهم مشكور
سعد : لاعاد اشوفك تشكريني على شي انتي وريم بناتي وحلالي كله يرخص لكم
هيام ابتسمت له
سعد : ترا بكرا اهل ابو عساف بيجون لـ ام سند وبعد بكرا بيجون عندنا
هيام فزت : صدق؟
سعد : اي هم الحين بالرياض  .. وين ريم؟
هيام : بالغرفه تكلم
توجه سعد لغرفتها طق الباب وبعدين دخل سمعها وهي تقول
ريم : ملاذي اكلمك شوي . قفلت ونادت سعد . تعال جابك ربي بقول لك شي
سعد : وانا جاي اقول لك شي بعد يلا قولي
ريم : انت اول
سعد ببتسامه وهو يمسح على شعرها : بكرا بنات ابو عساف جايين عند خالتي ام سند وبعد بكرا عندنا ادري بك مشتاقه لهم قلت اعلمك انتي وهيام
ريم شهقت وهي تفز : احلفف
سعد ضحك : والله
ريم : تو كنت بقول لك اذا تبي اعزمهم عندنا وهه فدييت اخويي الي حاس بي
سعد : زين قلت قبلك اجل هههه
،
عند سند دخل ولقى امه تصلي العشاء
سند : تقبل الله
ام سند : منا ومنك
سند : يالغاليه عندك ضيوف بكرا
ام سند : الله يحييهم منو؟
سند : اهل حايل
ام سند بفرحه : استحلفك بالله صادق!؟
سند ابتسم : والله اليوم هم عند عمهم العشاء وبكرا عندنا والي بعده عند سعد
ام سند : الله يحييهم ويبقيهم ينورونا والله
سند : تبين تروحين معنا بكرا يمهم ؟
ام سند : عزمونا؟
سند : فارس ماعنده الا اخت وحده وماتعرفكم هذاك المعرفه بس هو عزم بدالها
ام سند : دام فارس عزم نروح
سند باس راسها : ولاتشيلين هم طبخ بكرا وحلاويات كل شي من برا
قبل تتكلم قال : بدون اعتراض
،
انتهى البارت ...
معليش المفروض اكون نزلت البارت امس بس انشغلت ونسيت الموعد عاد ان شاءالله البارت ذا عوض حلو 💗!