اجت اختي هبه واخذت ازهار وياهه
وجنت كلش متوترة لا تروح تسولف
لان اني من تزوجت لحد الان محجيت شي
محلو على زوجي رغم عصبيته وكلشي
مااحجي عنه كدام اهلي دائما مخليته بصورة
ملاك كدامهم وبس احجي عنه كلام حلوو
وحتى صار الكل يحبه من كد مااحجي عنه
بكلام حلوو واكللهم ماكو مثله ومدللني..
مرت يوم يومين ماكو شي والاوضاع زينه
بعدها راسلتني اختي هبه....
هبه:- هاي ليش هيج مسوين بأزهار شبي
يونس وياهه...
فاطمه:- هيج هوة عصبي وشوية تروح منه
قابل اكلاهه اصلا اعتذر منها..
هبه:- اي بس ميصير هيج هيه خطار عدكم
شلون تعاملوهه هيج
فاطمه:- رغم اعرف يونس غلطان كلش
بس ضليت ادافع عنه....
هسه ازهار صارت عزيزه اشو قبل من ابوهه
جان يحجي وياي حجي موزين ماسويتي هيج
هبه:- انجبي ولج شكد دافعت عنج وحجيت عليه
اني مااقبل عليجن كلجن...
فاطمه:- اي يله لاضلين ادافعين وسوين نفسج
محامي..... بعد نقاش طويل كتلها
بعد لااعرفج ولاتعرفيني وراح احظرج
وبعد ديربالج اتراسلين تمام..... باي
حظرته من الماسنجر وعفتها......
............ ضليت فترة مااحجي وياهه ابد
وبيوم سمعت خوالي وخالاتي ملتمين
يم خالتي كلهم وكتله اليونس اريد اروح
واشوفهم لان ضايجه وجانت امي عدنه
ورحنه سوة اني وامي وعفنه علوش يم ابوه
اول ماوصلت سلمت علكل وجانت اختي هبه
هناك....... كبل اجتني وحظنتني وكامت تبجي
هبه:- ولج ليش هيج اسوين مو اني اختج
الجبيرة هيج عدج كلب ماتراسلين صار فترة
طويلة وماعرف اخبارج
فاطمه:-يله بعد الصار صار خلص انسي
... كعدنه نسولف ونضحك وراح الزعل كله
اعرف بنفسي غلطانه كلش بس رغم كل هذا
مانطيت بيونس ولاشوي عاديت اختي علمود
مايطلع غلطان ويكرهونه.... ردت الكل يحبه
ويحترمه ويكون بنظرهم زين حتلو هوة موزين...
...... صار عمر علوش سنة ورغم كل هل سنه
علوش مينام الا عالموبايل وميكعد الا عالموبايل
وتصرفاته مو مال طفل طبيعي ابد....
مرات ابوه يطلعه بالباب يفتر بي بس ام يونس
جانت الدنيا تكلبه عليه لان متريده يطلع
وهل شي كلش يضوجني لان اخاف على ابني
لايصير بي توحد........
ضليت احجي وياهم انو الطفل ميصير ينحبس
بالبيت لازم يختلط وية اطفال موزين هيج
بس محد سمعني وجوابهم نفسه نخاف عليه
....بنهاية 2019 جانت اكو مظاهرات وعالكه
وهواااي ناس ماتت....
وجانت امي عدنه ونسولف.....
YOU ARE READING
فقيدة القلب
General Fictionأتمنى أن يُكتب في نهاية قصتنا أن السعي كان في الإتجاه الصائب، وأن العوض أنسانا ما فقدناه في الطريق، وأننا أخيرًا ولأول مرة شاهدنا تخيلات كل ليلة مُجسّدة أمامنا، نلمسها ونبتسم لا نخشي تبخّرها أو تحولها لسراب، وأن قلبنا أصبح بمأمن🤍 #فقيدة_القلب
