نادية:- حبيت من كل كلبي وجان حب مراهقه لااقل ولااكثر بس اتمنيت احب مثل البنات واتمنيت احد يحبني ويهتم بيه بس هوة جان ممعبرني اصلا وحاولت هواي اجذبه واباوعله بس هوة مطنش وحتى اخو مجان قابل وراح كال الهاشم كاله فدوة فوتو حال اخوي
نادية:- كلش تأذيت وتألمت بس ماحجيت شي وبيوم من الايام اجوني خطابة بس رفضت وبقيت بس ابجي
لان ماريد هذا الخطبني لان اني احب شخص بس شنو الفائدة حب من طرف واحد
جان اكو كبال بيتنه ساحة ودائما يلعبون طوبة بيها وهوة جان وياهم واني اضل بس اباوعله من ورة الباب واشوف شلون يلعب وصافنه عليه وجنت دائما اتمنه يجي يخطبني لان امه صديقة امي وجيرانة ونحبهم ويحبونه بس هوة مجان مهتم ابد ولاداير بال ابد
.......... وبيوم من الايام
فاطمه:- لج نادية باجر راح يزوج وعزمونه همات للعرس
نادية:- شنووو صدك تحجين
فاطمة:- اي والعباس
نادية:- كلشش ضجت وضليت ابجي واكول ليش شنو فرقها عني بشنو هيه احسن مني بس هيه قسمه بعد ويجوز ربي راح يقسملي الاحسن
.......... فعلا اتزوج وجان بيتهم ورة بيتنه
نادية:- اسمع صوت الهلاهل والركص والسيارات كبل رحت صحت الفاطمة
فاطمة:- هااا شتردين
نادية:- بربج روحي للعرس واشوفيهه مرته حلوة لا وجيبيلي الاخبار
فاطمه:- هسه راح اروح...... رحت البيتهم وكعدت مقابيل العروس وجانت زينه حلوة ومرتبه وناعمه ضليت ساعه عدهم ورجعت
نادية:- هااا شنوووو
فاطمة:- شنو قابل رحت للعرس والبنية زينه حلوة مقبولة وناعمه بس هيه شوي سمرة
نادية:- اففففف هاي هيه بعد كلشي انتهه حب سنة كاملة من طرف واحد بس الله كريم اكيد ربي راح يعوضني.........
فاطمه:- دعوفي اجلبتي بيه هسه هوة ع جماله
نادية:- من راح تحبين بيوم من الايام راح تعرفين شعوري شنو
...........
وبيوم من الايام كاعده واجه زوج امي وحسيته لمس ايدي ويريد يتقرب مني كبل طفرت منه
نادية:- ها شتريد شعدك
راضي:- اني ادري بيج تحبين ابن جيرانه واذا تردين مااوصل حجي لخوالج سوي مثل ماريد
نادية:- وخر الكبر اي والله خل تجي امي واكللها
راضي:- لا خليه هل شي سر بيناتنه
نادية:- عفته ورحت يم فاطمة وسولفتلها وابجي وارجف
فاطمة:- هذا شنو من بشر يارب دخيلك
ESTÁS LEYENDO
فقيدة القلب
Ficción Generalأتمنى أن يُكتب في نهاية قصتنا أن السعي كان في الإتجاه الصائب، وأن العوض أنسانا ما فقدناه في الطريق، وأننا أخيرًا ولأول مرة شاهدنا تخيلات كل ليلة مُجسّدة أمامنا، نلمسها ونبتسم لا نخشي تبخّرها أو تحولها لسراب، وأن قلبنا أصبح بمأمن🤍 #فقيدة_القلب
