"كونوا رحماء بأنفسكم
ليس على الأيام أن تكون مثالية دائماً
قراراتكم لن تكون صائبة في كل مرة
لا بأس أن تخطئوا مرة ومرتين وثلاث حتى تتعلموا
لا يوجد أحد مثالي
وأنتم لستم لوحة منحوتة
أو شيئاً سيعرض للتعديل والنقد
يكفي أن تكونوا أنتم بكل وضوح
وتحبون أنفسكم بصدق" ❤️
فاطمه:- رغم يونس طمني حيجهز هوة كلشي بس
اني ردت امي اجهزلي حتى ارفع راسي كدامهم
لان اصلا اني ماعدي احد بدنيا غير امي
...
ضليت يومية الح على امي بس جانت ترفض
وجوابها دائما يكون ماعندي ومنيلي...
بوقتها كلش ضجت منها وحظرتها عالماسنجر
من كد ماضوجتني....
بس مستحيل اكدر احظرهه هواي لان متعودة
اراسلها يوميه فه يومين وشلت الحظر منها
وراسلتها همات وبالكوة قنعتها تجهزلي..
فه ثاني يوم اجت امي واختي هبه هم اجت
ورحنه سوة نجهز للبيبي....
الحمدلله جهزنه كلشي ملابس وكاروك
وحظرت كلشي لان مابقه شي على ولادتي
وراح ادخل شهر التاسع.....
حاليا احنه بسنه 2019/نهاية رمضان شهر ال5
فاطمه:- اكلك يونس اريد اروح اشتري ملابس
للعيد خاف احد يجينه شي....
يونس:- ماشي روحي براحتج واخذي مرت عمج
فاطمه:- ماعرف ليش احنه منطلع دائما سوة
لان طلعاتي اغلبها ويه امي او وية مرت عمي
او وية نسوان حمويني هوة ابد ميطلع
وياي بس شي قليل نطلع سوة...........
فه رحت وية مرت عمي ام اية..
ضليت ادور هواي على ملابس حوامل
ومالكيت شي يناسبني
فه رجعت وبالطريق كالتلي مرت عمي...
ام اية:- اكلج تدرين عمتج تحجي عليج
وتكول عليج انتي متشتغليين بالبيت وبس كاعده
ودكول كله البيت على يونس وعليها وانتي
كلشي مسوين وهواي تحجي عليج....
فاطمة:- صدك عود هاي شبيها هاي يعني مو كل
سالفة وتحجيها للناس هذا بيت وبي اسرار وخصوصيه
وبعدين اني كلما اريد اشتغل ميخليني يونس
ويضل يحجي عليه يعني هم حيرة والله
اذا اشتغل يضل يحجي عليه يونس
مااشتغل اتضل تحجي عليها هاي
يعني ميصير هيج مدام زوجي قابل محد اله
حق يدخل بحياتي حتلو عمتي والله بزعتني
وبعدين مابيها شي المساعدة بين المتزوجين
ام اية:- اي اني هم حاجيتهه وكتلها البنيه حامل
ومتكدر وتعرفين بيها عدها داء القطط ويونس
يخاف عليها..
فاطمه:- بس بسيطه والله هيج بشر مو مال يعيني
واغاتي والله العظيم...... فد ضجت كلش
ليش تحجي عليه بالسوك كدام العالم....
....... من يومها كرهتها لان بديت اعرف شنو
معدنها وشنو هيه اصلا ومن يومها قررت بعد
مالي دخل بيها حتى بالعيد مااعايدهه وقررت
اكعد بغرفتي بس ومااكعد يمها اصلا
لان ميخلون بشر يحترمهم ابد....
YOU ARE READING
فقيدة القلب
General Fictionأتمنى أن يُكتب في نهاية قصتنا أن السعي كان في الإتجاه الصائب، وأن العوض أنسانا ما فقدناه في الطريق، وأننا أخيرًا ولأول مرة شاهدنا تخيلات كل ليلة مُجسّدة أمامنا، نلمسها ونبتسم لا نخشي تبخّرها أو تحولها لسراب، وأن قلبنا أصبح بمأمن🤍 #فقيدة_القلب
