အိမ်ထဲတွင် သွေးချောင်းစီးနေသည်။
တစ်ပိုင်းတစ်စဖြစ်နေသော ခန္ဓာကိုယ်အစိတ်အပိုင်းများ ပွစာကျဲနေပြီး အိမ်ရဲ့နေရာတိုင်းတွင် သွေးများစွန်းထင်းနေသည်။၅၀ နီးပါးရှိသော လူများတွင် အသက်ရှင်သောလူဟူ၍ တစ်ယောက်ပင်မရှိခဲ့။ အမှတ်မထင် ပြုလုပ်လိုက်သောအရာမှာ ထိုအရာပေါ် သက်ရောက်နေသော လေပြေညှင်းရဲ့ မျက်ဝန်းများကို ပိတ်စို့ပစ်လိုက်ခြင်းသာ။
" မကြည့်နဲ့ အဲ့ကိုမကြည့်နဲ့ "
" ဘာဖြစ်တာလဲ "
" မကြည့်တာ ပိုကောင်းတယ် "
" ကိုဆင့် ? "
" ပြန်ရအောင် "
" ဒါပေမယ့် ဦးလေးကော "
" ပြန်ရအောင် ကိုဆင့်စကား နားထောင်စမ်းပါကွာ "
အိမ်ပြန်နေသည့်လမ်းတွင် ယွန်းဟေမီဆီက ဖုန်းဝင်လာတာကြောင့် ကိုင်လိုက်ပြီး ပုံမှန်မေးခွန်းများကို ပြန်ဖြေနေရလေသည်။
" ကျွန်တော်တို့အခုပြန်လာပါပြီ အိမ်ရောက်မှ ဆက်ပြောကြတာပေါ့ "
အိမ်ပြန်ရောက်ရောက်ခြင်း ယွန်းဟေမီက စိုးရိမ်နေတဲ့မျက်နှာနဲ့စီးကြိုလာကာ ပြဒါးရံက ဧည့်ခန်းထဲတွင် ထိုင်နေခဲ့သည်။
" မျက်နှာလဲမကောင်းကြဘူး ဘာဖြစ်လာကြတာလဲ။ ရုတ်တရက်ကြီး အိမ်ကပျောက်သွားလို့ စိတ်ပူနေတာသွေးတွေက ဘယ်ကပေလာကြတာလဲ "
" မမ....ကိုကိုမရှိတော့ဘူး "
" ရှင်းကိုပြောတာလား ဘယ်သွားလို့လဲ "
" သေသွားတာ "
လေပြေညှင်းမပြောနိုင်သော စကားကို ဆင့်က ကူပြောပေးလိုက်ပါသည်။
ငိုရန်မစွမ်းသာသော မျက်နှာထားနဲ့အတူ ဆင့်က အခန်းထဲ အလောတကြီး ဝင်သွားခဲ့ပြီး လေပြေက ယွန်းဟေမီဆီက နှစ်သိမ့်မှုကိုခံယူရင်း ကျန်ရစ်ခဲ့သည်။
" ဒေါက်.....ဒေါက် "
တစ်ချက်ချင်းထွက်ပေါ်လာသော တံခါးခေါက်သံသည့် ဆင့်ရဲ့ အခန်းရှေ့မှ တရက်ဆက်ထွက်လာနေသည်မှာ အချိန်အတော်ကြာအထိ ရပ်တန့်မသွားခဲ့။ နောက်ဆုံး တံခါးခေါက်နေသူပြန်သွားသည်ဟု သံသယစိတ်လေးဝင်လာချိန်တွင် ရင်းနှီးနေကျအသံလှိုင်းက တိမ်ယံဆင့်၏ ရင်ခွင်ကို နှစ်သိမ့်နေခဲ့သည်။
KAMU SEDANG MEMBACA
Hate Poem Written With Love࿐
Fantasiရင်ထဲမှာ နက်ရှိုင်းစွာနာကျင်စေတဲ့ ခံစားချက်ကို ဆွဲထုတ်လိုက်တဲ့အခါ မင်းကြောင့်ပဲဆိုတာ သိလာတယ်။ " မင်းဟာလေ....စေ့ပိတ်ထားတဲ့ တံခါးတွေကို ဆွဲဖွင့်ပြီး ဒူးထောက်လာအောင် ပြုစားနိုင်တယ်။ " " မင်းဟာလေ.....အကြည့်တစ်ချက်နဲ့ ကိုယ့်အသိစိတ်ကို လောင်ကျွမ်းစေနိုင်...
[61]
Mulai dari awal