التامور (مملكة الأبطال)الجزء الاول [جاري تعديل السرد والحوار]

البارت الثالث والثلاثون

(بِسْمِ اللَّـهِ الرَّحْمَـٰنِ الرَّحِيمِ)

______

في القصر.

قابلوا سراج في صاله القصر الذي نظر إليهم بتعجب.

سراج:بيان انتي كنتي فين انا دورت عليكي في القصر كله ملقتكيش.

تيم بحده:انت اللي كنت فين اختك كانت هتموت وانت ولا علي بالك.

سراج بخضه:هتموت ازاي يعني.

تيم:كانت مصدعه ومعرفش ايه اللي طلعها بره الحديقه ووقفت في نص الشارع وكان فيه عربيه معديه.

بيان:كنت بدور علي سراج وفكرته علي الدكك بره فعشان كده طلعت وملقتهوش والصداع زاد ومقدرتش اقف فقعدت في الأرض.

تيم:في نص الطريق.

بيان:مكنتش قادره اتحرك والله.

تيم:خلاص حصل خير.

اقترب سراج منها بسرعه ليعانقها ولكن يد تيم منعته.

تيم:مش بالسهوله دي،احنا كنا هنخسرها ولا مش ملاحظ ده.

سراج:انا اسف بس دي اختي انت هتمنعني احضنها.

تيم:اه أما تعرف غلطك وتتعلم منه ابقي احضنها،لكن بإهمالك ده كويس اني هسيبك تشوفها.

بيان بترجي:تيم.

تيم بحده:ولا كلمه انتي كمان ويلا قدامي.

نظر سراج له بضيق ثم صعد لغرفته بينما صعد كلا من تيم وبيان لغرفتهم.

بيان:تيم مش ملاحظ انك زودتها اوي،اكيد كان مشغول في اي حاجه ومخدش باله.

تيم:انا عارف الكلام ده بس المفروض ياخد باله ويركز اكتر من كده ويتحمل مسئولية أفعاله.

بيان:طب معلش عشان خاطري صالحه،هو بيحبك اوي وبيعتبرك اخوه الكبير.

تيم:لا مش هصالحه لانه مزعلش مني.

بيان:مش فاهمه.

تيم:هو مزعلش مني،هو زعل من نفسه وصدقيني هو مش عايزني اصالحه بالعكس هو اللي هيجي يتأسف علي إهماله ليكي.

بيان:مش عارفه بس يمكن كلامك صح،او اكيد.

تيم:المهم دلوقتي عايز اقولك حاجه.

بيان:ها سمعاك.

تيم:لا مش هقول دلوقتي،بكره هنروح مشوار وهقولك ساعتها ودلوقتي يلا ريحي شويه عشان انتي تعبانه.

بيان:حاضر.

في الصباح الباكر.

استيقظت بيان،وجدت تيم قد استيقظ أيضا.

تيم:خدي دوش والبسي فستان كويس واظن انتي فاهمه قصدي.

بيان بابتسامه هادئه:هنروح فين.