التامور (مملكة الأبطال)الجزء الاول [جاري تعديل السرد والحوار]

البارت الثاني والعشرين

              (بِسْمِ اللَّـهِ الرَّحْمَـٰنِ الرَّحِيمِ)

______

احد الأطباء:اتطمنوا يجماعه المريضه كويسه بل وفاقت كمان،انعاش القلب خلاها تفوق والحمدلله محصلش انتكاسه ومدخلتش في غيبوبه تانيه.

نزار بصدمه:فاقت.

الطبيب:ايوا فاقت ومؤشراتها كويسه جداً،ثم نظر لتيم الواقف مذهول وهو يحمد ربه علي إفاقتها.

الطبيب لتيم:كنت ادخلها من زمان يا تيم بيه،انا برضو كنت مستغرب انك جوزها ومدخلتلهاش ولا مره.

نظر له تيم بصمت جعل الشك والحيره تدب في قلوب شيب ونزار.

شيب:طيب احنا ممكن نشوفها.

الطبيب:اكيد اتفضلوا.

اتجه كلا من تيم وشيب ونزار الي الداخل بخطوات متردده،نظروا لها فكانت تنظر إلي الجانب اليمين بشرود ولم تنتبه لهم.

نزار بحنان:بيان.

استوعبت أنه صوت أخيها فنظرت مسرعه بإتجاه الصوت وقالت بفرحه طفله.

بيان بفرحه:نزار.

جلست علي السرير وكانت ستنزل لترتمي باحضانه ولكنه لم يعطيها الفرصه واتجه إليها مسرعاً فدخلت أحضانه تختبئ بها فهي تحبه بشده وأكثر من سراج أو والديها فهو له معزه خاصه لديها،ظلت بأحضانه فتره حتي ابتعد.

بيان:وحشتني اوي اوي.

نزار:وحشتك بجد لو وحشتك مكنتيش هتغيبي كل ده.

بيان:غصب عني متزعلش.

نزار:خلاص مش هزعل بس عايزك تبقي قويه تبقي بيان بتاعه زمان اتفقنا.

بيان:اتفقنا.

نظرت إلي شيب.

بيان:اذيك يا شيب ليك وحشه يا راجل.

شيب بهدوء وابتسامه بسيطه:الحمدلله انتي اللي وحشتيني اكتر.

نظر تيم بحده لأخيه ثم أعاد النظر إليها بحده هي الآخري هل تخرف هذه ام ماذا.

واخيرا نظرت له.

بيان بهدوء:انت اتجوزت.

نظر لها تيم بتعجب ثم قال:اتجوزت ازاي مش فاهم يعني.

شيب:بيان انتي بتقولي ايه.

بيان بتشوش:مش عارفه انا حلمت إنك بتقولي انك هتتجوز غيري،الكلام ده صح.

نظر له كلا من شيب ونزار نظرات حاده.

تيم:اكيد لا طبعا مش هتجوز غيرك ولا اتجوزت.

بيان:طيب خدني بقي.

تيم:اخدك فين.

بيان:يلا نروح البيت.