التامور (مملكة الأبطال)الجزء الاول [جاري تعديل السرد والحوار]

البارت الحادي والثلاثون

              (بِسْمِ اللَّـهِ الرَّحْمَـٰنِ الرَّحِيمِ)

__________

بيان بذهول:سراج انت بتعمل ايه هنا.

نظر لها تيم بضيق ثم تركهم وصعد للاعلي بينما هي لاحظت ذلك ولكن انتظرت استماع اجابه شقيقها.

سراج:هكون بعمل ايه جاي ازورك.

بيان بعيون ضيقه:سراج انت هتستعبط عليا جاي تزورني ولوحدك وبشنطه هدومك.

سراج:بيان انا هفضل معاكي هنا.

بيان:لا بكره هترجع.

سراج:لا هفضل.

بيان:وانا بقولك لا مش هتقعد هنا ملكش مكان هتروح.

سراج بغضب:دا مش بيتك،دا بيته وهو موافق اقعد هنا.

بيان:ملكش دعوه بيه انا هتصرف معاه لكن انت هتروح لبابا وماما.

سراج:لا مش هروح،بعد اذنك.

تركها واتجه للاعلي،فتح أحدي الغرف وأعجبته فدخل واغلق الباب،بينما هي صعدت مسرعه الي الاعلي ودخلت غرفتهم.

بيان:انت هتروحه بكره.

تيم:انا مش خدام عندك لو هو عايز يروح يروح هو عرف هيعمل ايه وازاي يروح.

بيان:لا هو مش عارف حاجه مش عارف حاجه لو يعرف مكانش هيجي هنا ويقعد في بيت زعيم مافيا.

تيم بتفهم:اه قولي كده بقي انك خايفه عليه مني صح.

بيان: مش هكدب عليك اه خايفه يبقي زيك.

تيم:اسمعي يا بيان خايفه عليه مني مش خايفه مش شغلي هو جه وانا واجب مني روحت جبته من المطار عايز يروح يروح هو انا مش هرجع حد،ولو فضل متخافيش مش هاكله يعني اخوكي كبير وعاقل،وبعدين ابعدي عني بقي عشان عايز انام وياريت ملكيش اي علاقه بيا تاني.

تركها واتجه للنوم،بينما هي تنهدت بضيق ثم نزلت للاسفل وقفت في الحديقه أمام حمام السباحه وظلت تسير ذهابا وإياباً وهي تضع يدها علي جبهتها والآخري علي خصرها.

بيان:دماغي هتنفجر،دماغي هتنفجر،مش عارفه افكر ولا عارفه اعمل ايه من ناحيه تيم واهمالي ليه من بعد اما سبني ورجع متعور وتعاملي معاه اللي كان غلط من الاول وبعدين تعبه وكلامي ليه وتعبه اكتر وبدل ما تكلمه كويس بسم بدنه وهو عنده حق لانه نزل يجيب اخويا اللي جه بلد غريبه ميعرفهاش وانا غبيه وزعقت وقولتله مش هكلمه تاني او مشي يعني كان يسمع كلامي ويقعد عشان يكلمني ويراضيني ويسيب اخويا يولع ولا يروح يجيبه وساعتها فعلا اندم انا علي اللي قولته واللي عملته وبعدين اخويا اللي جه وسراج عقله صغير وممكن يعرف شغل تيم ويقول تجربه جديده اجربها ويبقي اخويا زي جوزي قتال قتله،انا مش خايفه من تيم بس خايفه من سراج ودماغه اللي هتوديه في داهيه،فلازم سراج يمشي من هنا بسرعه قبل ما تحصل مصيبه بس ازاي اتصرف ازاي انا هتجنن،من ناحيه تيم واللي لو كلمته كلمه واحده أنه يرجع اخويا هيفتكر اني خايفه علي سراج منه وانا اصلا خايفه من سراج نفسه وتفكيره،كده لو اتصرفت اي تصرف سراج هيزعل مني ونفس الكلام تيم هو اصلا زعل وصدق في كلامه اني هندم،اعمل ايه اعمل ايه،تنهدت بعمق:لازم اكلم تيم وافهمه وجهه نظري لا....انقطع حديثها مع نفسها عندما انزلقت قدمها ووقعت في حمام السباحه العميق،ظلت تحاول الخروج ولكنه يسحبها للقاع حتي استسلمت تماما.