التامور (مملكة الأبطال)الجزء الاول [جاري تعديل السرد والحوار]

البارت السادس والعشرين

               (بِسْمِ اللَّـهِ الرَّحْمَـٰنِ الرَّحِيمِ)

_______

بيان:ايه حكايته.

تيم:قصدك حكايتهم.

بيان:ليه هما بقيت الخيول حصلهم حاجه برضو.

تيم:من حوالي سنتين كنت ماشي في لندن عادي جدا اللي هو بتمشي يعني وطبعاً كنت هناك عشان شغل فالمهم في اليوم ده شميت ريحه حريقه وبعدين ببص حواليا مش لاقي اي حاجه خالص ففضلت ماشي وقولت اكيد تهيؤات بس كان فعلاً فيه حريقه وده لاحظته من الدخان اللي ابتدي يظهر في السما،المهم انا جريت لحد ما وصلت للمكان وكان بيت كبير وجنبه اسطبل واللي كان بيتحرق الإسطبل فلقيت الخيول كلهم بره وواحد بيفحصهم بلفهه عرفت منها ومن كلامه أنه صاحبهم بس لقيته فجأه صرخ أن فيه خيل ناقص وحاول يدخل بس الناس منعوه فأنا دخلت من غير ما حد ياخد باله ودورت كتير وملقتهوش بس كنت لسه هطلع سمعت صوت صغير ووبص ناحيه الصوت وبقرب لقيت خيل واقع علي الارض في اخر الإسطبل وكان لسه عايش بس للأسف كان فيه خشبه داخله في ضهره المهم أنا مكنش ينفع اسيبه وفي نفس الوقت مكنتش عارف هخرجه ازاي لوحدي والسقف كان هيقع فلقيت أن انسب حل اني اكسر الخشب اللي ورانا ونخرج وطبعاً الإسطبل كان مصنوع من الخشب حيطان وسقف وكله فكان سهل إني اكسره وزقيته بصعوبه كبيره لبره وحاولت علي قد ما اقدر أبعده عن الإسطبل المحروق وبعدها لفيت الناحيه التانيه وعرفت صاحبه اللي طلع يجري عليه بسرعه وشكرني وبعدها انا استأذنت ومشيت وبعدها بفتره كنت ماشي من قدام البيت ده تاني ولقيت صاحب الخيول واقف مع شخص تاني والخيول وراهم وبعدين الشخص ده راح ضرب الخيول عشان يطلعهم العربيه فأنا روحت لصاحبهم وسألته وساعتها قالي أنه باعهم للشخص ده لانه مسافر والإسطبل بتاعهم باظ فهيسيبهم فين،انا فكرت واترددت بس حسيت إني لازم انقذهم من الشخص ده فرحتله وعرضت عليه فلوس اكتر من اللي دفعها وهو وافق وخدتهم كلهم وسفرتهم جبتهم هنا وبنيت ليهم الإسطبل ده وبس كده يستي دي حكايتهم.

بيان:وكده أشهب هو الحصان اللي كان جوه الحريق.

تيم:اه.

بيان:وعرفت منين أنهم اخوات.

تيم:سألت صاحبهم علي اساميهم وقالي إنهم اخوات.

بيان:يعني مش انت اللي مسمي أشهب.

تيم:لا انا اللي مسميه ومسميهم كلهم،انا أما سألته كان قبل اما اشتريهم أما وقفت اتكلم معاه قالي اسمهم بالوصف وطبعا أما اشتريتهم غيرت اساميهم.

بيان:طيب كده واحد أشهب والباقي سميته ايه.

تيم:وتعالي ندخل واقولك اساميهم وانا بشاورلك عليهم.

بيان:ماشي.

ذهبوا الإسطبل وكان به ناحيه يمني ويسري وكل واحده بسته خانات،ظلوا يسيروا بالترتيب.