တကယ်ပါပဲ……သူ့ရဲ့ကောင်လေးကဘယ်မှာဘာတွေလုပ်ပြီးဘာတွေစိတ်ညစ်လာလို့အရက်တွေလာသောက်နေလဲဆိုတာဒီကကောင်ကဘယ်လိုလုပ်သိမှာလဲ……သိရအောင်ကျွန်တော်ကbossရည်းစားမှမဟုတ်တာ……။
"ဘာတွေဖြစ်နေတာလဲဒေါက်တာ……"
လှေကားကနေဆင်းလာတဲ့bossကိုမြင်လိုက်မှသာထူးထက်စေမှာသက်ပြင်းချနိုင်တော့သည်။ မဟုတ်ရင်ဒီဒေါက်တာကသူ့ကိုရစ်လို့ဆုံးမှာမဟုတ်ဘူး။
"ဘာမှမဟုတ်ပါဘူး……မနက်စာစားသွားအုံးလေကိုယ့်ကလေးလေး……"
ကြားလိုက်ရတဲ့နူးနူးညံ့ညံ့အသုံးအနှုန်းလေးကြောင့်ထူးထက်စေမှာနှာခေါင်းတရှုံ့ရှုံ့ပင်။
အပြောင်းအလဲမြန်မှုကြီးကလည်းအံ့သြဖို့ကောင်းလောက်ပါပေတယ်……။
"မစားတော့ဘူးဒေါက်တာ……နောက်ကျနေပြီ……"
မနက်စာမစားတော့ဘူးပြောလိုက်တာနဲ့ချက်ချင်းဆိုသလိုဒေါက်တာ့မျက်နှာကစူပုတ်ပုတ်ဖြစ်သွားလေပြီ။ လေးထောင့်မကျတကျမျက်မှန်လေးနဲ့လူကြီးဆန်တဲ့ရုပ်လေးကဒီလိုစူပုတ်နေပြန်တော့လည်းသဝဏ့်အတွက်တစ်မျိုးတော့ချစ်စရာကောင်းသားရယ်။
"နေ့လည်စာစောစောစားမယ်လေဒေါက်တာရဲ့…နော်……"
"သေချာလား……"
သေသေသပ်သပ်ဖိသပ်ကာလှန်တင်ထားသည့်မီးခိုးရင့်ရောင်ဆံနွယ်တွေကိုခပ်ဖွဖွထိကိုင်ရင်းပြောလာကြောင့်ပြုံးကာခေါင်းညိတ်ပြလိုက်မိသည်။
စားဖြစ်သည် မစားဖြစ်သည်ကနောက်မှပေါ့။
"ဒါဆိုသွားရအောင်လေ boss……"
အလွမ်းသယ်နေတဲ့အမြင်ကတ်လို့ဝင်ပြောမိတော့ဒေါက်တာစဝ်ထည်ဝါရဲ့နဂါးမျက်စောင်းကလူကိုဒိုင်းခနဲဝင်ဆောင့်သည်။
ဘာပဲဖြစ်ဖြစ်ပြောသင့်တာပြောလိုက်မိတာကြောင့်ဒီတစ်ခါတော့ထူးထက်စေအကြည့်မလွှဲမိ။ မျက်နှာထားတင်းတင်းနှင့်သာခေါင်းမော့ကာရပ်နေလိုက်သည်။
အခုလိုမှသတိမပေးရင်bossဒီတစ်သက်companyမရောက်လောက်တော့ဘူး……။
"အင်း……ဒါဆိုသွားရအောင်……"
ပြောပြောဆိုဆိုနှင့်ကောင်လေးကကားပေါ်ဝင်ထိုင်လိုက်တော့ထူးထက်စေကdriverနေရာအမြန်သွားဝင်ထိုင်သည်။ ထည်ဝါ့ကိုပေစောင်းစောင်းမျက်နှာပေးဖြင့်ပြန်ကြည့်သွားဖို့ကိုလည်းမမေ့။
တွေ့မယ်…တွေ့မယ်……မင်းနေမကောင်းဖြစ်ရဲဖြစ်ကြည့်လိုက်…မကုပေးဘဲလမ်းဘေးမှာကိုပစ်ထားပစ်အုံးမယ်။
အဟွန်း……စဝ်ထည်ဝါကိုဘာမှတ်နေလဲ။
YOU ARE READING
Second life ( အချို့သောချစ်ခြင်းတို့သည် )
RandomHydrangeaတွေနဲ့အတူ အမြဲနောင်တရနေလိုက်ပါအစ်ကို။ နောင်တတရားတွေ အားနာစိတ်တွေနဲ့နာနာကျင်ကျင်ရှင်သန်နေလိုက်ပေါ့။
EP - 28
Start from the beginning
