وأنا الهبايب ماتحرك غترتي وعقالي

الهبايب ~٥~

~~ في الليل تحديدا الساعه وحده ~~
دخلوا حمود ومسلط داخل مزرعه منصور وكانوا متلثمين
مسلط ناظر ب باب غرفه منصور :حشى كل ذولا حرس على وش ي حظي الاقشر ؟
حمود بعصبيه وبهمس: اصصص بندخل مع النافذه الخلفيه وبنمشي على نفس الخطه تمام ؟
مسلط : تمام
بدوا يمشون بشويش لين نافذه المجلس الخلفيه طل حمود من النافذه وناظر ب منصور الي غرقانن بنومته
حمود بسخريه : بتكمل نومتك ب السجن ي حلو
فتح النافذه بخفه ونط حمود ل باب المجلس وقفله بحكم ان المفاتيح كلها معه ورجال منصور ماكانوا حاسين با اي شي
وثم دخل مسلط وبدا يلف الشماغ على فم منصور بقسوه
وحمود طلع السكين وغرزها بوسط ساق منصور
فز منصور من الالم وماكان قادر يصرخ او يركض وراهم و طلعوا من نفس النافذه بغمض عينه وما امدها منصور يتعرف عليهم او يلمح حتى رمش عيونهم
مد يده وهو يفك الشماغ ويصرخ ل الرجال من نزيف ساقه
دخلوا الرجال بعد ما كسروا الباب وهم يحاولون يساعدون منصور
منصور بصرخ : اتركونييييي الحقواااا الرجالللل الي طلعوا من النافذهههه
وفعلا رجال منصور تركوه يتالم بمعناه وطلعوا يدورون على المجهولين الي مسوين كل ذا
ولكن ل الاسف حمود ومسلط سلموا انفسهم ل اقرب قسم شرطه والي كان بعيد عن الاستراحه ب ١٠ دقايق فقط
~~ عند حمود ~~
الشرطي بعصبيه : منهممم جماعتكككك؟؟؟؟
بدا حمود يوصف لهم طريق المزرعه وسرعان ما طلعوا سيارات من القسم متوجهين ل المزرعه
اما حمود ؟ طلع ل مسلط ويدينه مقيده ب الحديد وماسكينه اثنين من رجال الامن
وقف مسلط قدامه ببتسامه : شكرا ي حمود مدري كيف ارد لك حقك؟
حمود بنفس الابتسامه : ماسويت الا الصح والمفروض اني اسويه من فتره طويلهههه
قرب له مسلط وهو يقبل جبينه : استودعك الله
مشى حمود لسياره الشرطه الي رح توديه السجن العام ومسلط وقفوه ب التوقيف لاجل التحقيق
~~ بيت العم ابراهيم ~~
والي كانوا جالسين بسطح البيت
عبدالعزيز: لا لا يمه صدز من تحبين اكثر من بيننا؟
العمه نوره وهي تشرب الشاهي : احبكم كلكم وانا امكم
طلال كان ياكل ومتجاهل سواليفهم
ناظرت فيه هيا : هيههه يورع لاتكبر اللقمه حتنا باكل
العمه نوره حطت يديها على فكها : هوو ي هيا؟ الخير واجد
انتصار بضحكه : مشافيح
قرصتها العمه نوره: وجعههه
انتصار وهي تحسس مكان القرصه : احح يمههه شنوحك علي؟
العمه نوره: انتي الي علامتس على اخوانك
ناصر طلع من غرفته وجلس قدامهم : يمه احس خلاص ودي ارجع ل الرياض اشتقت ادرس
اياد : الله ي مصطفى اهد اهد
ناصر رمى عليه عليه المناديل : انت بذات ولا كلمه اص
العمه نوره بضحكه : شنوحك عليه ؟
ناصر : كذا ادور حرش
وقف اياد وهو يشمر اكمام ثوبه : يلا قم اوريك الحرش على اصوله
وقف ناصر والي كان جسمه رياضي وبدا يستعرض بعضلات كتوفه
ناصر: صامل تتحدى؟
الكل انذهل من عضلات ناصر الي ماهي واضحه عليه ابددد
اياد بتوتر : بجلس علشان مانزعج ابوي النايممم
وركض ل حضن امه
ناصر بضحكه وهو واقف : بزرانننن
ادهم بذهول : كيف طلعت لك عضلات كذا؟؟؟
ناصر وهو يجلس : والله تعرف الغربه ماعندي شغل الا الدوام وباقي الوقت اكون فاضي وماعندي جدول وبديت اتمرن ب البيت مع اكل صحي والحين اموري تمام التمام
طلال وهو ياكل : تكفى علمنييي
ناظر فيه ناصر بسخريه : يشيخ انت الحين اترك المرقوق من يدك وبعدها تعال وقل علمني
توسعت عيون طلال : تخسييي مابقى الا المرقوق اتركه
ناصر : كل كل وانت ساكت بس
العمه نوره: خلاص انت وياه اهجدوا وتاملوا القمرا
رفعوا نظرهم كلهم ل السماء وهم يشوفون نور القمر ساطع والنجوم حوالينه والسماء الصافيه من الغيوم
وبدا كل واحد يرسم حلمه ويفكر بحياته الجايه وهم يناظرون ل السماء وجاهلين الهبايب الي بتهب على قلب كل واحد منهم وخصوصنا عبدالعزيز والعمه نوره كيف بيوجهون الهبايب ذي من دون جبل البيت ابراهيم ؟
~ بعد ساعه تمام عند منصور~
الي صحى بعد ما اغمى عليه بسبب النزيف
ولكن لحظه ؟ انا وين ؟ وليه يدي مقيده على السرير؟ وليه الغرفه فاضيه ؟ وين رجالي ؟ وين امي وابوي ؟ وين اخوانييي ؟؟؟
كل الاساله ذي كانت تدور براس اول ماصحى في المستشفى ويدينه مكلبشه على السرير وماله لا حول ولاقوه الا بالله ماكان فيه احد حوله او احد معه بذي اللحظه
لين ماتجمدت اطراف منصور من دخلوا اثنين من العساكر وهو بدا يدرك كل شي حبه حبه
وقف عسكري بحده وثبوت : الحمدالله على السلامه
سكت منصور وهو يناظر السقف بدون اي رد
قرب له العسكري وهو يهمس : على فكره ترا كشفنا كل الاعيبك وصادرنا كل شي ومن سريرك ذا ل السجن
ولازال منصور على نفسه وضعه ساكت ويتامل السقف
ناظر فيه العسكري لثواني وثم لف على. العسكري الثاني وهز راسه بمعنى مشينا
وطلعوا من الغرفه وتركوا منصور الي بدا يرفس رجوله ويضرب السرير بقهر ويضرب يدينه على السرير بضيق
~~ عند عيال العم ابراهيم والعم ابراهيم ~~
الي وصلوا قسم الشرطه وهم يركضون بخوف بعد الاتصال الي وصل لهم ولاهم عارفين اي شي
دخل العم ابراهيم المكتب : شصايرررر وش هو مزين منصورررر؟
العسكري لف نظر عليهم ؛ انتم اهل منصور ؟
العم ابراهيم: اي انا ابوه وهذولا اخوانه
مد يده العسكري على الكرسي : تفضل اجلس ي عم
جلس العم ابراهيم وهو يسمح وجه ويهمس : يارب استرنا
نطق العسكري وهو يناظر مابين العم ابراهيم ومابين عياله: الساعه وحده مساء القينا القبض على عده رجال يتاجرون ب المخدرات ومع الاسف ان منصور كان قائدهم
شهق العم ابراهيم : وشووو لا لا مستحيل اكيد تشابه اسامي هذي ماهي سوات ولديييي
بدا يمسك قلبه ويمسح عليه اجتمعوا عياله عليه وطاح بين ايادي ناصر مغمى عليه من قوه الخبر
سرعان ماتدخلوا رجال الامن وانتقل الى المستشفى وبدت الفحوصات والاجراءات ل حاله العم ابراهيم الصحيه
وعيال كانوا ممنوعين من دخول الغرفه وظلوا واقفين قدام باب الغرفه الين نطق الموذن < الله واكبر >> لصلاه الفجر
مسح عبدالعزيز على وجه وهو يردد ورا الموذن ولف على اخوانه وهو يذكرهم ب الصلاه : ي عيال تعالوا نصلي وان شاء الله بعدها خير
دخلوا غرفه الاستراحه و وجهوا وجهتهم ل القبله وبدا ناصر يصلي فيهم الركعتين واول ماسلموا قابلوا الدكتور قدامهم
الدكتور : انتم عيال الحج ابراهيم ؟
فز ناصر بخوف : اي حنا عياله شلونه؟؟
الدكتور نزل نظراته الطبيه ونطق بحزن : ابوك جت لها جلطه في القلب و وضعه الصحي ابد ماهو بخير
ناصر مسح وجه بضيق : لاحول ولاقوة الا با الله
جلس اياد على الكرسي وهو يسمح وجه بضيق وجنبه ادهم
وعبدالعزيز ركى ظهره على الجدار ورفع راسه ل السقف وهو يدعي بكل حزن ل ابوه ومنصور
وتركي وطلال كانوا واقفين ورا ناصر
تركي : طيب يمدي ندخل له ؟
الدكتور : اليوم ممنوع الزياره
طلال : طيب نرافق معه لاجل نتطمن على وضعه
الدكتور : والله مع الاسف ممنوع الدخول عليه نهائيًا خصوصنا با الايام الاولى قدامكم العافيه
ومشى الدكتور وتاركهم بقلوبهم المحروقه ل اول مره عيال العم إبراهيم يتجمعون على الحزن لوحدهم مامعهم لا العم راجي ولا عياله والا الخال فرحان كانوا وحيدين في المستشفى مالهم لاحول ولا قوة الا بالله ثم ب مسنداتهم لبعض ولا هم قادرين يخفون ملامح التعب والحزن ولكن كل واحد كان يقوي نفسه لاجل الثاني كل واحد كان يشوف نفسه سند ل الثاني وسند ل خواتهم الي ينتظرون ب البيت على احر من الجمر
~~ بيت العم ابراهيم ~~
دخلوا العيال وباينه عليهم ملامح الحزن والضيق
فزوا الحريم الي كانوا ساهرين ب الحوش لين شق النور وقلوبهم ماهي متطمنه
العمه نوره بخوف : وش صار عليكم ؟ وين ابوكم منصور وينه؟
سكتوا العيال كلهم بدون رد لين ما ارتمى اياد بحضن سلمى وهو يشهق من البكاء
العمه نوره مسكت عبدالعزيز من ياقته : وش صايرررر انطقق
ناصر صد نظره من الموقف وهو حس انه ضعيف ومهزوز قدام دموع امه ودموع اياد ماهو قادر يتحمل الموقف
عبدالعزيز ثبت بجمود ومسك يد امه : تعالي تعالي ي يمه
مشى وهو مسك يده امه واخواته مشوا وراه ماعاد سلمى وقفت وهي ماسكه اياد وادهم على درج الحوش وتحاول تفهم منهم السالفه وتواسيهم بعد ما انهاروا عندها
عبدالعزيز تنهد وهو ماسك يد امه : يمه منصور مسجون بقضيه بسيطه وان شاء الله يطلع
شهقت العمه نوره: وشهيييي القضيههه؟؟ انطق
نزل راسه عبدالعزيز وهو متوهق : مخدرات
مسكت راسها العمه نوره: لاحول ولاقوة الا با الله يويليييي ويلاههه
البنات سكتوا بصدمه وهو يناظرون بعض
العمه نوره رفعت نظرها : وابوك وينهو بوه ؟
عبدالعزيز وهو منزل راسه : ب المستشفى جته جلطه خفيفه
العمه نوره: لاحول ولاقوة الا با الله الله يهديك ي منصورررر وش سويتتتت ليهههه دمرت حالك ودمرتنا معككك حسبي الله على من دلك على هادرب حسبي الله ونعم الوكيلل
حطت طرحتها على وجها وهي تبكي بقهر وضيق وحولها عيالها الي ضاعوا مابين مواساتهم لخواتهم ول امهم
~~ الطايف ~~
وتحديدا الساعه ٣ العصر
طلعت الجادل من الغرفه ولقت امها ب الحوش تخيط الملابس وحاطه المروحه على وجها وتدندن على الخفيف
وكانوا ساكنين مع خال الجادل اخو العمه موضي
مشت لها الجادل : بتنزلين السوق الليله؟
العمه موضي هزت راسها با الايجاب : اي بنزل تجين معي ؟
الجادل : لا والله بجلس هنا مع البنات
العمه موضي: الي تشوفينه روحي جيبي لي عبايه وفرشه البسطه
الجادل : سمي
وفعلا لبست عبايتها العمه موضي واخذت معها فرشه وطلعت ل السوق تبسط ب ملابس الخياطه لاجل تكون قادر تصرف على بنتها وعلى نفسه
اما الجادل جلست مع بنات وعيال الخال والي هم اساس اخوانها من الرضاعه
~~ سوق الطايف ~~
جلست العمه موضي بعد مارتبت فرشتها وحطت كل شي قدامها
رفعت نظرها وتجمدت من شافت الخال فرحان جاي ومعه رفيقه وشركيه ب الحلال
قربوا ل بسطات الحريم وهي تسمع
ضحك محمد : عاد هالله الله كل شي الا اختي
الخال فرحان ببتسامه : ان شاء الله واذ جابت لي ضاري بحطها بضلوعي هي وضاري
تجمدت ملامح العمه موضي وهي تردد بهمس: الله يصبر قلبها المسكينه الي بياخذها ويعوضها
رفعت نظرها من مروا من قدامها متوجهين ل محلاتهم وسكتت ببرود ولا كانها سمعت شين منهم
~~ عنيزه ~~
بيت العم ابراهيم
صحوا العيال والبنات واجتمعوا على قهوه العصر وهو يحاولون يهدون الاوضاع
نزل عبدالعزيز وهو يشوفهم مجتمعين على القهوه ماعاد العمه نوره ماهي موجوده ولف نظره على نافذه غرفتها الي تطل على الحوش وتحديدا على جلستهم
رفع صوته عبدالعزيز ل اخوانه : ويننن نورهههه ؟ قولوا لهاااا مارح اتقهوى لين ما تجييي
ردت العمه نوره بصوت عالي : قولو له اني توي ماكله مابي شين
لف عبدالعزيز على مريم وهمس : صدز اكلت شي؟
مريم هزت راسها با النفي
تنهد عبدالعزيز بضيق ومشى ل غرفه امه
عبدالعزيز ؛ افاااا ي ام عزوز تكذبينن ؟
العمه نوره الي كانت جالسه على السرير رفعت نظرها : مالي نفس اكل شي عليكم ب العافيه ي يمه انتم
عقد حواجبه عبدالعزيز وهو يجلس قدامها ع السرير : افااا ي يمه علامتس كذا ضايقه ومانتي على وضعك
العمه نوره رفعت راسها وهي تحاول تبلع غصتها: كيف تبيني ارتاح واخوك بين الحديد مجهول مصيره وابوك تعبان ب المستشفى وحالته حاله شلون تبيني ارتاح ؟
عبدالعزيز مسك يدين امه : وحنا يمه ؟ من وين ناخذ قوتنا؟ يمه ترا كلنا مكسورين اخواني وخواتي شوفي وضعهم برا محتاجينك معنا نشوفك مكان ابوي لاطاح ولا ل صار له شي يمه حنا خسرنا اخوي الكبير خلاص راح بدرب الهلاك وابوي طايح في المستشفى و وضعه مايعلم فيه غير الله من لنا بعدهم ؟
نزلت راسها العمه نوره بدون رد وهي حاسه ب الحزن بكل كلمه وكل حرف يطلع من لسان عبدالعزيز
مسك يدينها عبدالعزيز: قومي ي يمه معي خلينا نطلع ونجلس برا لين ماتنحل الامور لو منصور بيطلع من جلسه الغرفه كان كلنا جلسنا ب غرفنا بس الشكوى ل لله مابيدنا شي
تنهده العمه نوره بضيق وقامت مع عبدالعزيز ل الحوش وجلست تتقهوى مع عيالها وبناتها لين ماطق الباب وكان يطق بشكلٍ مجنون
قام ناصر من مكانه بخوف وفتح الباب وقابله عمه راجي
العم راجي بعصبيه : ليهههه انا اخررررر من يعلممم ؟؟؟؟ماني بحسبه ابوكم انااااا ؟ ماني عمكم؟؟؟
ناصر تجمد بدون رد وهو يشوف عمه وعيال عمامه كلهم موجودين والغضب واضح عليهم بحكم انهم ماعرفوا الا متاخر
طلعوا عيال العم ابراهيم برا مع العمام
ناصر : والله ي عم ماحصل وقت نكلمكم فيه
العم راجي : كيففف ماحصل وقتتت؟؟؟ المفروض اول ما اتصلوا عليكم المركز اعطيتوني خبر ولا اجلس واسمع الخبر من رجال الحي والشيبان قسم بالله يوم سالوني اني توهقت مادري وش ارد
نزل راسه ناصر بدون اي رد
تركي بستغراب : وش عرفهم اهل الحي
العم راجي : حمود و مسلط كانوا معهم بس مسلط هو الي اشتكى عليهم وحمود كان يشتغل معهم وسلم نفسه وانتشر الخبر من ابو مسلط وان منصور معهم
رائد : خلاص اهدوا وخلونا نلحق على حكم منصور
العم راجي: وين ابوكم ؟ نادوه
ناصر بتوهق: ابوي امس من صدمه الخبر طاح علينا ولمن رحنا المستشفى قالوا فيه جلطه ب القلب
مسك راسه العم راجي : لاحول ولاقوة الا با الله الله يستر اجل خلونا نشوف حكم منصور وبعدها نمشي ل ابوكم
وفعلا ذا الي صار نصهم ركبوا سياره مشعل والنص الثاني ركبوا سياره رائد متوجهين ل محكمه عنيزه لاجل الحكم
~~ ب المحكمه ~~
دخلوا عيال الراجي مع العم راجي وجلسوا في الصفوف الاماميه
وبعدها دخل القاضي مع رجال الامن وعلى اليمين كان موجود زلزله وفيها المجرمين ومن ضمنهم منصور الي كان ب صعوبه يوقف بسبب ساقه الي قصوا عظام من عظمات الرجال لانه تاثر ب الطعن بشكل قوي وبذا السبب ماقدر يوقف على رجوله
نطق القاضي بحده : ماطلبنا من الاهل محامين او اجلنا الجلسات لان كل شي واضح امامنا وافعال منصور ورجاله واضحه وضوح الشمس ولايحتاج لها محامي او غيره لذلك وضعنا الجلسه قبل ان تمر حتى اربع وعشرين ساعه على القى القبض عليهم وقررت محكمه عنيزه العليا ب الحكم على منصور بن ابراهيم الراجي ب السجن سنتين مع الاعمال المتعبه
وكمل نفس الكلام على باقيه رجال منصور
اما عيال الراجي الي وقفوا يناظرون ب منصور نظرات خذلان وعتاب ماله نهايه والالم الي بقلوب عيال ابراهيم انهم خسروا سندهم بعد الاب تنهدوا بقله حيله وطلعوا من المحكمه متوجهين ل المستشفى وطبعا الصمت كان يعم كل السيارتين كل واحد يفكر بشي ويفكرون ب مصيرهم واشياء كثيره
والعم راجي كل فكره رايح ل اخوه ابراهيم كيف وضعه وكيف بيتقبل الموضوع بعد ماكان يفتخر ب منصور بكل المجالس وبين كل الرجاجيل مليون سوال وسوال ومليون فكره وفكره تجي وتروح بباله والنار الي ماهي قادره توقف بضلوعه وهو يتذكر وقفه منصور وشكله بين الحديد وبوسط ناس مجرمين

ان اصبت فهو من فضل الله وان اخطأت فهو من الشيطان ✨💙