ဟူသော ဝန်ထမ်းအစ်မချောချောလေး၏ လမ်းညွှန်မှုတွေ သုံးယောက်စလုံးက ငြင်းဆန်ရန် မတတ်နိုင်ခဲ့ပေ။ ထိုအတိုင်း မှာပြီးနောက် စားပွဲအလွတ်တစ်ခုတွင် နေရာယူကာ သုံးယောက်သား ပျော်ရွှင်စွာ စောင့်ဆိုင်းနေကြလေသည်။
ထိုအချိန်တွင် သူတို့သည် တစ်ပတ်တာလုံး ပင်ပန်းစွာ စာသက်ခဲ့ရသည့်အကြောင်းကို အပြိုင်အဆိုင်ညည်းညူရင်း ရယ်မောဖွယ်ရာများကို တစ်ဖန်ပြောဆိုရင်း စောင့်ဆိုင်းနေကြလေသည်။ ရောက်တတ်ရာရာများကို တောင်စဉ်ရေမရပြောနေကြစဉ်တွင် မှာထားသော ဟင်းအမယ်များ ရောက်လာလေသည်။
ငရုတ်သီးများ ရဲနေသော ပူပူနွေးနွေး ပင်လယ်စာဟင်းလျာက စားပွဲရှေ့သို့ ရောက်လာသောအခါတွင် သူတို့က ပျော်ရွှင်မှုကြောင့် နှုတ်ခမ်းများက အလိုအလျောက် မြင့်တက်နေကြလေသည်။ ပင်လယ်စာဟင်းလျာများက ဈေးကြီးတာကြောင့် သူတို့က တစ်လလုံးစာ မုန့်ဖိုးငွေများကို စုဆောင်းခဲ့ရသည်။ ယနေ့တွင်တော့ သုံးယောက်သား၏ ပျော်ရွှင်မှုအသီးအပွင့်များကို ခံစားရပြီဖြစ်လေသည်။
မြတ်သျှင်မောင်သည် လတ်ဆတ်ကြွပ်ရွနေသော ပုစွန်ကောင်ကို တူဖြင့် ယူကာ စားလိုက်ချိန်တွင် မင်းခန့်က မေးလာသည်။
" မင်း ပင်လယ်စာနဲ့ တည့်ရော တည့်ရဲ့လား ? "
မင်းခန့်အမေးကြောင့် ရန်ပိုင်ကပါ မြတ်သျှင်မောင်ကို ကြည့်လာသည်။
" တည့်ပါတယ်ကွ ၊ ငါ ခါတိုင်းလည်း ပင်လယ်စာတွေကို စားနေကြပဲ စိတ်မပူနဲ့ ၊ မအေးခင် မြန်မြန်စားကြ၊ ညနေ ၆ နာရီအမှီ ပြန်ရမှာ "
"တည့်ရင်လည်း ပြီးတာပဲ ၊ ဂဏန်းတွေက ရှယ်ပဲ ၊လက်အိတ်နဲ့စားမယ် "
ညနေ ၅ နာရီခွဲအချိန်တွင်။
ညကျောင်းတွင် ကျန်ရစ်သော ဥဒေါင်းညိုသည် မြတ်သျှင်မောင် ဖြစ်သလိုပစ်ချွတ်ခဲ့သော အဝတ်များကို လျှော်ဖွပ်ကာ လှန်းနေလေသည်။
ပုံမှန်သောကြာညနေတွင် သူသည် အိမ်ပြန်လေ့ရှိပေမဲ့ စာမေးပွဲနီးလာပြီဖြစ်တာကြောင့် သူက မပြန်ဖြစ်တော့ပေ။ သူ၏ ဂေါ်ဖီထုပ်ကလေးကို စိုးရိမ်နေတာကြောင့် သူက ပိုမိုကူညီပေးမည်တွေးထားသည်။ တက္ကသိုလ်ဝင်စာမေးပွဲက တက္ကသိုလ်တက်ရန်အရေးပါတာကြောင့် သူက သူ၏ဂေါ်ဖီထုပ်ကလေးကို ထိပ်တန်းတက္ကသိုလ်တစ်ခုခုသို့ တက်ရောက်နေစေချင်သည်။ အထူးသဖြင့် သူတို့ ၂ ယောက်စလုံးအတူတူတက်လို့ ရတဲ့ တက္ကသိုလ်မျိုးကို သွားချင်သည်။
အပိုင်း(၄၂)ငါးပူတင်းလေးဖြစ်သွားသော ဂေါ်ဖီထုပ်ကလေး
En başından başla
