العيب في بَنِي آدم | مُحاولة سيطرة |

"صفقة" ٣

- أ ماذا
_ تحِب .
- وبماذا سيُفيدك ذلك
_ مش أنتَ الشيطان إللي مش بيؤمن إن في حاجة أسمها حُب فأنا طلبي إنك تبقى مرئي للكُل وتتعامل كبشري لغاية ما تُقع في الحُب .

- ألم تُلاحظ أني لستُ جنّي لتحقيق مطالبك .. أنا الشيطان أهيس من بَنِي مالك .. بَنِي آدم مثلك يأمُرني ويظُن أنني في خدمته
_ بس أنا حضَرتك يبقى لازم تنفذ إللي بأمُرك بيه .

فرد عليه بمكر
- يا لكَ من غبي ، أنا مَن وافق على الظهور .. لقد أعجبتني جرأتُك
_ يعني إيه .. أنتَ مش هتسمع كلامي وتبقى في خِدمتي .
- بشرطٍ
_ شرط إيه .
- إنه ليس شرط بل في الحقيقة هو قُربان
_ قُربان .. قُربان يعني إيه أنتَ هتاخُد روحي .
- لن أستفيد من روحك يافتى
_ أومال عاوز إيه وليه أصلًا قُربان مانا إللي حضَرتك في خدمتي .

- أنتَ تستطيع تحضير الجان والمارد ولكن أنا أهيس شيطان عظيم أفعل ما أُريد وليس ما أبن آدم يُريد ، أنتَ الآن تقوم بإتفاق مع الشيطان ولأجل إتمام ما تُريد يجب عليك تقديم ما أُريد
_ وإيه هو القُربان ده بس أنا مش عاوز أخرُج عن ديني .
- وأنا لا أُريدك أن تخرُج عن دينك

وأكمل بشئ من الخُبث
-والقُربان ستعرفه في نهاية الإتفاق وليس الآن ، هيّا أدلي عليّ بما عندك

_ مع إني قلقان بس لازم أكمل في إللي بدأته ، أنتَ هتبقى بشري وهديلك حُرية أختيار أسمك وسنك وحتى ديانتك وهساعدك بالفلوس تفتح أي شركة أو مكتب على حسب بردو المجال إللي هتختار تشتغل فيه وهتفضل تتعامل كبشري وتنسى خالص إنك شيطان لغاية ما المشاعر إللي جواك تتغلب عليك وتحِب وساعتها هنشوف الشيطان أهيس لما يتأكد ويؤمن إن في حاجة أسمها حُب هيقدر يكمل فيها ولا لا ووقت ما تقولي على القُربان هنفذه .

- وما هى الأستفادة التي ستحل عليك من هذا الإتفاق
_ الإتفاق ده هيخلّيك توقف تدمير العلاقات .
- لقد أعجبني هذا التحدي و أوافق عليه
وأكمل بشر
- ولكن أُحذرك إذا لم تُقدم القُربان عندما يحين موعده سيَحين موعدك
_ أكيد هنفذ إللي هتقولّي عليه .
- إذًا فالنبدأ ولكن من الغد
_ وأنا موافق .

_ آه هو إيه إللي حصل يا عُمران .
_ أتنيل أنا لقيتك فاجأة روحت في دُنيا تانية .
_ أنا فعلًا محسّتش بنفسي ، إيه إللي حصل طلع بلح صح .
_ حضَر .
_ إيه .
_ بقولك أهيس حضَر وإتكلمت معاه .
_ أحيه .

_ أنتَ مخضوض كده من مُجرد الفكرة أومال لو كُنت سمعت صوته كان حصلّك إيه .
_ كُنت مُت أوفكورس مُت .
_ أنتَ رايق وليك مزاج تهزر بقى .
_ الصراحة الموضوع عجبني وكمان نجحنا فيه ، بس قولّي بقى هتُطلب فلوس ولا إنه يرجعلك مريم ولا إيه بس وحياة أُمك أبقى شوف أخوك في حاجة .
_ أنا مش عاوز فلوس ولا حتى عاوز مريم ترجع .
_ أومال أنتَ ممرمطنا كُل ده عشان إيه .
_ عشان أخليه يحِب .
_ نعم يا روح أُمك ، أنتَ عامل كُل ده عشان عاوز الشيطان يحِب أنتَ هتشتغل خاطبة للعالم الآخر ولا إيه .

_ يا عوف أفهمني الزمن ده مفيش ولا علاقة بتِكمل بسبب أهيس وإنه مش مؤمن بحاجة أسمها حُب فلمّا أخليه يجرب ويحس ساعتها هيعرف إنه كان غلط ويبطل يخرب العلاقات .
_ أنتَ واعي ولا مصطبح ولا حكايتك إيه .. أهيس إيه ده إللي تخلّيه يحِب ده شيطان فاهم يعني إيه شيطان ، ده أول عدو للبَنِي آدم من أول ما الأرض دي أتخلقت وأنتَ جاي تقولي أخلّيه يحس وميحسش .

_ عارف إنه شيطان بس هو وافق على الإتفاق .
_ لا ثواني بس قبل ما تكمل .. إتفاق إيه ده .
_ أصل بصراحة هو قصدي أنا مقدرش أخلّيه في خدمتي فعملنا إتفاق سوا إنه ينفذ إللي قولتله عليه المُقابل إنه أقدمله القُربان إللي هيطلبه .

_ يا نهار أسود أنتَ أتجننت ، تعِمل صفقة مع الشيطان .. هتبيعله روحك يا عُمران أنتَ عاوز تِكفر .
_ لآ طبعًا أنا قولتله مش عاوز أخرُج عن ديني وهو وافق وكمان قالّي مش عاوز روحي وإنها مش هتنفعه وإن القُربان مش هيقولّي عليه دلوقتي .

_ وحياة أُمك ده شيطان أنتَ بتصدق كلامه وتثق فيه ، ده أكتر مخلوق ميتصدقش في الدُنيا .. ده أول واحد هيجي يبعنا أُدام ربنا ويقول أنا معملتش حاجة وهيبرئ نفسه وأنتَ جاي تصدقه ، بتصدق مخلوق مطرود من رحمة ربنا وهو إللي مبوظ علاقتنا بيه ، جاي تسلّم ودنك لصاحب الوسوسة وتيجي تقول مصدقه .

_ أنا مفكرتش في كُل ده والله ياعوف ما فكرت ، طب هعمل إيه دلوقتي .
_ خلاص ياصاحبي طلاما عملت صفقة معاه يبقى لازم تكملّها بس أوعدني لو طلب منك أي طلب له علاقة بالقُرآن أو إنك تُخرج عن الملّة إنك متوافقش وتموت على دينك .
_ عوف أنتَ خوفتني .
_ سيبها على الله وأدعيه إنه يحميك من خلقه .

****************
- لماذا يُدندن بهذا الإقاع

_ دي أغنية أطفال على فكرة إللي عمّال تغنيها .
_ هااا آه صح مانا سمعتها في الراديو .
_ غريبة أنتَ مبيعلقش معاك أغاني غير لما تسمعها كتير .
_ لآ عادي يعني يا نُهى متاخديش في بالك .

_ الخاين الواطي طلع متجوز عليّا أنا ولا كمان مخلِف منها بيبي عنده سنتين ، وأنا المُغفلة إللي طلعت مختومة على قفاها .
_ أهدي يا نُهى وقوليلي عرفتي إزاي .
_ فمرة كُنّا خارجين سوا بالعربية ولاحظت إنه عمّال يردد أُغنية ولمّا ركزت معاه لاقيتها أغنية أطفال ولمّا قولتله أتوتر كده وإتاخد وتوه الموضوع بس أنا فضِل الشك جوايا ودورت وراه عشان كريم مش من النوع إللي بيعلق معاه أغاني غير لو سمِعها كتير وفعلًا بعد ما راقبته عرفت إنه متجوز ومخلف وطلبت منه الطلاق وإطلقنا .

- آه بَنِي آدم وضَعف شخصيتهُم .. كم هو مُمتع مشاهدتكُم عند إنتهاء الوهم الذي تسمونهُ بالحُب
أشكُرك يا حسحاس على إغواء هذا الرجُل
_ آه لقد أخذ مني وقت لكي يرضخ لشهواتهِ ولكن لا أحد يظل قوي أمام حسحاس .. كُل أبن آدم ضعيف وكُل أبن آدم خطاء

*****************
- فلنبدأ
_ بسم الله الرحمن الرحيم خضتني ياعم .. وأنتَ ياعم عوف كُل ما يجي هتسافر مني كده .
- إلي الآن لا يستطيع سماعي ولا رؤيتي غيرك .. فهيّا نُتم طقوس الظهور
_ أنتَ مقولتليش إن في طقوس للظهور .
- أووه عيبًا عليّ
_ أنتَ بتلعب بيّا يا أهيس .
- نعم يا أبن آدم
_ ما أنتَ شيطان فمش هلوم عليك .. نهايتُه إيه هيّا الطقوس .

- أتي بواحدة من غنم العواس وقُم بذبحها ولطِخ بدمها تمثال من البلاستيك وأكتب عليها طلسم الظهور ثُم إحرقها
_ وإيه هو طلسم الظهور .
- أُكتب أسمي وأسمك موصلين ببعضٍ ولكن بعكس الحروف وأنا سوف أكتُب الباقي