وأنا الهبايب ماتحرك غترتي وعقالي

الهبايب ~١~

~~ تعريف عن اهل الخال فرحان ~~
الخال فرحان شديد وعصبي ولكنه حنون مره مع البنات ومستحيل يرفض لهم طلب
والعمه موضي طيبه وصدرها وسيع ل الكل
وبنتهم و وحيدتهم الجادل رغم كبر سنهم الا ان مالهم بهدنيا ضناء غير الجادل وعمرها ١٧ سنه

وعايشين با الطايف بحكم ان شغل ومزرعه الخال هناك ولكن اصلهم والاساس بعنيزه
~~ نكمل الاحداث ~~
اجتمعوا البنات مع الخال فرحان على الغداء
الخال فرحان بتسال : الا صح ي نوره منصور مالقى له شغله ؟
العمه نوره : الا قالي انه لقى شغله ولكن مشكلته بامزرعه مع رجاجيل وشغلهم اتوقع انه زرع وتمور يعني هلون
الخال فرحان: اي اي زين اهم شين انه اشتغل الا صح ابو منصور وينهو بوه ؟
العمه نوره : والله بعد ماينتهي من تعليم المدرسه يطلع ل محله يتغدى هناك مع الرجال الي يشتغلون عنده
الخال فرحان: ايههه زين عسى الله يكتب لهم رزق حلال مبارك فيه
الكل : امين
دخل عبدالعزيز البيت وهو ميت ضحك
وابتسم مع شاف الخال فرحان : يهلاااا والله
ابتسم الخال فرحان وهو بيقوم من مكانه لاجل يسلم عليه
عبدالعزيز قرب له : والله ماتقوم ي خاللل
وانحى على راسه يسلم عليه : منورنااااا
الخال فرحان ببتسامه : والله النور ب اهل البيت
نطق عبدالعزيز وهو غاض نظره :شلونتس ي عمتي موضي
العمه موضي ؛ بخير انت شلونك ؟
عبدالعزيز: الحمدالله بخير دامتس بخير
العمه نوره : تعال ي يمه كل
عبدالعزيز: لا والله يمه بنهج مع العيال ل السوق بس ابدل ثيابي تامريني على شين؟
العمه نوره : سلامتك ي يمه
عبدالعزيز وهو صاعد ل السطح بحكم ان غرفته فوق: الله يسلمك
<< ملاحظه :عيال وبنات ابراهيم مالهم الا خال واحد وعم وعمه وبتعرفونه مع البارتات ويقولون اسم عمتي ل الحريم الكبار من باب الاحترام >>
غمزه الجوهره ل الجادل بمعنى قومي معي
قامت الجوهره من الغداء : الحمدالله
وبعدها الجادل : كثر الله خيركم
رقوا ل السطح وجلسوا على فرشه لحالهم
الجادل من شافت الجوهره حاطه الطرحه طول اليوم على راسها قدام الخال فرحان عرفت انها مسويه شين
الجادل بغمزه : وش مسويه بشعرتس ؟
ضحكت الجوهره وهي تصب الشاهي : ماني مسويه شين
الجادل : قسم بالله الضحكه ذي وراها بلاوي وريني وريني مامن احد
مدت الجوهره الشاهي ل الجادل وفكت الطرحه
شهقت الجادل وهي تحسب انها قصته لين نص الظهر نفس كل مره ولكن ذي المره كلههه؟؟؟
الجادل :يويلييييي ويلاهههه وش مسويههه انتيييي !!!!
ضحكت الجوهره با برود : شفت وحده با المجلات شعرها كذا واعجبني قلت والله ما اخلي بخاطري شين
مسكت راسها الجادل : يويلي ي جوهره اذ انا بنت المدن والتطور كله عندنا ما شريت مجله انتي ي بنت الديار شلون جت لتس اصلا؟
الجوهره بغرور : اذ انتي بنت المدن انا الجوهره ي عيني
الجادل : يويلي منتس المهم بسالتس
الجوهره : اسالي وش عندتس ؟
الجادل بحماس وتساؤلات: كيف المدارس ؟ حلوه وكبيره ولا كيف اشرحي لي ؟
الجوهره عقدت حواجبها بستغراب :ليكون خالي رافض ؟
الجادل بحزن : ايهه يقول ان الدراسه عيب ول العيال بس ولمن قلت له كل بنات الجيران يدرسون قالي محد مخرب عقلك الا بنات المدن
الجوهره انكسر خاطرها على الجادل وسكتت بدون اي رد
الجادل ابوها فرحان متشدد مره وكل شي عنده عيب وحرام والضحيه الجادل الي محرمه من التعليم ومن ابسط الحقوق
~~ سوق عنيزه ~~
دخل العم ابراهيم لسوقه والي هو سوق التمر
العم ابراهيم بعصبيه : وينهو منصور! اليوم يومه يجي معي ل المحل
طلال وهو مشمر ثوبه ويرتب التمر على الرفوف : والله يبه يقول لي انه مشغول مع رجال مزرعته
العم ابراهيم تنهد بقله حيله ونزل راسه : الله يستر منه ومن المزرعه الي هو به ماني متطمن لها ابدد
نزل طلال من الرف وبدا يرتب ثوبه : الا صح يبه انت ماتعرف الرجال الي يشتغل معهم؟
العم ابراهيم جلس على كرسيه : لا والله مادري عنهم ولا ادري اصلا وش شغلتهم بس بمسكه اليوم واشوف وش وراه
طلال وقف جنب كرسي ابوه : زين
لفوا نظرهم على بواري سياره دخلت السوق وكانت مليانه عيال ويصرخون ويصفقون و وقفت قدام محل العم ابراهيم
نزل عبدالعزيز وهو يضحك : سلاممممم يبههه
العم ابراهيم عقد حواجبه بستغراب : هلا هلا من سيارته ذي !
عبدالعزيز: اماااا يبههه ماعرفته؟؟ ذي سياره مشعل ولد عمي راجي
نزل مشعل من السياره ببتسامه : سلام عمي
قام العم ابراهيم من مكانه : هلا مشعل شلونك ؟
مشعل : الحمدالله بخير انت شلونك شلون صحتك ؟
العم ابراهيم: والله على ماتحب الا وين ابوك له ايام ما اشوف با السوق عسى ماشر ؟
مشعل : لا لا ابشرك طيب واموره تمام بس طالع ل الطايف كم يوم وباكر راجع ان شاء الله
العم ابراهيم تنهد براحه : ان شاء الله
عبدالعزيز ناظر با ابوه: يبه محتاج فلوس
العم ابراهيم حط يدينه بجيبه : ليه وين وديت فلوسك امس؟
بدا عبدالعزيز يحك راسه : والله يبه راحت
مد له خمسين ريال : امسك وتفكيك اسبوع
طلال مد نظره على الفلوس : يبههه تكفيه اسبوعينننننن وشوله اسبوع ؟؟؟؟
العم ابراهيم: صح تكفيك اسبوعين لا اشوف تقول ابي ريال
ناظر عبدالعزيز ب طلال ورفع يديه بتهديد: ورا ماتسد حلقك !
ارتكى طلال على الباب وهو يضحك ببرود
مشعل بضحكه : عبدالعزيز يلا امش
حط عبدالعزيز الفلوس بجيبه وركب مع اخوياه سياره مشعل
~عند التوام ~
دخلوا اياد وادهم ومعهم كراتين كبيره مليانه تمر
طلعت مريم من المطبخ : ماشاءالله تبارك الله ذا حصاد اليوم ؟
اياد بسخريه : لا حصاد بكرا
ضحك ادهم وهو يضرب كتف اياد
مريم ضحكت بخفه : ي ثقل دمككك المهم ابوي يبيهم بكرا ؟
اياد بسخريه : لا يبيهم الاسبوع الجاي
ادهم ناظر فيه : خلاص عاد سلكت لك في الاولى
ولف لمريم : اي بكرا يقول بس حطوه تحت نخل البيت علشان ضو الشمس في الصباح وهواء بارد في الليل
مريم : طيب تعالوا حطوهم ب المطبخ الحين الجو غيم مافيه شماس
اياد وادهم اخذوا الكراتين ومشوا ورا مريم متوجهين ل المطبخ
~~ في الليل ع الساعه ٨~~
دخلوا العيال مع ابوهم ابراهيم بعد مارجعوا من صلاه العشاء
والبنات كانوا يرتبون الحوش والفرش ل العشاء
اجتمعوا الرجال ب المشب << مجلس الرجال >> وقدامهم موقد النار مع سوالف الخال فرحان ونكت التوام اياد وادهم واكيد جلستهم بدون قهوه تركي ماتكمل
دخل عبدالعزيز المجلس ومعه مشعل
عبدالعزيز ببتسامه :سلام عليكم
الكل : وعليكم السلام
مشى مشعل يسلم على الخال فرحان : شلونك عساك بخير
الخال فرحان ببتسامه : الحمدالله بخير شلونك انت وشلون ابوك ؟
مشعل : والله على ماتحب كلنا بخير
لف على المجلس ونطق ل الرجال : وعلى طاري ابوي توه رجع من الطايف ويقول باكر الجمعه جمعتنا ب المزرعه
العم ابراهيم: ان شاء الله انا وعيالي جاين واكيد ابو الجادل مارح يعتذر معنا
ابتسم الخال فرحان : انا اولكم بروح هناك
ضحك الكل بخفه ونطق مشعل : حياكم الله
دخلت العمه نوره وحطت الجلال على وجها من عرفت ان فيه مشعل
العمه نوره: حياكم الله العشاء
قام العم ابراهيم: يلا ي رجال حياكم
قاموا الرجال ل الحوش واجتمعوا على صحن الرز
~~ عند البنات ~~
صعدوا السطح بعد ماخلصوا عشاء الرجال ومعهم القهوه
انتصار : ي بنات سمعت انا من الرجال ان بكرا بوه عزيمه بمزرعه عمي راجي
الجادل بتوتر : يويلي ماجبت ملابس عزايم بس قمصان الروز
ضحكت الجوهره : تعالي تعالي معي دولابي مليان
ناظرت فيها الجادل : انقلعي بس ملابسك كلها ركبك طالعه
الجوهره بعدم اهتمام: يشيخه خلونا مع الناس متطورين ودي لو مره وحده بس اشوفكم متطورين وماشين مع الموضه
مريم : شف شف انتي من وين تجيبيني ذا الكلام ! قسم لو يسمعك ابوي ولا منصور انك ماتسمعين غير ثلاث اساله
سلمى بضحكه : خليه خليه اخر شي نهايتها متزوجه مطوع واربع وعشرين ساعه في البر
ناظرت فيها الجوهره : فال الله ولا فالك اسكتي بس
انتصار بسخريه : من تبين تاخذين ؟
الجوهره بغرور : انا ماني ماخذه الا من اكابر الرياض مو القصيم حبيبتي انا الجوهرهههه الكل يحلم يشوف طرف ظفري بس
هيا : يشيخه انتي محد داري عن وجودك الا عامل البقاله الي كل صبح ناشبه عنده ومتحمل صوتك وصراخك على صباح الله خير
رمت عليها الجوهره علبه المناديل وقامت من مكانها وهي معصبه : الشره علي اني مسويه لكم حلا وجالسه معي
ناظرت با انتصار : هاتي هاتي الحلا
ضحكت مريم : خلاص انا اقول عن كل البنات اسفين بس اجلسي
الجادل : اصلا الجلسه ماهي حلوه بدون جوهرتي
جلست جوهره جنب الجادل : تراني جلست بس لاجل الجادل ولا انتم ماتساهلون
انتصار مدت لها الفنجال : خلاص تعوذي من ابليس وسمي تقهوي
اخذت الجوهره الفنجال وجلست تسولف معهم وهم بكامل روقانهم
~~ من بكرا الصباح ~~
مزرعه الراجي
والي كانت مقسمه لثلاث اقسام بحكم انها كبيره قسم ل العمه منيره وقسم ل العم راجي وقسم ل العم ابراهيم وهذا على تقسيم ابوهم قبل وفاته و ورث عيالهم

{{ تعريف عن العمام }}
العم راجي كبير عائله الراجي وزوجته فاطمه << ام مجيد >>
عيالهم اثنين مجيد متزوج بنت العمه منيره واسمها اشواق ٢٦
ومشعل صديق عبدالعزيز الصدوق ورفيق دربه وعمره ٢٠

العمه منيره عمه العيال الوحيده وزوجها متوفي وعندها بنتين و ولد
ولدها الكبير رائد ماهو متزوج وقريب مره مع عيال العم ابراهيم وعمره ٢٣
واشواق زوجه مجيد معها ولد واحد واسمه حمد واقرب وحده لبنات العم ابراهيم بعد الجادل وعمرها ٢٢
امجاد اخر العنقود واقرب وحده ل هيا عمرها ١٤

ان اصبت فهو من فضل الله وان اخطأت فهو من الشيطان ✨🤎