ياقمر سود اليالي يابدر بين الاهله

البارت الثـاني عشـر

غاليه انقهرت على المشاعر الي عطتها شخص خطاء
حتى لو ماوضحت له شي وضح عليها الغيره الي ماكانت تتمناها ليه دايم يعاملها بقسوه بالمقابل اسلوبه مع غيرها افضل ولا بالفرق من اول مره مع هاجر جاب لها هديه اختارت له عطر كل ماتعطر بيتذكرها بيتذكر انه اختيارها
ماتعرف غاليه ان في ناس تعبيرها للحب وللاهتمام عدواني نفس عدواة هزاع لها الي بدون سبب .
غاليه دقت على ضي: ضي وينك
ضي : مع عاليه نشتري بجايم
غاليه: تعالي ضروري انا تحت عند بوابه ١
ضي : وش فيك!!!!
غاليه: بسرررعه
راحو البنات لها ركض
الريم: بسم الله عليك وش فيييييك
غاليه: خلاص منكتمه ابي ارجععععع بسرعه بنات احس بدوخه
ضي : ياااااااروحي دقيقه هزاع برا هو اقرب واحد مايمدي ندق على عمران ولا حدا السواقين امشي معاي
ضي سحبت غاليه: اي هذي سيارة هززاع
غاليه: مابي اركب مع المعتوه ذا
ضي : سوا لك شي؟
غاليه: مابي اركب ياضي خلاص بجلس هنا برا اشم هوا ادخلي للبنات
طلعت في : شصاير غاليه شصاير!!!!
غاليه: مدري انحشرت مرررره خلاص
الريم: بسم الله عليك طيب خلك هنا خذي اكسجين هوا نظيف
غاليه: خلاص هديت والله
عاليه جت تركض وجايبه مويا : بسم الله عليييييك
هاجر بضحك: تو مافيك شي وتدورين من محل لمحل
عاليه: مايتعب الواحد يعني؟
هاجر : بنااااات شرايكم؟ بالاسواره؟ هزاع اشتراها لي
فاطمه اختها: ماعندك كرامه؟ تخلين شخص غريب يشتري لك؟
بيان: نعممممم خير انتي ! والله لو يدري ابوي ينحرك
هاجر : اشتراها هديه
سرى بصوت خافت: عليها ملاحظات ذي
العنود ضربت كتفها: مالنا شغل
الريم هنا فهمت ليه غاليه انكتمت وضحكت
غاليه ببالها تدعي على هاجر
نزل هزاع من سيارته : ضي شفيك فجرتي جوالي
ضي: نبي غاليه ترتاح
غاليه انصدمت : ارتاح من وشو؟؟؟
في: ادخلي السياره يفتح لك التكييف
غاليه : لا انا بخير
هزاع: بنات ادخلو ماعليكم انا موجود
هاجر: عادي عندكم؟
ضي: اي عادي عندنا هذاك لك ساعه تتسوقين معه
بعدين ولد عمتها بترتاح بالسياره لين نجي لان بكرا السفره
هاجر : اوكي بجلس معهم
بيان: لا انتي بتمشين قدامي الحين
فاطمه سحبت هاجر: يلا بنات تعالو
قامو البنات وتركوا غاليه وهزاع
هزاع سحب غاليه وركبها قدام وسكر الباب
غاليه انفجرت بكي وحطت يدينها على عيونها ماتبيه يشوف دموعها
هزاع: شفيك
غاليه : بروح ورا اتركني
هزاع مسك يدها بكل قوته وشد وجهه من العصبيه: اجلسي شفيك!!!! ليش طالعه كذا ليش !!! مب تعبانه اجلسي ارتاحي
غاليه سكتت وكانت تشاهق من البكى والقهر
هزاع: اهدي اهدي
غاليه: ليه شايفني مجنونه ولا وش !
هزاع: غاليه وش فيك؟
غاليه: كنت محتاج ذوقها؟
هزاع: هي فرضت نفسها علي
غاليه: ليه تاخذ على ذوقها؟
هزاع: وليه ما اخذ على ذوقها؟
غاليه: تعجبك؟
هزاع: لا
غاليه تطالع الشباك : تمام
هزاع شغل اغنيه : يا نُجُومِي يا نَهارَيْ يا سماي انطقي بِالحُبّ وُدِّي أُسَمِّعكِ
غاليه سكرتها : مابي ازعاج لو سمحت
هزاع مسك يدها وحط عيونه بعيونها: تغارين؟
غاليه: اغار عليك؟
هزاع: ااي تغارين
غاليه: تدري انك نرجسي ومتخلف ؟ وتدري ان هاجر من مستواك وكثيره عليك بعد لان انا مستواي رجل حقيقي
هزاع بعصبيه : ماتشوفيني رجل ؟
غاليه خافت وسكتت
هزاع بعصبيه : جاوبيني
غاليه خافت اكثر : مافي رجل يعامل وحده ماغلطت عليه كذا
هزاع: بتشوفين كلمتك ذي تعدي ولا لا
غاليه صارت تبكي اكثر واكثر
وهزاع معصب بشكل يخوف ولو انها قالت حرف واحد صفقها صدق
ضي: الو هزاع
هزاع : تعالي انتي والبنات بنرجع
ضي: بس ماخلصنا
هزاع: قولي للسواق يجيكم لاخلصتو برجع بنت خالك وبمسك خط الشرقيه
ضي: هزاع شفيك؟
سكر بوجهها وكان معصب مايشوف الي قدامه
غاليه تبكي : هزاع خلاص انا اسفه
هزاع: اسكتي وكلمه وحده مابي اسمع
غاليه: بنزل للبنات
هزاع قفل الباب حرك وهي كانت تبكي ووقتها ماهمه اي احد
غاليه خافت لامه مسرع مره ومسكت كتفه وهي تبكي
غاليه: هزاع خلاصصصصص صرت اخاف منك انا احبك احبك وانت دايم بالك مع غيري شفت شي عجبني رحت حطيته بيد غيري ليه ؟؟؟؟ ليه ؟ استاهل كل هالمعامله؟ بايش غلطت عليك؟
هزاع مشاعره اختبصت خصوصا من حرتكها حطت يدها على كتفه وصار يهدي السرعه تدريجي
ويفكر هزاع لاتصير خفيف على كلمتها بس هي اول مره تقول احبك اول مره
هزاع وقف على جنب: تحبيني ؟
غاليه تبكي : اي احبك وانت عقلك مع هاجر
هزاع: تخسي هاجر وطوايف هاجر
مسح دموعها: دامك قلتي هلكلمه وعد عيونك ماتبكي طول ما انا عايش
غاليه كان الي غاثها انه يوميًا بيتعطر من عطر اختارته هاجر
هزاع: وش يرضيك؟
غاليه: ابي العطر
هزاع: بس ؟ بس العطر؟
غاليه: اي
هزاع : وش تبين فيه
غاليه : عطه اي شخص بس لاتستخدمه تكفى هزاع طلبتك
هزاع حس انه صار خفيف : اعطيه هاجر؟
غاليه: رجعني للمول هزاع
هزاع: والله امزح والله امري بعطي العطر جدي خلاص
غاليه كان قلبها يغلي وفجاءه تحول كل هالشي لمحبه اكثر فجاءه جتها مشاعر حب جياشه ومشاعر حب غريبه
هزاع: من متى تحبيني
غاليه: من اول ثوب خربته لك ومن اول مره غرت عليك لما سمعتك تكلم
هزاع بضحك: ماشاءالله حبك سريع
غاليه: من زمان مره من يوم كنا صغار بس ماكنت التفت لمشاعر
هزاع: وعد ياغاليه وعد ما اترك يدك لا اصير زوجك وابو عيالك
غاليه ابتسمت: نرجع نجيب البنات؟
هزاع: اي بنرجع
رجعو للمول
هزاع: ضي
ضي : هلا ترا جا السواق بنطلع
هزاع: خلاص قلبي تعالي انتي وفي والريم والباقي عاليه وهاجو وخواتها والعنود وخواتها مع السواق
ضي: تمام
بعد ماطلعو البنات ورجعت غاليه ورا قبل يطلعون
قربت هاجر لسيارة هزاع وفتحت الباب
ضي: هاجر تروحين مع السواق ؟ خواتك هناك
هاجر ركبت ورا هزاع : لا زحمه
هزاع ماقدر يقول شي
وغاليه كانت كل انظارها على هزاع وليه سمح لها!
غاليه: ضي اشتريتوا كل شي ؟
في: اي بس غاليه ماظنتي بنسوي لا بجامه بارتي ولا شي مايمدينا الحين ٨ وبنجهز شناطنا ورانا سفره
هاجر: اي صح وحنا بنرجع لبيتنا بنتجهز
هزاع: ليش بتجون معنا انتم؟
هاجر بدلع : اي جدك سيف قال لبابا
غاليه ماوقفت نظراتها على هزاع
وهزاع كان مبسوط انها تغار عليه
الريم تهمس باذن غاليه: اوريك ياغلو صاير شي بينكم وتجحدين عني هذا وانا اقرب وحده لك
غاليه: والله قبل شوي صارت اشياء اول مانوصل انا وياك بالمجلس عندي لك سوالف
هزاع: سولفو معانا ياغلاي والريم
الكل انتبه علم دلع هزاع لغاليه وبالاخص هاجر الي انصدمت !
هاجر بضحك : غلاي !
ضي: اي غلاي عادي بنسميها كذا وش فيك؟
هاجر: هزاع مر بيتنا بنزل دامها بالطريق
هزاع : ابشري
في مستغربه من تصرفات اخوها مع هاجر ومرتفع ضغطها
الريم تهمس باذن في: ذي شلون بنتحملها بالسفر
في: والله لا اطلع عيونها وقرونها اصبري علي
غاليه تهمس لفي: شكله مخططه على اخوك
في بنرفزه: تبطي عظم
غاليه بابتسامه: عاشوا بنات الملا
في بضحك: اعقلي خلاص بدخل الجامعه
وصلو هاجر للبيت
هاجر بابتسامه وتتامل هزاع: مع السلامه هزاع ويابنات اشوفكم هناك
غاليه خلاص صارت تغلي لكن وش تسوي !
وصلو هم برضوا للبيت ونزلو ونزلو اغراضهم