Oops! This image does not follow our content guidelines. To continue publishing, please remove it or upload a different image.
- بس يا بنتي وترتيني !
= مش عارفه اعمل ايه يا فيروز ، بجد دماغي تعبت من التفكير
- طب اقعدي بس وهنلاقي حل مع اني معرفش فيه ايه اصلاً
= عمر يعني هو فيه غيروا !
- عمل ايه تاني زفت الطين ده
= مبيردش عليا يا فيروز ، بيتجاهلني ! كأني مش موجوده ف حياته ، انا لو كلبه كان هيعاملني احسن من كده بجد .. بقا مُتعمد يضايقني ويستفزني وبيبقى مبسوط ! متخيلة انك تحبي حد وروحك تبقى فيه ويتبسط لما تتأذي ؟ انتِ عارفه احساسي عامل ازاي دلوقتي ؟ ، الانسان اللي انتِ بتهربي من الناس و تروحيله بيهرب منك و يروح للناس ! انا عمري م هبقى كويسه طول م انا معاه ، وعمري م هبقي مرتاحه طول م انا بعيد عنه ، جوايا شخصيتين بيتفاوضوا ع حاجه عكس بعض ! ، عمر جرحني جرح غويط مش بيتداوى
- انا فهماكِ يا نانسي ، لكن مش عيل زي ده يخليكِ تزعلي عليه اوي كده ، فكك منه وعيشي حياتك ومع الوقت صدقيني هتتعودي ع عدم وجوده ، متقلقيش يا حبيبتي ، مش معنى انه مبيردش عليكِ تزعلي اوي كده ، انتِ كمان تجاهليه زي م هو بيتجاهلك ، هتلاقيه بيكلمك علطول ، لانه طول عمره كان ضمن وجودك فَ مش هيفرق تتكلموا ولا لا ، كده كده انتِ موجوده فَ ايه لازمته التعب ؟
= انا بحبك اوي يا فيروز والله - انا اكتر يا حبيبتي
' سكتنا وحسيت براحة جوايا لمجرد انها كانت بتحاول تهون عليا بأي شكل ، حقيقي هي نعمه من عند ربنا ، لقيت حد بيخبط ع الباب '
- ادخل
' دخلت ماما و قامت فيروز عشان تسلم عليها '
= طنط ازيك وحشتيني اوي والله
_ يا حبيبتي انتِ اكتر ، المهم كويس انك موجودة ، ان شاء الله هنسافر الساحل بكرة وانتِ هتيجي معانا يا فيروز عشان انتِ عارفه نانسي بقى بتحبك اوي
- لا يا ماما مش عايزه اجي
' لقيت فيروز بتضربني ف دراعي براحة بس من غير ماما تاخد بالها '
