----------------
محمد |
فتح الباب بهدوء علشان ماتقوم إيناس .
دخل ورجع قفله وهو يتلفت النظر .
دخل بشويش ونزل حذيانه .
طلعت إيناس من الغرفه وصرخ محمد برعب .
إيناس بتعجب : وشفيك خفت كذا
محمد : طالع لي من الغرفه والبيت ظلام وتقولين ليش خفت
إيناس : المهم وينك انت أدق عليك من اول
محمد تقدم لغرفه النوم ودخل ودخلت وراه .
نزل جاكيته .
وقفت تناظر له وهو لما شافها تناظر له كذا ابتسم : مصره تشوفيني بدون ملابس
إيناس بقرف : الله يقرفك اذكرك ان الغرفه لي كمان
محمد : طيب اطلعي بغير
إيناس : اول شي بكلمك بشي
محمد تنهد : وشو
إيناس جلست على الكرسي وقالت وهي تاشر له : تعال اجلس
جلس وقال وهو يبتسم : وش فيه
إيناس نظرت له وماكان يفصل بينهم الا مسافه صغيره .
سكتت إيناس ومحمد تلاشت ابتسامته .
محمد ابتسم بخفه : احكي
إيناس لفت وبلعت ريقها بتوتر .
محمد : اخلصي علينا
إيناس لفت له وقالت : منى قالت لي انكم قبضتو على مدالله
تلاشت ابتسامته ورجعت ملامحه الجامده .
خافت وقالت : ليه تنظر لي كذا
محمد قام وتوجه قدام المرايه وطلع ساعته .
إيناس نظرت له وقالت : صحيح ولا لا !
لف لها وقال وهو يكتم غيرته : صحيح
ابتسمت بهدوء حتى نزلت دمعه من عينها .
نظر لها وابتسم بخفه وقال : ابغا البس
هزت رأسها موافقه وطلعت .
فتحت باب الحوش ووقفت تناظر في النجوم .
ضمت يدها مع بعض وبدات تفكر وجلس على درجه .
انتهى محمد من تغير ملابسه ولف يناظر فيها .
كانت شارده وواضح تفكر بعمق .
ابتسم وطلع وفتح الباب .
نظرت له وجلس جنبها .
قال وهو ينظر لها ويبتسم : وش تفكرين فيه
نظرت له وبدات تنظر له وهو ينظر لها .
إيناس : جدتي
تلاشت ابتسامه محمد بهدوء وقال : جدتك !
إيناس بنفس الهدوء : اذا قبضتو عليه بتكون الحين جدتي لحالها
رفع رأسه ونظر لقدامه وتنهد وقال بعدم فهم : جدتك مو كانت شاهده على كل اللي صار وماساعدتك !
قالت بترجي : ماكانت تقدر عليه ، كان أقوى من ان يخلي جدتي تساعدني
نظر لها وقرب يده لخدها وقال بهدوء : ليت الكل بريئ زيك
ابتسمت برضى وقالت : بتاخذون جدتي ؟
شال يده وقال : تعرفين مكانها ؟
توترت ونظرت قدامها : اعطيك العنوان وانت روح
هز رأسه وقام : نفكر بكره هيا ننام
قالت وهي تتنهد : نام انت انا مافيني نوم
ضحك : بالله عليك الساعه ٣ بخليك تقعدين كذا
إيناس : والله مافيني نوم
محمد مسك يدها وقومها وقال : حتى ولو بس خليك جنبي
فتح الباب ودخل الغرفه وهو ماسك يدها .
نظر ليدها وهي نظرت ليده وبعدتها بسرعه .
توجه للسرير وتلحف وبقى ينظر للسقف .
دخلت هي للسرير واسندت ظهرها على ستاند السرير .
الغرفه كانت ظلام فقط ضوء القمر .
غمض عينه ودخل في سبات عميق .
-------------------
صباح اليوم الثاني | نجود
دخلت نجود لمكتب خالد وقالت وهي تبتسم : بشر
نظر لها بجمود : رفض
انصدمت وجلست بسرعه على الكرسي .
سحبت الورقه اللي بيده وقالت : كيف !
دخل حامد وجلس قدام نجود .
خالد : مافي حل الا نكلم محمد من جديد
حامد : انا قلت من البدايه ماراح يوافقون اساسا المدير كان ضدنا دايم في قضيه فاتح
نجود سكتت وقالت بفضول : المدير ليه ضدكم في قضيه فاتح ؟
خالد : لو نعرف بس
نجود : ممكن المدير له يد بالموضوع
ضحك خالد بخفه : تسمعين وش تقولين ؟ وش يبي المدير في فاتح
حامد : اكيد !
نجود : مانعرف لكن انا شاكه فيه ، ولا ليه يرفض للدرجه كذا
خالد نظر لحامد : جبناها علشان تساعدنا شوف وش تقول
وقفت نجود : زين حلو قضيتكم بنفسكم
وطلعت وراحت لمكتب فاطمه .
فاطمه بصدمه : وشفيك
نجود سحبت الكرسي : خالد وحامد مسوين اذكياء علي !
فاطمه : ليه
نجود تنهدت : اعلمك بعدين سالفه طويله
فاطمه ابتسمت : زين جيتي ، فيصل اليوم خطوبته
شهقت نجود وهي تضحك : فيصل ! يتزوج ! م أصدق
فاطمه ضحكت : حتى انا ماصدقت يابنت يقولي بنفسه بيتزوج !
نجود : وهو علمك بنفسه؟ م أصدق للحين
فاطمه : المهم نروح ونشوف انا بروح بعد العشاء
نجود : زين
आप पढ़ रहे हैं
لاتحرم الروح من وصلك ، وترى الوصل منك يحييها
रोमांसقصه ما بين محامي وضحيه ملحمه بين محامي مشهور وقوي وبين ضحيه كانت على يد مجرم
