احببتُ ذاتَ النِقاب(قيد الكتابه)

الفصل الثامن

#روايه_احببتُ_ذَات_النِقاب
#الفصل_الثامن
#بقلمِ_مريم نادر
سَنمضي رُغم الصّعابِ فَهناك جَنة عَرضها السموات والأرْض أُعدت لِمن جدَّ المَسير وَصدق . .🤎🪐
**************
غادرت خديجه و داليدا المنزل بعد وداع العائله لهم ، كانت تجلس خديجه ف القطر وشارده ف الماضي
فلاش باك
كانو اسره ملئيه ب الحب والحنان والدفء، كان يوم لا ينسي كانت جالسه هيا و اخيه و اختها مع ولدتها دخل الاب عليهما وهو يقول:سلام عليكم،رد الجميع السلام وقامت خديجه ترتمي ف حضن ولدها وهيا تقول بطفوله:جبتلي الشكولاته بتاعتي انا و زمرد و عامر يا حماده
طلع ولدها من جايبه شكولاته وهو يقول:احلي شكولاته ل احلي خديجه ف الدنيا ثم نظر ل زمرد وقال: تعالي يا زمرد خدي شكولاتك وانت كمان يا عامر
اقتربت زمرد هيا و عامر من ابيهم وهم يقولون:شكرا يا بابا احنا بنحبك اوي
قال محمد بحنان:و انا كمان بحبكم اوي، وقف محمد واقترب من زوجته وهو يطلع شكولاته اخره من جيبه وهو يقول بحب:احلي شكولاته علي اجمل هوله ف حياتي
هاله بخجل:عيب كده يا محمد العيال قاعدين
محمد:هو انا قولت اي بس ما انتِ احلي حاجه ف حياتي فعلا
اقتربت خديجه من ولدها وهيا بتقول:و اشمعنا بقىٰ يا حماده ماما الشكولاته بتاعتها اكبر من بتاعتي انا و اخواتي
قال محمد وهو يتصنع البراءة:عشان ماما كبيره ف لازم الشكولاته بتاعتها تبقي كبيره زيها
قالت خديجه بتفكير طفولي:مممم يعني انا لما اكبر زي ماما الشكولاته اللي هتجبهالي هتبقي زي دي
محمد:ايوه طبعا
قالت هاله هذه المره:انا عايزه اقولك حاجه
محمد:اتفضلي يا حبيبتي
هاله:انا انا حامل
محمد بصدمه:بجد بجد انتِ حامل
اكتفت هاله بهز دماغها،احضتنها محمد بحب وهو يقول:انا فرحان جدا، ماما و بابا عارفو
هاله:لا لسه هقول للعيله بس صفيه عارفه هيا و سماح
اقتربت زمرد من خديجه بهمس:خديجه
ردت عليه خديجه بنفس الهمس:نعم
قالت زمرد:تيجي نبدل الشكولاته بتاعتي ب بتاعتك
ردت خديجه عليه:لي يا زوزو
زمرد بطريقه طفوليه:انا مش بحب الشكولاته دي بحبها ب البندق وبابا نسي
خديجه:طيب خدي بتاعتي اهي
كان محمد وهاله يتابعو الموقف من بعيد وهما يبتسمون علي نتيجه تربيتهم وحب الاخوات لبعضها
خديجه خديجه،اخترق الصوت ذكريتها لتفيق منها علي الحقيقه المؤلمه، نظرت خديجه ل داليدا و هي تقول:نعم يا داليدا
داليدا:بنادي عليكِ من بدري
خديجه:معلش كنت سرحانه شويه
داليدا:طيب نقصلنا قد اي و نوصل
نظرت خديجه ل هاتفها ثم نظرت ل داليدا وقالت:خلاص دقايق والقطر يوصل
داليدا:طيب
***★****★***★****★***
في بيت الميناوي
كان يجلس سليم و احمد و سهير و اميره مع بعض
قال سليم وهو ينظر ل احمد:اي يا احمد هو حمزه مش ناوي يتجوز ولا اي
رد احمد وقال:بيقول ان هو مش لقىٰ البنت ف الموصفات اللي هو عايزها
قالت سهير هذه المره:والله يا بابا قولتلو علي بنات كتيره جدا من قريبنا و اولاد صحابي وهو اللي عليه يا ماما سبيني اختار شريكه حياتي انتم مستعجلين علي اي كده كده هتجوز
دخلت داليا لتقطع كلامهم
داليا:سلام عليكم،رد الجميع السلام
قالت اميره:خير يا داليا في حاجه ولا اي
قالت داليا:كنت عايزه اقولكم علي موضوع
قال سليم:خير يا حبيبتي قولي
داليا بخجل:في واحد عايز يتقدملي وياخد ميعاد من خالي و جدي
قال سليم:ومالو يا حبيبتي ينور ف اي وقت
ردت اميره علي كلام ولدها وهي تقول:لا يا بابا وانا رافضه
تخلي احمد عن الصمت و قال: رافضه لي يا اميره هو انتِ شوفتي وقعدتي معاه عشان ترفضي احنا منعرفش هو مين حتىٰ
اميره بحده:انا قولت اللي عندي انا رافضه اختها الكبيره تجوز و بعدين هيا تجوز ده اللي عندي
قالت كلامتها وغدرت  الغرفه
اقتربت سهير من داليا بعد ما بان معالم الحزن علي وجه:سيبك يا بت من امك انا هقنعها
ابتمست داليا:حبيبتي يا خالتو
القت داليا قُبله ل سهير وغدرت الغرفه هيا ايضا
دخل حمزه الغرفه وهو يشير خلفه:مالها بتجري كده لي
قال سليم:ابدا متشغلش دماغك، الا قولي يا حمزه
جلس حمزه امام جده وقال:اقولك اي يا جدي
سليم:مش ناوي تجوز ولا اي
رد حمزه وقال:عايز تخلص مني ولا اي يا سليم
سليم:عايز اشوفك مرتاح و اشوف ولادك
قال حمزه: وانا مرتاح والله يا جدي دلوقتي جدا فوق متتخيل و بعدين انتم مستعجلين علي اي متخفوش قطر الجواز مش هيفوتني
وف اخر كلامه غمزه ل جده بمشاكسه وغادر من الغرفه لياخذ قسط من الراحه
سليم:هيجنني هيجنني ابن احمد والله
***★****★***★****★***
وصلت خديجه الشقه التي تسكن بها ف القاهره،دخلت خديجه غرفتها بدلت ملابسها وقعدت علي سريرها تتابع رسال البنات علي جروب ردت خديجه علي البنات واغلقت هاتفها ونامت
وبعد ساعتين من نوم خديجه قامت علي قفل باب الغرفه خرجت خديجه مسرعا لقيت داليدا بتلبس الكوتشي بتاعها وهتخرج خارج الشقه دخلت خديجه بسرعه لكي تردي  ملابسها و هيا تردي ملابسها رنيت علي حارس العمار وهيا تقول:عم عبدو بالله عليك اختي نازله دلوقتي من غير تفصيل اقعد ارغي معاه واخرها شويه لحد ما انزل و اول ما اقرب انزل هرن عليك تسيبها تمشي
رد عليها عم عبدو حارس العمار وهو يقول:حاضر يابنتي من عيني
و بالفعل قام عم عبدو وهو يقترب من داليدا وقال:ازيك يا ست هانم عامله اي
ردت داليدا بجفاءه:بخير
اكمل عم عبدو وطنش طريقه كلامه وقال:الا انتم جيتوا امته يا ست هانم اصل مشفتكمش وانتم داخلين العماره
داليدا:جاينا الصبح خير في حاجه
عم عبدو:لا ولا حاجه
رن هاتف عم عبدو ف قال له:طب عن اذنك اطلع اشوف مدام وفاء عايزه اي،واختفي من امامها واكملت داليدا طريقها
نزلت خديجه ف الوقت اللي ركبت في داليدا التاكسي،وقفت خديجه تاكسي وقالتلو:تابع التاكسي اللي ماشي قدام ده من غير م ياخد بالو
هز السواق دماغه ب الموافقه
وبعد دقائق وقف التاكسي بعيد عن التاكسي الاخر نزلت خديجه بعد ما دفعت ل السواق فلوسه،تابعت خديجه داليدا لتلقيها واقفه مع ولد وباين عليه عدم الاحترام
اقتربت داليدا من الولد وهيا تقدم لي اموال قام الولد مقترب منها بشكل مفجاءه قالت داليدا:اي اللي انت بتعملو ده ابعد شويه لو سمحت
الولد:الله بقرب عشان اديكِ الحاجه علشان محدش يشوفها يا مزمزيل
قالت داليدا: لا خليك بعيد  احسن متخفش محدش هشوفنا
اقتربت خديجه منهم لما لقت تجاوز الولد شدت خديجه يد داليدا، تفجاءت داليدا من وجود اختها وقالت:جيتي ازاي هنا
خديجه:يلا امشي
قال الولد بطريقه سوقيه:تمشي اي يا مزه علي فين بس
اكملت خديجه طريقها من غير الرد عليه مسك الولد ايديها:اصبري بس نتفاهم
شدت خديجه يديها بقوه:وسع كده متلمسنيش
اقترب الولد من خديجه بسرعه وامسكها ب احكام خافت داليدا من شكل الولد وابتعدت قليلا وهيا لا تعلم ماذا ستفعل
قال الولد:هو دخول الحمام زي خروجه يا مزه
وغمز ب وقاحه ف اخر كلامه، لقي بوكس ف وشه فوقع علي الارض من قوه الضربه
حطيت داليدا يديها علي بوقها وتقول بصدمه:يعقوب
يعقوب ل الولد:دخول الحمام زي خروجه يا روح ***،وضربه مره اخري وهو يقول:قوم و وريني نفسك يا حلو ولا هو مبتعرفش تشوف نفسك غير علي الستات
قالت خديجه ب خوف:خلاص يا استاذ ل يحصلو حاجه مينفعش تدخل نفسك ف مشاكل
ساب يعقوب الولد وهو يوجه كلامه ل خديجه:عملك حاجه الواد ده
هزت خديجه راسها ب النفي ثم قالت:شكرا لحضرتك تعبناك
وامسكت ايد داليدا وركبت التاكسي و سابته
يعقوب بأعجاب:والله عيله مشوفتش ف احترمها،وركب عربيته هو الاخر وغادر الي منزله
***★****★***★****★***
وصلت خديجه منزلها وطلعت وهيا تشد داليدا و راه دخلت الشقه وقعدت علي اول كرسي قابلها،اقتربت داليدا من خديجه وهيا تقول:انتِ كويسه
صرخت خديجه وقالت:ابعددددددي عنيييييي ابعدددددي
داليدا:انا انا
خديجه:انتِ انتِ ايي ها فهميني انتِ اي ومين قوليلي بتعملي في نفسك كده لي بتعملي فينا كده لي ها لي انتِ مين ردي عليا انتِ بنت محمد الشيمي اللي الكل بيحلف بتربيته بعد ما مات فين داليدا في داليدا اللي ربيتها علي ايدي فيييين وديتها فين هاا ردييي عليا انا عايزه رد عجبك اللي حصل انهارده ده شوفتي كنا هنوصل فين من وس*** وقله ادبك
كانت تبكي داليدا بقوه
استكملت خديجه ما كانت تقولو:من هنا ورايح مفيش خروج من الشقه دي الا ورجلي علي رجلك الشهرين اللي قعدينهم هنا هربيكِ انا من اول و جديد و انا يا انتِ يا داليدا هتشوفي وش عمري ما كنت احب اوريهولك بس انتِ اللي مُصممه تشوفي و غالي وطلب رخيص يا بنت ابويا وامي
قالت اخر كلمتها بسخريه
غادرت خديجه من امامها و ثم وقفت قدام باب غرفتها وقالت:ولو متعدليش يا داليدا اقسملك بالله ل جدك سليمان يعرف بكل حاجه بتعمليها و ما ادركِ ب سليمان الشيمي لما يعرف بقىٰ
قالت داليدا بعد صمت طويل:انا بكرهكم بكرهكم
قفلت خديجه علي نفسها باب غرفتها وقعدت علي سريرها و انكمشت وفضلت تبكي لغايه ما نامت
***★****★***★****★***
في امريكا كان يجلس هو و زوجته علي السفره
آسيا:هو احنا هننزل مصر امته يا عامر؟؟!
عامر:خلاص كلها تلات شهور و هننزل
آسيا:لي المده دي كلها مش احنا صفينا كل حاجه هنا
عامر:ايوه بس انا عندي كام عمليه لازم اعملهم قبل ما انزل
آسيا: ربنا معاك يا حبيبي
عامر: قولتي اي
آسيا: لا هيا بتتقال مره واحده بس
ودخلت غرفتها سريعا
عامر: تعالى بس يا غزاله هقولك
قالت آسيا من داخل غرفته:تؤتؤ مش جايه وبطل تقولي يا غزاله انا مش غزاله
عامر وهو يقلدها:تؤتؤ مش هبطل اقولك يا غزاله عشان انتِ اجمل غزاله شافتها عيني
اتكسفت آسيا ولم ترد علي كلماته
عامر:لسانك اكله القطه دلوقتي يا غزاله
ضحكت آسيا علي مشكاسته لها دايما فهي حقا اصبحت تعشق ولا تسطيع العيش بدونه
***★****★***★****★***
كان يقف ينظر لها بحب وقال:وحشتيني وحشتيني يا خوخه
نظرت له وهيا تبكي وتقول:انا زعلانه منك يا حماده انت مشيت و سبتني لوحدي انت وعدتني انك مش هتسبني
ضمها بحنان وقال:انا هنا معاكِ علي طول انا و ماما معاكِ دايما و حواليكِ
قالت خديجه بحزن:خدوني معاكم مش عايزه ابقىٰ هنا يا حماده عايزه اكون معاك انت و ماما
قال محمد بحزن:في ناس كتير محتاجه مساعدتك يا خديجه و اهمهم داليدا خلي بالك من اختك يا خديجه خلي بالك منها
واختفي من امامها، فضلت تجري في المكان و هي تبكي وتقول متسبنيش يا بابا متسبنيش انا محتجاك اوي، وقعت علي الارض وظلت تقول:متسبنيش يا بابا
صحيت من النوم وهيا تسمي بالله، ونظرت في هاتفه وكانت الساعه 3 قامت تصلِ قيام الليل قبل آذان الفجر
***★****★***★****★***
في بيت الميناوي ب اسوان و بالاخص في غرفه حمزه كان يصلِ قيام الليل
حمزه بدعاء:يا رب يا رب قربها مني و ازرع حبي في قلبها، يا رب احفظهالي من كل شر و سوء، يا رب لو خير ليا قربها مني
ظل يردد الدعاء في كل ركعه حتىٰ انتهىٰ من صلاته في ذلك الحين دخلت سمر وهيا تقول:حمزه بقولك
نظر حمزه لها وقال:خير يا سمور في حاجه
سمر:بصراحه عايزاك تعزم مازن بكره يجي يتغدي معانا
قال حمزه:اقعدي يا سمر عايز اتكلم معاكِ في موضوع مُهم
جلست سمر امام اخيها وقالت: قول سمعاك
قال حمزه: انا عارف انك بتحبي مازن من زمان
قالت سمر: بص يا حمزه يعني
قطع كلامه حمزه وقال:سبيني اكمل كلامي
قالت سمر:اتفضل سمعاك
قال حمزه بعقلانيه: بصي يا سمر انا عارف انك بتحبي مازن من زمان من ايام ما كان بيجي عندي هنا نذاكر مع بعض، عارف انك معملتيش حاجه غلط وانك مكلمتهوش و حفظتي علي ثقتك قدام ربنا قبل ثقتك قدامي انا و بابا بس انا حابب اقولك ان هيا لسه مجرد قرايه قاتحه انا عارف ان مازن راجل بجد وقد كلمته بس كل اللي حابب اقولو برضو حفظي علي نفسك لحد كتب الكتاب حتىٰ و انتم مخطوبين ما ينفعش يكون في بحبك و وحشتني انا عارف ان مازن عمره ما هيقولك كده غير لما تبقي مراته، وعارف انك محترمه وعارف تربيتك كويس عشان انا اللي مربيكي بس كل الحوار اني خايف تقولي كده عشان انتم كا بنات عاطفين اوي طبعا مش كله بس انتِ بتحبي فا طبيعي هتكوني عطفيه هتكوني حابه تتكلمي معاه و عايزه تعرفي بيحب اي و بيكره اي و ده كله انا عارف انك عايزه تعرفي كل حاجه عنو فا ممكن تعملي اي تقربي من زهراء اخته تكلميها تعرفي هو بيحب اي و بيكره اي ممكن تكلمي خالتو صفيه منها تقربي منها و يكون علاقتك حلوه معاها و تعرفي كل حاجه منها مش شرط تعرفي منه هو، انا بقولك الكلام ده عشانك عشان نفسك مش عشاني فا لما يجي عندنا عادي ممكن تكلمي معاه و تبقي غضه بصرك و في وجود بابا او انا فهماني، وحاجه اخيره رضا ربك اهم من اي شخص و كمان ابحثي عن ضوابط الخطوبه هتنفعك جدا و كده انا خلصت اللي كنت عايز اقولو و لو علي عزومه مازن من عيني هتكلم مع بابا ونشوف هو فاضي بكره ولا لا و نكلم مازن يجي
قالت سمر بحب شديد:انا بجد بحبك اوي ومعرفش انا من غيرك كنت هبقي ازاي بجد ربنا يديمك ليا وميحرمنيش منك ابدا يا رب و يرزقك ب بنت الحلال اللي تستهالك بجد هتاخد اطيب واحن قلب و يبختها بيك
ابتسم حمزه علي دعوه اخته وقال: اللهم امين، وانا كمان بحبك جدا و ربنا ميحرمنيش منك
اذن الفجر بعد انتهاء كلمته
قالت سمر:طيب انا هسيبك بقىٰ عشان اتوضي و اروح اصلِ
و خرجت سمر من غرفته اخيه وهيا تشعر ب الراحه بعد حديثه معاه
***★****★***★****★***
في مكان اخر ملئ ب الشر و الحقد
قال بصوت غضب للغايه: هو انا مشغل بهايم معايا يعني يجي واحد يعلم عليك كده
قال شاب: يا باشا
قطع كلام صوت الرجل: بس مسمعش صوتك معرفتش تديها البودره ازاي
قال الشاب: يا باشا انا كنت هعمل كده بس جيه واحد ابن***** ضربني و معرفتش اديهالها
دخلت فتاه بملابس تكشف اكتر ما تستر وقالت: ما هو من و**** لازم يعني تمسك اختها وتعمل كده كنت انت اديتها البودره من الاول وخلصت بسرعه لاكن انت بتحب الو**** دايما و بتحب تبص برا شغلك
قال كبيرهم: اخرج برا دلوقتي
اقتربت الفتاه من الكبير بعد ما خرج الشاب
قال الكبير: محدش هيعرف يديهالها غيرك زي ما خلتيها تدمنها يا ناني
ضحكت ناني وقالت: و انا تحت امرك يا كبير
يتَبع....
الفصل طويل اهو تعويض عن التاخير عشان المفروض ينزل الساعه 8 وانا اتاخرت عن الميعاد، رايكم يهمني جدا عتيزه اعرف توقعاتكم في اللي جالي+
انا مدايقه جدا يعني انا انزل الفصل السابع من تالت ايام و ملقيش تفاعل عليه خالص يعني بجد انا بفقد شغفي للروايه بسبب قله التفاعل بجد حرام ابقي تعبانه ف الفصل و القي في الاخر 20 مشاهد و ڤوت واحد و مفيش اي كومنت نهائي بجد راعو تعبي في الفصل انا بكتب الفصل طويل اه انا مش بكتب 5000 كلمه بس انا بقيت اطول عن اول الروايه ف رايكم يهمني بجد
دمتم سالمين
بقلمِ/مريم نادر