လည်ပင်းပေါ်ကရေပတ်ဝတ်ကိုဖယ်လိုက်ပြီး လှဲနေရာကနေဖြေးဖြေးချင်းထထိုင်လိုက်တော့ရင်ဘတ်ပေါ်မှီအိပ်နေတဲ့ဒေါက်တာသေးသေးလေးကလှုပ်စိလှုပ်စိဖြစ်လာတယ်။ ဒူးအောက်ကိုလက်လျှိုဝင်လိုက်ပြီးတစ်ချက်ကောက်ပွေ့ကာခေါင်းအုံးပေါ်နေရာတကျထားပေးလိုက်တော့ပြန်ငြိမ်သွားပြီးအိပ်သွားပြန်သည်။
ခင်ဗျားကဘယ်လိုလေးမှန်းကိုမသိဘူး……။
လူကနေရတာသက်သာသွားပေမယ့်သိပ်မလန်းသေးတာမို့မျက်နှာသစ်ခြေလက်ဆေးရန်ရေချိုးခန်းဘက်ဦးတည်လိုက်သည်။
ပြီးရင်ဒေါက်တာဆူတာသေချာပေါက်နားထောင်ရအုံးမှာမဟုတ်လား……။
သို့သော်ရေချိုးခန်းထဲဝင်သွားသည့်ကောင်လေးမသိလိုက်တာကကုတင်ပေါ်မှာရှိနေတဲ့ဒေါက်တာလေးကသူမမြင်အောင်ကျေနပ်ပြုံးတစ်ပွင့်ပြုံးနေခဲ့တယ်ဆိုတာကိုပင်။
_____________________________________________
"မှိုင်း…ဒီညကိုယ့်ကိုမစောင့်နဲ့တော့နော်……ပြောမရဘူ ဒီကောင်တွေနဲ့ကမိုးလင်းပေါက်နေဖြစ်ရင်နေဖြစ်မှာ……"
ဆံပင်ကိုရှေ့အနည်းငယ်ချထားကာpartyသွားဖို့အတွက်ပုံစံပြောင်းရင်းပြောလာတဲ့ယစ်ကြောင့်မှိုင်းညှို့သက်ပြင်းရှည်တစ်ခုသာချမိသည်။ ဒီနှစ်တွေအတွင်းယစ်ဆီမှာမှိုင်းညှို့သဘောမကျတဲ့အချက်တွေတော်တော်များများတွေ့လာရပေမယ့် သဘောမကျဆုံးကတော့ဒီလိုညလုံးပေါက်အပြင်ထွက်တာကိုပင်။ အိမ်မှာမိသားစုရှိနေလျက်နဲ့ဘာကိစ္စအပြင်မှာညအိပ်ချင်နေတာလဲမှိုင်းညှို့တကယ်တွေးမရတာပါ။
("လူဆိုတာအချိန်တန်ရင်အိမ်ပြန်လာရတယ်အစ်ကိုရဲ့……အစ်ကိုနဲ့သားလေးရှိတဲ့နေရာကကျွန်တော်ရဲ့အိမ်ပဲလေ…ကျွန်တော်ကဒီအိမ်လေးမှာရှိနေမှနှစ်နှစ်ခြိုက်ခြိုက်အိပ်ပျော်တာ……")
ရုတ်တရက်သတိရမိသွားတဲ့စကားတစ်ခွန်း။ ညင်သာတဲ့စကားသံမပါဝင်ပေမယ့်လို့ နူးညံ့တဲ့စကားတစ်ခွန်းမှန်းသိသာပါသည်။
မင်းလည်းမြတ်သဝဏ်လိုမျိုးတွေးတတ်ရင်ကောင်းမှာပဲယစ်……။
"ကိုယ်သွားတော့မယ်နော်မှိုင်း……"
"မသွားလို့မရဘူးလား……"
YOU ARE READING
Second life ( အချို့သောချစ်ခြင်းတို့သည် )
RandomHydrangeaတွေနဲ့အတူ အမြဲနောင်တရနေလိုက်ပါအစ်ကို။ နောင်တတရားတွေ အားနာစိတ်တွေနဲ့နာနာကျင်ကျင်ရှင်သန်နေလိုက်ပေါ့။
EP - 16
Start from the beginning
