သို့...ချစ်ရပါသော တီချယ်စိမ်း(Complete)

သို့...ချစ်ရပါသော တီချယ်စိမ်း (part-5)

အချိန်တွေတရွေ့ရွေ့နဲ့ကုန်လာလိုက်တာ အခုဆိုရင် ခန့်နောက်ဆုံးနှစ်တောင်ရောက်နေပြီ ။ ခန့်က ခန့်ဝါသနာပါသည့်ဆေးလိုင်းကိုယူခဲ့သည်။

တီချယ်စိမ်းနှင့်ခန့်တွဲနေတာလည်း ၉နှစ်ကျော်ဆိုတဲ့ အချိန်တစ်ခုကိုရောက်လာသည်။ သည်ကြားထဲ အခက်အခဲတစ်ခုမှမရှိခဲ့ အရာအားလုံး ေအးအေးဆေးဆေးပင်။ တီချယ်စိမ်းကတော့ အရင်တိုင်းကောက်စိန်လေးပေါ့ဗျာ။

တီချယ်စိမ်းကကောက်လိုက် ခန့်ကစာရေးပြီးပြန်ချော့လိုက်နှင့်ပင်။ သည်လိုနဲ့ဘဲ အချစ်ပိုနေရသည်။

ခန့်က ညနေပိုင်း အတန်းချိန်မရှိလျှင် တီချယ်စိမ်းကိုကျောင်းသွားကြိုသည်။ မနက်ဘက်ဆို တီချယ်စိမ်းကို ကျောင်းပို့သည်။

သည်နေ့ကလည်း သာမန်နေ့လေးတွေလိုဘဲ တီချယ်စိမ်းကိုကျောင်းသွားပို့ရမည်။

ခန့်ကားကို တီချယ်စိမ်းအိမ်ရှေ့ထိမောင်းသွားလိုက်သည်။ ခန့်ကားမှန်းသိတော့ ခြံတံခါးဖွင့်ပေးသည်။ ခန့်လည်း ကားကိုခြံထဲထိမောင်းသွားပြီး တီချယ်စိမ်းရဲ့ swift ကားလေးဘေးမှာရပ်လိုက်သည်။

'တီချယ်စိမ်း'

'ထမင်းစားခန်းထဲမှာ ကလေး'

'ဟုတ်'

ခန့်လည်း ထမင်းစားခန်းထဲဝင်သွားလိုက်တော့ တီချယ်စိမ်းက ထမင်းချိုင့်ပြင်နေသည်။ ခန့်အတွက်ရော တီချယ်စိမ်းအတွက်ရောပေါ့။ တီချယ်စိမ်းက ခန့်ကိုကန်တင်းမှာ မစားခိုင်းဘူး။ တီချယ်စိမ်းထည့်ပေးတဲ့ ထမင်းဘူးလေးကိုသာစားခိုင်းသည်။

ထမင်းမကုန်လျှင် ဒေါ်စိမ်းမဟာနွယ်၏ ပုံစံအတိုင်း ရွှေစိတ်တော်ကလည်း ညှိုးတတ်သေးဗျ။

'ဘာဟင်းချက်လည်း အချစ်'

'ပုစွန်နဲ့ ငရုပ်သီးအကြမ်းဖက်နဲ့ကြော်တယ် ချဥ်ပေါင်ရွက်ချဥ်ဟင်းချက်တယ် ပြီးတော့ ခန့်အကြိုက် ကြက်ဥကြော်'

'ဝိုး အခုတောင်စားပလိုက်ချင်တယ်'

'စိတ်ထိန်းပါ အမတော်လေးရယ်'

'ဟီး"'

'ကဲ ရော့ လာသွားကြမယ်'

'ဟုတ်'