In Love With An Old Mafia(Complete)

Part-18

မျိုးဆက်၏မိသားစု အသိုင်းအဝိုင်းကရှေးရိုးဆန်သည့်အသိုင်းအဝိုင်းမို့
မျိုးဆက်နှင့်စိုင်းတို့၏ ဆက်ဆံရေးကိုလက်ခံဖို့ဆိုတာမဖြစ်နိုင်ခဲ့။
စိုင်းက ရှေ့ဆက်တိုးရန်ဆန္ဒရှိပေမဲ့
မျိုးဆက်ကတော့မဟုတ်ချေ။

စိုင်းလိုမျိုး ရူးမိုက်စွာရှေ့ဆက်တိုးဖို့သတ္တိမရှိသလို သူ၏မိသားစုနှင့်ပတ်ဝန်းကျင်၊စသည့် စသည့်အရာများအားလုံးကို တွန်းလှန်ဖို့ဆိုတာဟာ
သူ့အတွက်
အရမ်းပင်ခက်ခဲခဲ့သည်။

မျိုးဆက်ဟာ တရားမဝင်သားတစ်ယောက်ဖြစ်၍ အမေဖြစ်သူကလည်းမယားငယ်တစ်ယောက်မို့
စိုင်းကိုသာသူလက်ထပ်လိုက်လျှင် နဂိုကတည်းက
သူများတံတွေးခွက်ထဲပက်လက်မျောနေတဲ့ မျိုးဆက်တို့သားအမိနှစ်ယောက်၏ဘဝကိုတွေးပင်မတွေးဝံ့ခဲ့။
သို့ပေမဲ့ သူစိုင်းကိုတော့အတော့်ပင်ချစ်ခဲ့ပါ၏ ဒီတိုင်း...ရှေ့ဆက်ဖို့သတ္တိကော အစွမ်းကောမရှိခဲ့ရုံသာ။

ထိုအချိန်တုန်းက မျိုးဆက်ဘဝမှာ သိမ်ငယ်မှုပေါင်းများစွာနှင့်ဖြတ်သန်းနေခဲ့ရချိန်၊ မိသားစု၏သစ္စာခံခွေးတစ်ကောင်လုံးလုံးဖြစ်နေချိန်။
အဲ့အချိန်မှာ သူ့မှာအင်အားကော အာဏာကော ပိုက်ဆံကော ဘာဆိုဘာမှမပိုင်ခဲ့တဲ့သူတစ်ယောက်။

ငယ်စဥ်ကတည်းက အနှိမ်ခံဘဝနှင့်ကြီးပြင်းလာရသူမို့ ခေါင်းထဲ၌ ကြီးပွားရန်သာရှိခဲ့၍
သူ၏တစ်ဦးတည်းသောချစ်ရသူစိုင်းကိုစွန့်လွှတ်ခဲ့ရခြင်းပင်။
တစ်ခုလိုချင်ရင် တစ်ခုကိုစွန့်လွှတ်ရမယ်မဟုတ်လားလေ။

စိုင်းနှင့်ပြတ်စဲအပြီးတွင်
သူအလုပ်ကိုပိုမိုကြိုးစားခဲ့၍
ထိပ်ဆုံးကို ရောက်သည်အထိ
ခွေးတစ်ကောင်လိုအလုပ်လုပ်ခဲ့ရသည်။
နောက်ဆုံးတွင်တော့ မျိုးဆက်ထံ၌
အာဏာ၊ငွေ၊အင်အား အကုန်ရှိနေပြီပင်။

သူ၏အိမ်မက်တွေ တကယ်ဖြစ်လာခဲ့ပေမဲ့လည်း မျိုးဆက်မပျော်နိုင်ခဲ့။
သူထံတွင် လစ်ဟာနေသော အရာတစ်ခုဟာအမြဲရှိနေခဲ့၍ နှလုံးသားထဲ၌လိုချင်တမ်းတမှုတို့ဟာ ကိန်းဝှက်နေခဲ့၏။

ယင်းအား ဖြေဖျောက်နိုင်ရန်
ချစ်သူပေါင်းများစွာ ထားခဲ့ပါသော်လည်း ယင်းကွက်လပ်ဟာပြည့်သွားခြင်းအလျင်မရှိ လျော့မြဲလျော့ဆဲ
လပ်မြဲလပ်ဆဲသာ။