اعذب غرام العاشقين

بارت ٤

#اعذب_غرام_العاشقين ٤ ،
-
ام سياف : وين رايح ما تنام؟
سياف : اروح عند جدتي اشوفها و ارجع انام ،
اصايل : صحيح البنت الي تشتغل عندها جت قالت لي ،
سياف هز راسه وبيده الورقه : اي اروح اعطيها الورقه كتبت كل موعد الادويه و اي وقت تاخذهم ،
افنان ابتسمت وهي تناظر سياف مشى طلع من البيت و ركب سيارته وحرك متوجه بيت جدته ،
-
غرام نزلت من سيارة التاكسي ومشت وهي تدق الباب ،
الشغاله مشت وهي تفتح الباب دخلت غرام البيت وناظرت للشغاله: فين ريوف ؟
الشغاله اشرت لداخل غرام ركضت وهي تدخل وقفت بصدمه تشوف ريوف جالسه تاكل والجده تسولف معها ، الجده التفتت وناظرت لـ غرام بصدمه وكانها طالعه من افلام بوليود طريقة ملابسها والعقد الي لابستها والحلق وملابسها ،
غرام مشت وقفت عند ريوف : يعني كذبتي!
ريوف التفتت عليها : والله ما كذبت شوفي بالغصب خلتني اكل، الجده كانت ساكته تناظر بـ غرام ،
غرام : تركت الرقص وكل شيء وجيتك توقعت فيكِ شيء ،
الجده بهدوء : سلمي يا بنتي ،
غرام استوعبت والتفتت باحراج ونطقت : السلام عليكم ،
ريوف ابتسمت : هذي صحبتي غرام امها هنديه ،
الجده ناظرت فيها وابتسمت : ما شاء الله تبارك الله ،
ريوف وقفت وسحبت شنطتها : احس بتعب والله نمشي؟
الجده ناظرت : اجلسوا وين تروحون ؟
ريوف قربت لـ غرام وهمست : اخاف ينقصون من راتبي،
غرام بهمس : روحي انتي انا اليوم اجلس بدالك ،
ريوف : احبك والله يلا اروح ارتاح احس قاعده اختنق ،
غرام هزت راسها بالايجاب ريوف مشت من عندها ،
الجده ناظرت لـ غرام وابتسمت : تجلسين عندي؟
غرام هزت راسها بالايجاب وهي تجلس ،
-
ريوف مشت طلعت من البيت وتوجهت وهي تمشي بالشارع التفتت من وقف سيارة غسان كان متوجه ل جدته لكن ناظر للبنت الي تمشي وهمس : اوصلك؟
ريوف التفتت بصدمه وسكتت وهي تناظر وتشوف فخامة السياره ، غسان نزل نظارته ونطق : اكلمك ،
ريوف رفعت نظرها وهزت راسها بالايجاب ومشت وهي تركب ورا وعدلت نقابها وهي تناظر فيه وهو يسوق ،
غسان كان يسوق ونطق : من هذا الطريق؟
ريوف بهدوء : اي اي من هذا الطريق ، والتفتت وهي تشوف قدامها بيت فخم وكبير ونطقت بكذب : هذا بيتي ،
غسان عقد حواجبه ونطق : هذا بيت؟
ريوف هزت راسها بالايجاب وتوترت : اي بيتي ،
غسان وقف السياره ريوف نزلت ومشت وهي توقف عند باب البيت غسان كان واقف يناظر ،
ريوف بقهر : اوف ليه ما يتحرك هذا يبغى يفشلني ، ومدت يدها وهي ترجف وتدق الباب ،
غسان سكت وحرك سيارته يمشي ، ريوف ركضت وهي تبعد عن البيت وتتخبى ورا ، طلع الرجال من البيت وهو يدور الي دق الباب لكن ما لقى احد ومشى يدخل داخل ،

غرام ابتسمت : عشان كان عرس بنت خالتي ف لبست كذا ،
الجده نوير : ما شاء الله تبارك الله مو باين عليكِ انك هنديه،
غرام : اي تقدرين تقولين سعوديه وهنديه مكس يعني ،
الجده ابتسم بخفه وهمست : احب اتابع الافلام الهنديه ،
غرام : الصدق انا ما احب بس احب رقصهم ،
الجده نوير : تعرفين ترقصين؟
غرام : اي شوي هالايام كنت اتدرب لعرس بنت خالتي وتعلمت،
الجده نوير : شرايك ترقصين اشوف؟
غرام ضحكت بصدمه وهزت راسها بالنفي : لا مستحيل ،
الجده نوير ابتسمت : ليه عادي مافي غيري اكلم الشغاله تجيب السماعات و لازم ترقصين لي احب رقصكم و افلامكم،
غرام ضحكت والتفتت وهي تشوف الجده تطلب السماعات من الشغاله واخذت جوالها وهي تدور الاغنيه وشبكت بالسماعات وحطت عبايتها ووقفت وهي ترقص ،
سياف وقف سيارته ونزل وهو يدخل البيت عقد حواجبه يسمع صوت الاغاني عالي وتوجه وهو يدخل داخل لكن وقف بصدمه عند الباب وهو يشوف البنت الي واقفه بالصاله ومعطيتها ظهرها وشعرها الويفي و ملابسها الهندي وترقص،
وقف بصدمه يطالع لثواني و استوعب على نفسه وصد بغضب طلع جواله من جيبه يتصل على امه دقايق و ردت والتفت يطالع فيها ونطق بحدها : قلت وحده تنتبه لجدتي مو وحده رقاصة الليل تجي ترقص قدامها !
ام سياف بصدمه : ايش صاير مين رقاصة الليل؟
سياف : الي تشتغل عندها راح تفصلونها وتشوفون غيرها ، وقفل الخط والتفت وهو يناظر وعض على شِفته بغضب وصد يمشي ، الجده كانت مبسوطه تناظر بـ غرام ولا شكت فيها ب اي شي المكياج مغير ملامحها وحتى لو انها بدون مكياج مستحيل تعرفها ومثل ما يقولون يخلق من الشبه اربعين ف طبيعي لو كانت فيها ملامح من امها او ابوها مايمدي تشك فيها ولا هي تعرف عن موضوع وحمة الفراوله ،
غرام جلست ونطقت بتعب : خلاص تعبت ،
الجده ابتسمت : ما شاء الله تبارك الرحمن فنانه ،
غرام ضحكت بخفه و رفعت نظرها من دخلت الشغاله ومشت وهي تحط ملابس قدامها بجامه مُريحه،
غرام عقدت حواجبها تناظر ونطقت : لي انا؟
الجده نوير : اي انا طلبت منها قلت اكيد تعبتي من هالملابس،
غرام وقفت : الصراحه اي خليني اغير واجيكِ ومشت من عندها، الجده نوير ابتسمت وهي تراقبها لين مشت ،
سياف كان جالس بسيارته و سرحان نزل نظره يشوف الورقه قدامه سحبه معه وفتح باب سيارته نزل وتوجه دخل بيت جدته ومشى عند الباب ناظر كانت جالسه لوحدها و دخل بهدوء وهو يناظر ، الجده نوير رفعت نظره له وصدت وجهها،
سياف مشى وهو يرمي الورقه على الطاوله قدامها و رفع نظره لها : بكره تجيكِ وحده غيرها تهتم فيكِ مو رقاصة الليول ،
غرام كانت داخله وبيدها القهوة وقفت بصدمه تسمع ،
الجده نوير رفعت نظرها : وش هالكلام!
سياف : اي الرقاصه اللي كانت عندك راح تنفصل من هالوقت ولا عاد اشوفها في هالبيت مفهوم!
الجده نوير بعناد : مو مفهوم ومحد يعطيني ادويه غيرها ،
غرام كانت واقفه بعيد تناظر وبيدها القهوة ،
سياف بسخريه : يعني تعانديني؟
الجده نوير : ما اعاندك بس ما اكل الحبوب الا منها ،
سياف : لا تخليني اترك دوامي وانا الي اجلس عندك واشوف كيف ما تاكلين الحبوب الا منها !
الجده نوير صدت وجهها : روح اطلع البنت الحين بتجي ،
سياف جلس على الكنب وهو يرجع ظهره لورا : ماني طالع الي يطلع من هنا ف هي الرقاصه ،
غرام رجفت يدينها بصدمه وهي تسمعه كيف يقول عنها رقاصة الليل! مجرد ما شافها ترقص قدام جدته سماها بذي الاسم!
الجده نوير : قصر صوتك لا تسمعك ،
غرام صدت ومشت وهي تدخل المطبخ وتترك القهوة ،
سياف عقد حواجبه من حس بشيء تحته ونزل نظره يشوف اكسسوارتها الي انكسرت و رماهم بالارض بعصبيه ،
الجده نوير وقفت ونطقت : انا الي رايحه لها ،
سياف رفع نظره وهمس : خليها تمشي من هنا خلاص ما نحتاج احد يهتم فيكِ انا موجود ،
الجده نوير صدت ومشت وهمست : غرام فينك يا بنتي،
غرام طلعت من المطبخ وابتسمت : اجهز القهوة ،
الجده نوير ابتسمت : تمام جهزي القهوة وانا اشوف جراح نايم ولا صاحي ومشت عنها وتوجهت لغرفتها ،
غرام رجعت دخلت المطبخ و رفعت نظرها تشوف الشغاله تشتغل والتفتت للباب الي بالمطبخ : هنا ايش؟
الشغاله بهدوء : هنا حديقه ، غرام مشت وهي تفتح الباب التفتت وهي تشوف الاجواء بارده مشت طلعت عقدت حواجبها تشوف الطير الي بالقفص و رجعت دخلت اخذت كوب القهوة ومشت وهي تتوجه عند الطير ابتسمت تناظر و رفعت كفها تاشر ونطقت : هاي صاحي ولا نايم؟
-
جنان بضحكه : تكفين ريوف انتي الي تحتاجين احد ينتبه لك،
ريوف : اوف لا تطقطقين وبعدين انا كذبت على واحد معرفه،
جنان : ماني عارفه ليه كذبتي؟
ريوف : يابنت سيارته فخم واضح انه غني استحيت ادله عن بيتنا وشفت بيت فخم قدامي قلت هذا بيتي ،
جنان : اتخيل لو رجع صادفك وش تسوين وقته؟
ريوف بضحكه : ياليت اصادفه والله انه حلو وغني بعد ،
جنان رفعت يدها تكش عليها : قليلة حياء ،
ريوف ضحكت وهمست : اتخيل بس لو رجعنا تصادفنا!
-
سياف رفع نظره يشوف جدته ماهي موجوده ومشى دخل المطبخ عقد حواجبه ونطق : فين الرقا..سكت من لمح الباب مفتوح ومشى من عند الباب رفع نظره يشوفها واقفه عند الطير وبيدها كوب القهوة وتسولف مع الطير وصد  والتفت للشغاله الي تغسل و رفع نظره من دخلت جدته ،
و رفع نظره من دخلت جدته ،
الجده نوير : وين راحت البنت لا يكون طردتها؟
سياف : اي طردتها يلا امشي قدامي وقت الحبوب.
الجده صدت عنه : زعلانه منك انا من وقت ما رحت بيتك و تركتوني كلكم والحين هي جت تهتم لي ف لا تتدخل فينا ،
سياف : لو داري غيري يسرقك مني قسم بالله ماكان وافقت،
الجده نوير : خلاص هي صارت بالنسبه لي اهم منك ،
سياف : خليها تنفعك اجل ، وصد ومشى وهو يطلع ،
الجده نوير رفعت نظرها من دخلت غرام وابتسمت لها ،
الجده نوير : تعالي اكل الادويه ونشرب قهوة ونسولف ،
غرام : بس ساعه وامشي البيت لاني تاخرت ،
الجده نوير هزت راسها بالايجاب غرام مشت معها وتوجهوا يجلسون وسياف مشى لبيته ،
غرام جلست على الكنب وهمست : ممكن اسالك سوال ؟
الجده نوير رفعت نظرها : اي اسالي ،
غرام : قبل شوي سمعت صوت شخص غريب ماعرفت مين؟
الجده نوير ابتسمت : هذا سياف حفيدي ، وسكتت بتوتر انها تكون سمعت كلامه وهمست : انتي سمعتي نقاشنا؟
غرام بكذب : لا ما سمعت شي بس سمعت صوته قبل شوي،
الجده نوير سكتت وتنفست براحه وهي تاخذ الحبوب وتاكل،
غرام سرحت بتفكيره وهي تتذكر كلامه " رقاصة الليل "
ووقفت ونطقت : تاخر الوقت لازم امشي ،
الجده نوير هزت راسها بالايجاب : تمام يابنتي اكلم السواق ،
غرام هزت راسها بالنفي : لا لا ما يحتاج اروح بنفسي ، سحبت عبايتها تلبس بدون طرحه ونقاب، الجده نوير انصدمت وهي تناظر : ما تتحجبين وتغطين؟
غرام بهدوء : ادعي الله يهديني ،
الجده نوير تنهدت : الله يهديكِ يارب ،
-
جنان كانت جالسه تحس بطفش والتفتت تشوف ريوف نايمه ومشت اخذت جوالها وطلعت للمطبخ سوت لها قهوة ومشت جلست على بالصاله وفتحت الشباك وهي تناظر بهدوء وتتذكر ابوها نزلت دموعها ومدت يدها تمسح دموعها واخذت جوالها تدخل التويتر تفضفض عن كل الي بقلبها واخذت نفس وهي تقرا التغريدات شدت انتباهه تغريدة شخص و دخلت حسابه تقرا " فقدت اُنس قلبي يوم فقدت اختي "
و رفعت نظرها تشوف اسمه " عزام بن جراح " مو كاتب اسم ابوه من كُرهه له وحقده ، ونزلت وهي تقرا تغريدته يحتوى على " تمنيت آنك موجوده بحياتي تمنيت بيوم اصحى على ازعاجك وتمنيت كل صُبح اوصلك الجامعه و اغرقك بـ حنيني "
اخذت نفس وهي تكمل كل تغريداته توقعت اخته ماتت و دخلت تكتب له في التعليق " الله يرحمها ويغفر لها "
وتركت الجوال واخذت نفس و سرحت بافكارها ،
-
عزام كان جالس يصلي الوتر بعد دقايق خلص وسلم والتفت وهو يشوف سعد يلعب ببجي ، سعد ينام معه بنفس الغرفه، او بالاصح يعيش عندهم ابوه وامه ميتين والي هُم اجداد العيال لكن من ناحية امهم ، ..