اعذب غرام العاشقين

بارت ٣

#اعذب_غرام_العاشقين ،
-
غرام مشت طلعت : قود باي بنات ، وقفلت الباب وراها ومشت تنزل وقفت بصدمه تشوف سيارة فارس الي وقف ،
فارس وقف سيارته وناظر يشوف غرام عند الباب ونزل من سيارته ونطق : من حُسن حظي لقيتك و زين لقيتك ،
غرام بتوتر: ايش بغيت ؟
فارس مد لها الاسوارة : طاحت منك لقيته بسيارتي وسالت ريماس اختي قالت انها لك ،
غرام شهقت واخذت منه الاسوارة : مشكور ما تقصر ما تدري قد ايش هذي الاسواره مهمه عندي والله ،
فارس ابتسم : ان شاء الله ما ترجعين تضيعينها ما عاد ارجعها لك ، غرام سكتت وابتسمت بخفه تمشي من عنده بتوتر ، لكن وقفها وهمس : اذا حابه خليني اوصلك مو زين تروحين لوحدك! الوقت تاخر ،
غرام هزت راسها بالنفي : لا عادي اروح لوحدي ،
فارس : ترا ما اكل لحوم البشر ،
غرام التفتت وهمست : لا مو قصدي كذا بس ار..قاطعها فارس وهو يفتح باب سيارته الخلفي : تفضلي اركبي بدون عناد ،
غرام بتوتر : لا والله بيتي قريب اروح مشي ،
فارس : اعتبري ريماس موجوده قدام اذا مانتي واثقه فيني ،
غرام بصدمه : لا مو قصدي كذا والله بالعكس اعتبرك زي اخوي و واثقه فيك بس مابي اتعبك بيتي قريبه من هنا ،
فارس : مافيه تعب تفضلي اركبي انا ماشي من نفس الطريق،،
غرام سكتت بهدوء ومشت ركبت واخذت نفس بتوتر طول عمرها ما ركبت معه لوحدها دايم تركب مع ريماس ،
فارس ركب قدام وحرك سيارته،
-
مرام جلست وهي مبتسمه : عروستنا تهبل والله حظك فيها،
رباح ابتسم بخفه و رفع يده يحك لحيته : حظها فيني انا ،
ام رباح التفتت عليه : ليه ما طلبت تشوفها؟
مرام : ناوي ياخذها بكره و يتعشون برا ،
رباح ناظر لـ مرام : مستحيل تتركين عنك اللقافة !
عذبي كان جالس و سرحان يهوجس ويناظر للسقف بهدوء ،
مرام بضحكه : شدعوه بس علمت ماما ،
ام رباح ناظرت لـ عذبي : شفيك سرحان كذا ؟
رباح : شكله شايف له شوفه ،
عذبي فز و رفع نظره : لا مافيني شيء بس ميت نوم ،
ام رباح : اجل ليه ما تروح تنام؟
عذبي عدل جلسته ونطق : قاعد افكر تصرفاتهم كان غريب ،
رباح عقد حواجبه : تصرفات من؟
عذبي : اهل زوجتك والله ي اني احس هالحسود نفوسهم شينه،
ام رباح : اعوذ بالله وش هالكلام! ايش حلاتهم يهبلون حريمهم،
مرام : حتى البنات عسولات عذبي شكلك ما نمت زين رح نام،
عذبي سكت بهدوء وهز راسه وتوجه يمشي بصمت لكنه حس من نظرات سياف وفواز  و اشرف حس من نظراتهم انهم مو راضين على رباح و ناقدين على فرق العمر بين حنين وبين رباح،
-
عزام جلس قدامه وهو يشرب قهوته و رفع نظره يطالع فيه ،
سياف اخذ نفس ونطق : وش قرر الشيخ جراح؟
عزام رفع كتوفه : لا تسالني لمصلحتك ،
سياف باستغراب : ليه وش صاير ؟
عزام تنهد : يقول نصحى بدري و نمشي لبيت فهد يحددون تاريخ حفلة الملكه بس اسال بالله فين بيكون؟
سياف عقد حواجبه : فين؟
عزام رجع ظهره لورا وهمس : في بيت الشِعر يعني ننكرف ونعلق اللمبات ونزين الوضع لاجل حضرة الجناب رباح ،
سياف قرب وهمس : يخسي قسم بالله ،
عزام : جدك لا يسمع يدفننا ،
سياف : ي رجال وراي دوام فاضي لهم انا الحين وقت احد يتزوج؟ وقسم بالله ي انهم ناوين يسببون فضيحه الناس وش يقولون على فرق العمر بينهم؟ مسخره ي رجال ،
عزام : شدخلك انت؟ بكيفهم ،
سياف : وانا شدخلني لما جدي يطلب نزين بيت الشِعر؟
عزام رفع كتوفه : اسال من جدك طال عمرك ،
سياف : سد مكاني وانا ماشي من الحين ،
عزام وقفه ونطق : تكفى ي رجال مو ناقص اسمع كلام جدي،
سياف رفع نظره بحده : ليه تبغاني اجلس و اروح ازين ؟
عزام بتفكير : شرايك نكلم رباح واخوه نجيبهم هناك يزينون بنفسهم ونشرف عليهم؟
سياف : خوش فكره سويه لوحدك انا ماشي والله ،
عزام مسكه من كتفه : اقعد ي رجال وين هارب ؟
سياف : ليت انهم خاطفيني من المستشفى بدال اختك ، نطق هالكلام بدون شعور من قهره وليه جده يطلب منه هالطلب،
عزام سكت من تغير ملامح وجهه و رفع يده عن كتف سياف،
سياف استوعب وفز : اسف والله مو قصدي ا..قاطعه عزام وهز راسه بالنفي : مو مشكله فاهمك انا ،
سياف تنهد وهو يحط يده على كتف عزام : ان شاء الله نلقاها ،
عزام رفع نظره بصدمه وضحك بسخريه : منجدك؟؟
سياف رفع كتوفه : مو عارف يعني احاول اخفف عنك رغم انه من زمان قفلوا هالسالفه والقضيه وكل شيء ،
عزام : انا ماني عارف في المستشفى كله ما لقوها الا هي! قسم بايات الله ي سياف كل ليله اموت من شعور الوحده وكل ما افتكرت انها راحت مني كل مره افكر لو كانت موجوده كيف كان بيكون حياتي! والله اني ميت من هالوحده ،
سياف بحده : اي وحده تتكلم عنه! كلنا حوالينك ،
عزام رفع نظره بهدوء : كلكم حواليني لكن هي مو حولي يا سياف لو ابوي جلس ذيك الليله عندها ماكان فقدتها ،
سياف : الي كاتبها ربي صار ماعاد يفيد كل هالكلام ،
عزام سكت بهدوء واخذ نفس وهو يرجع يجلس بضيق وقهر ،
-
غرام كانت جالسه بالحوش في الخارج وبيدها القهوة تشرب رفعت نظرها تشوف الاشجار و سرحانه وابتسمت وهي تتذكر كلام ريوف عن فارس وعنها وهمست : صدق وقحه ريوف،
دخلت نزيله وبيدها الفطاير بالصحن ومشت عندها تجلس جنبها : تاخرت ؟
غرام هزت راسها بالنفي : لا تسلم يدينك اشتقت للفطائر من يدينك،  ومدت يدها تاكل وهي مبتسمه ،
نزيله ناظرت فيها وهمست : قد حسيتي بشعور الغُربه عندي؟
غرام عقدت حواجبها من سؤالها وهزت راسها بالنفي وهي تاكل وهمست : صحيح ما عشت شعور الاب وحنان الاب لانك قلتي لي انه مات بحادث قبل اجي على الدنيا و دايم افكر لو كان موجود كيف بيكون حياتي معه؟ احس اشتقت له وانا ماشفته،
نزيله سكتت بتوتر لانها كذبت عليها بهالكلام و زوجها مسافر للهند مستحيل تقول عنه انه ابوها ،
غرام ابتسمت وهي تمسك كفوفها : يكفي انك موجوده ،
نزيله هزت راسها وابتسمت لها تخفي توترها ،
غرام : صحيح يمه نسيت اقول بكره يجون البنات يفطرون عندي يقولون اشتاقوا ل طبخة يدينك ،
نزيله ابتسمت : حياهم الله خليهم يجون ،
غرام قربت حضنتها : احبك ،
-
رباح وقف وهو يمشط شعرها وفسخ ثوبه يرميه ومشى يجلس على السرير لاجل ينام لكن ابتسم من تذكر حنين واخذ جواله يرسل لـ مرام : معك رقم حنين؟
ردت عليه بنفس الدقيقه : معي بس ما اعطيك ،
رباح عقد حواجبه وكتب لها : خلي عنك النذاله وعطيني ،
مرام ضحكت وهي تقوم تطلع من غرفتها وتمشي لغرفة رباح عقدت حواجبها من صادفت عذبي برا بالحديقه الخارجيه يعزف على آلة العود ومشت له : هالله اشتقت اسمع عزفك ،
عذبي ناظر فيها : وش مصحيكِ؟
مرام ابتسمت وهمست : رباح يبغى رقم زوجته شرايك نمقلبه؟
عذبي باستغراب : شلون ؟
مرام : عندي رقم جديد اعطيها للبنات بس ف ارسل له الرقم ونلعب عليه ؟
عذبي ضحك بخفه : لا عيب يمكن بيقول كلام مو زين ،
مرام شهقت : لا خير رباح مو كذا ،
عذبي : جربي اذا ودك تشوفين اذا كذا ولا لا ،
مرام مدت له الجوال : انت شوف واذا في شي كذا خبي عني،
عذبي ضحك ومرام رسلت الرقم لـ رباح : هذا رقم حنين ،
عذبي دخل الواتس من جوال مرام ينتظر رباح يرسل و لفت انتباهه الصوره الي بعرض الواتس على رقم افنان كانت حاطه صورتها مصوره بالمرايه وشعرها كيرلي ولابسه فستان اورنج وبشرتها السمراء وماسكه الورد بيدها ، وسكت من توتر وهو يناظر ، مرام ما كانت منتبهه له وتكلم رباح من جوالها الثاني،
ووقفت وهمست : انتظرني اجيب السماعات يمكن يرسل فويس، و ركضت تمشي ل غرفتها ، عذبي طلع جواله من جيبه وهو يسجل رقم افنان بجواله بحركه سريعه وحس نشف الدم بعروقه من التوتر وفز من رسل رباح : صباح الخير ،
مرام مشت تجلس جنبه : رسل؟
عذبي هز راسه بالايجاب : اي راسل صباح الخير،
مرام بضحكه : رد عليه بعلامة استفهام ،
رباح كان منسدح وهو مبتسم ينتظر ردها وعقد حواجبه من علامة الاستفهام و رسل : انا زوجك رباح اذا ما عرفتيني ،
عذبي كان عقله مو معه كل تفكيره بالصوره الي شافه ومد الجوال لـ مرام ومشى،