علميني ي دنياي وش ذنبي

part4

وصلو البنات وكانت قعدتهم ورا البيت بعيد عن قسم الرجال
سُلاف قعدت معهم : وش فيكم
نياف : ذبحنا الشوق لوجهتس الخايس
سُلاف : حااااااصل لك
عساف : ووجع صوتتس ابوي وعمي نايمين
سُلاف : سكت الخايس الي جنبك
لينا : تعالو نبي نناقشكم
عساف : وش تناقشون بوه
لينا : والله يخيي ميلاف هي الي عندها الموضوع
عساف سحب ميلاف وجلسها جنبه وهي كانت ترجف من البرد دخلها بفروته معه وقال : وش عندتس يبعدي
ميلاف : شوف بحتسي واعلمكم بس هااا لحد يقاطعن لين اخلص
الكل : تكلمي
ميلاف : اسمعو زي ماكلكم تعرفون طبعاً ان حلمي اصير مدربة خيل وافتح اسطبل للتدريب ومالي ميول للدراسه ابد ابد ومايجذبن اي شي بوه دراسه فا ليه اغصب نفسي على شي ادري اني مابفلح بوه وماودي اكمل دراسه وبفتح اسطبل ادرب بوه واشارك مسابقات عالميه بس اخاف اقول ل ابوي ويرفض وانتم تذكرون اول ماشرا لي الخيل قال لايبعدتس عن الدراسه ولا ترا ماتشوفينوه
عساف : وليه ماتدرسين وتدربين مع بعض
ميلاف : مابي انا زين كملت الثانوي
عساف : بس نسبتتس حلوه تدخلتس حتى طب لو تبين حرام تتركينها تسذا
ميلاف : مي مشكله لو جا يوم من الايام وجيت بكمل زي ماقلت نسبتي تساعدني
عساف " طبعه مايجب يجبر خواته على شي مايبنه حتى لو هو دراسه عنده رغبتهم فوق كل شي " : طيب بشوف ابوي ونحاول بوه
ميلاف فرت وحبت راسه : يعلنيييي فداااكك يشيخ
لفو الا مافي صوت وانتبهو لـ نياف وسُلاف الي نايمين نياف منسدح على رجلها ونايم وسُلاف متكيه على الجدار وراسه كل شوي بيطيح كان شكلهم تحفهه يضحكك
هيام صورتهم وارسلتها على قروب عايلتهم وهي ميته ضحك وبعدها قومتهم وافترقو كل شخص غرفته ينام
صباح ثاني يوم قعدو على صوت ابوهم يهاوش عشان يقعدون
خوله وهي تدخل المطبخ : وش فيه عمي بعد يالله صباح خير مستلج من صبح ربي
ميلاف : جربتي النعل بوجهتس ولا لا
خوله : لاا ماجربتها واذا هي بنفسك اصكك بها مي مشكله اهم شي ماتروح بنفسك
ميلاف نزلت السليبر حقها "وانتم بالكرامه " وجت بتشوته بوجه خوله بس انحاشت
ميلاف : اخخخ ايا بنتتت االكلب اتحاشت تعوذت من الشيطان وسكتت ماتبي تسب عمها
اخذت الاغراض وطلعت ركبت السياره مع الباقي متوجهين للمزرعه
اول ماوصلو نزلت ركض هي وسُلاف لخيولهن
" الفرق بين ميلاف وسُلاف ان ميلاف تعشق الخيل بجنون ولهاذا السبب تبي حتى شغلها يكون تدريب للناس على الخيل
اما سُلاف فا ماخذته هوايه ولاكن الدارسه اهم من ذا كله بنسبه لها "
ميلاف : سهممممممم
دوا صوت سهم بالمزرعه كلها ، حضنته وهي مشتاقه له بشكل كبيرررر
سُلاف كذالك توجهت لـ اصيل وهي تحضنه
ميلاف بعدت عن سهم ودخلت لغرفة التبديل الي موجوده بالاسطبل لبست بنطال اسود وسيع وبالطو ياصل لين الركبه وضلت بنقابها
كان لبسها محشتم مرا بحكم ان ولد عمها موجود فا لبست ذا البس مو حق الفروسيه الاساسي حطت السرج على سهم وكان السرج لونه ابيض والخيل بني طلعت مع سهم من الاسطبل وهي مسرعه به ولحقتها سُلاف بعد مابدلت وجهزت خيلها
نياف اول ماسمع الخيل عرف انهن طلعن يتمشن : ذول مافي وقت اول ماوصلنا نهجن"راحن" للخيل
عساف : خلهن مشتاقت له لهم حول الشهر ماشافوه
" ملاحظه بسيطه المزرعه قريب من ديره على ضفاف حائل لاكن مكان المزرعه شبه فاضي فا البنات يطلعن بخيولهن بدون مايتغطن اذا مامعهم حد بالمزرعه ومزرعتهم اساساً كبيره نوعاً ما "
وماهي الا نص ساعه وقال ابو عساف : نياف يبه رح ناد خواتك للفطور
نياف : ابشر
توجه للاسطبل اخذ خيل من الي هناك ولحق خواته وناداهم
عند الرجال
ابو فارس : ي ابو عساف ماتحس انه عيبً بناتك بهالشكل
ابو عساف مافهم عليه : شلون مافهمت عليك
ابو فارس : راكبات هالخيل كنهن عيال بكرا تصير ضحكه عند الي يسوى والي مايسوى والسبه هن
عساف بحده : ينقص لسان الي يحتسي"يتكلم" بخواتي وماظن سون شي عيب ومادام حنا راضين محد له كلمه عليهم
ابو فارس : ايا الي ماتستحي ترادد عمك هاذي اخر تربيتك ي حسين
عساف جا بيتكلم بس سكته ابوه الي قال : يخوي الشي مو حرام وزي ماقال عساف ينقص لسان الي يتكلم ببناتي وانا واثق من تربيتي ريح بالك وعساف ماغلط بكلامه
خلص كلامه على وصول ميلاف وسُلاف
طارق كان يناضر فيهن وانتبه له عساف : نزل عينك ووجع
طارق مارد ولقاها حجه ينرفز فيها عساف
عساف بصوت اعلى وحده هزت قلب طارق بس حاول مايبين : نزززززللل عينننككك
لفو ابو فارس وابو عساف
ابو فارس : انت وراك مستلج علينا !!؟
عساف طنشه وقام مسك طارق من ياقة ثوبه ولف وجهه بيده الثانيه : لو ماتنزل عينه الحين والله ويشهد علي ربي لكفر به "تهديد قوي"
طارق وهي يحاول يبعده همس بذن عساف : مزايين
عساف هنا جنت جنونه لكمه بقوى ماعنده على وجهه
ابو عساف : عساااف
عساف ولا رد سحب طارق من ياقته : لسانك ذا والله لقصه لك ي المره "ي حرمه" فاهم
طارق دف عساف بقوه : انا مره يزفت اوريك من المره
وبدو بهوشه
نياف جا وهو مو فاهم شي بس جنت جنونه يوم شاف طارق يمد يده على اخوه بعد طارق عن اخوه ولكمه بقوه  ووقف هو واخوه جنب بعض
وطبعاً دخلو بهوشه مالها اول من تالي لين قال ابو عساف بصوت عالي : ماااااعد لنا حشيمه انت وياهه
بعدو نياف وعساف وماردو
ابو فارس : طالت وشمخت والله وش حنا عندكم رجل كرسي لا احترام ولا شي ؟؟؟
طارق : عمي ماعرف يربي عياله
ابو فارس : مثل ما انا ماعرفت اربيك
نياف هنا ماقدر يمسك ضحكته وضحكته لحالها فضيحه من كثر ماهي تضحك
عساف اذا عصب مايضحك لاكن هالمرا ابتسم على وجه طارق الي تقلب الوان
نياف انتبه على نضرة ابوه وعمه "النضره القاتله " طلع برا وهو فاطسس من الضحك وقابلته ميلاف وهي طالعه بعد مافطرت وضحكت من ضحكته : وش عندك تضحك كذا
نياف وهو باليالله يتكلم من الضحك قال لها السالفه وشبكو يضحكون وكان كل شخص فيهم ضحكته تضحك اكثر من الثاني
ام عساف طلعت على ضحكهم وقالت : وش هالضحك ذا تقل ضحكت رقاصه وانت حمار يناهق ماجبت الصاحي انا
سكتو يستوعبون القصف الي جاهم ورجعو يضحكون اقوى من اول وام عساف تهاوش : الحمدلله والشكر انت وياها سدو حلدزكم " حلقكم" فضحتونا مير "لاكن ، لو" ان عصب ابوكم مالي دخل مو تحطن بالواجهه
عساف جا وشاف شكلهم ميلاف جالسه وماسكه بطنها من الضحك ونياف بعد جالس بس يضرب رجله من كثر مايضحك وهنا مامسك نفسه وضحك : يمهبول كل ذا عشان قصف جبهته مرا وحده مير لو يقصفها كل يوم تنتحر من الضحك
نياف من بين ضحكه : الدنيا دارت بسرعه ضحكت عليه ومن شافتني امي قصفت جبهتي انا والمهبوله
ميلاف وهي تضحك : ههههههههههههه اييي يبطنيييي مغصن من الضحك كلوه منك
عساف : ليه يالغلا وش قايلتن لهم خلاهم يموتون علينا من ضحكهم
ام عساف : ماقلت الا الصدز هالمرجوج يضحك تقل حمارن يناهق والي معوه رقاصه
عساف ضحك بقوه : هههههههه اصدقققق ماسمعتوه من سنيننننن
ميلاف تنحنحت : خيررر يبوي لا تتماداون بذبات علينا والله لو تحومون "تلفون" الكون كلوه ماتلقون نجمتن مثلي ولاااا من تواضعن نزلت من الفضاء وجيت عندكم انور حياتكم
عساف : وانتِ الصادزه مو نجمه الا سواد الفضاء جا لنا يعتم بيتنا ويطفي انوار حياتنا
نياف زاد ضحكه : اخخخخخ خلااااااااصصصص بموووتتت من هالضحك يرحم والديكم سدو حلقكم بسسسس بطنيييي يوجعنن لعنتن تلعنكم استغفرالله
ابو عساف جاء وبحده صفتهم صفه وحده جنب بعض كانهم عسكر ووقف ضحكهم : يعلكم تضحكون عند ابوييي قولو امين وش هالاصوات وقص يقص لسانك انت وياه وش قلة الحياء كنكم حريّم انت وياه ان سمعت نفس واحد منكم يويله
الكل : سم
ابو عساف : زهبي قهوتن تعدل الراس ي ام عساف
ام عساف : ابشر
صد ابو عساف واول مابعد شوي رجع ضحك نياف وميلاف اقوى مو اول وسمعهم ابو عساف لاكنه اكتفى ببتسامه مع انه يهاوشهم دايم ويهاوش على الجه واصواتهم ومزحهم لاكن ماينكر انه يتضايق اذا اختفى اصواتهم لو ثواني
،
نروح لـ الرياض عند ام سند ببيتها
ريم : خااااله الحين بسالك سوال طيب
ام عساف : اسألي يبنتي
ريم : لو حياتنا حالياً هي نفسها حياتكم قبل وش الاشياء الي تختلف
ام عساف بتفكير : كثير اشياء ومنها الناس قبل والحين ومنها الاماكن ومنها البيوت
ريم : يعني ي خاله صدق الي يقولون انتم جيل الطيبين مافي شخص تس تس "ثعبان" بوقتكم والناس كلها على قلب واحد
ام سند : لا مين قال بكل وقت في الخبيث وفي الطيب
هيام : طيب ليه تقولين الناس تغيرت
ام سند : تغيرت طبايع يبنتي والكلام اكيد مايعم الكل لاكن الاغلب حالياً في اشياء كنا نشوفها فضيحه قبل مثل الدراسه للبنت في قبل كثيررر اذا مو كلهم يشوفونها فضيحه مثل الطلعات ماعندنا الي تطلع ذي ماتستحي قليلة ادب والرجال الي يمزح بمكان فيه شياب ذا خبل عندهم والي يسهر ومعاكس نومه عن اهله ذا ابوه يعلم العقال بضهره
هيام : يعني وقتنا احسن
ان سند : اشياء واشياء لا
ريم وصلتها رساله : انا بطلع مع صحبتي ملاذ
هيام : قلتي لـ سعد
ريم : اي توه راد علي يقول روحي
هيام : عطاك فلوس
ريم : ايوه عطاني ، خاله تبين شي اجيبه لك وانا جايه
ام سند : سلامتك
ريم : اكيدد تراي غنيه حالياً
ام سند ضحكت : دوم ان شاءالله ربي مغنيك وسلامتك يروحي مابي شي
راحت ريم تلبس عباتها ورجعت تجلس تسولف معهم على ماتجي صحبتها وماهي دقايق الا اتصل جوالها
ملاذ : انا برا يلا
ريم : طيبب البس نقابي واجيك
ملاذ : مو تموتين
ريم : طيري يلا جايه
قفلت وقامت تلبس نقابها
بعد 10 دقايق اتصلت ملاذ مرا ثانيه
ملاذ : وينكك سنه تلبسين نقابك وش هالبرود الي عندك
ريم : لحضه طيب اضبط النقاب
ملاذ : وش تضبطين انتي الي يشوفك وانتي تلبسين النقاب يقول مراهقه توها متغطيه يالضالمه لك 10 سنين تتغطين وللحين ماتعرفين
ريم : قلبو حياتو ملاذي بدال السوالف قفلي خليني اخلص مو احسن ؟
ملاذ : اعد للعشر ان مانزلتي مشيت قلبو
ريم قفلت وحاولت تضبط نقابها بسرعه وخذت شنطتها وباست خد ام سند وهيام : يلا بايي قلبوو
وطلعت تركض
ام سند : بشويشش يبنت
هيام ضحكت : مهبوله وربي
ام سند : يحلوها استودعتها الله
هيام : خاله سوي رجلك زين بنسدح وامسحي ع شعري
ام سند عدلت رجلها وانسدحت هيام وبدت تمسح على شعرها ويسولفن وكانت سوالفهم هاديه دام ماعندهم ريم تطلع بسوالف ماندري من وين تجيبها وتحليهم يموتون ضحك
اما ريم ركبت مع صديقتها : سلاااامممم
ملاذ حركت بسيارتها من عند البيت متوجهات للبوليفارد وقالت وهي تقلدها : وعليكم السلاااامم كان متي
ريم : شدعوهههه كلها دقايق يروحي وبعدين بالعقل بتعيشين بدوني لو اموت
ملاذ ضحكت : الحقك ثاني يوم يعمري معاك حتى بالموت
ريم : يعلنيييي فدوهه احلا من ينشب بناس ، و ايوه شو اخبارك
ملاذ : تخيليييييي وش صار
ريم : وش صار
ملاذ : شفتي طايح الحظ زيود
ريم : وش به
ملاذ : تخيلي خطبني
ريم : كذاااااببببه
ملاذ : وقسممم بالله
ريم : يحرامممم وربي انه طايح حظ من جد
ملاذ : وجع
ريم : معليه بعديها لعيون هالخبر بس كيف ومتى وايش صار
ملاذ : ابد يطويلة العمر ذاك اليوم قعدت من النوم الا امي تقول خالي وزوجته وزايد جايين تمام تمام قلت لها طيب ماراح انزل قالت ليه قلت مالي خلق اقعد بطرحتي " ماتتغطى تتحجب فقط " اذا راح زايد انزل لكم عاد هنا الصدمه قالت زايد جاي يخطبك وجايه اقول لك بتصير الشوفه الشرعيه اليوم اذا موافقه وانا عاد قلت تمام بعد الشوفه الشرعيه اقول لك موافقه او لا لازم اقعد معه ناخذ ونعطي عشان اقرر وانا كذابه اوافق ماشوف الدرب بعد زايد ناينرد ابددد المهم واقوم لك والبس واتضبط وانزل لهم
ريم : اييي وش صار بعد
ملاذ : ابد والله صدمنييي تخيلي اسلوب وكياته وجمال ورزه زي مايقولون كيوت وعلومه غانمه
ريم ضحكت : ههههههههههههه وش ذا حللتي شخصيته وشكله بنص ساعه قعدتم بها
ملاذ : بس زي ماقلت طايح حظ يوم قرر ياخذني
ريم : اعتراف بالحق فضيله يعني بالله برتبة لواء واخلاق عاليه ومؤدب ومحترم ويتزوج مطفوقه مثلك ماتجي
ملاذ : شفتي العامود الي قدام لو ماسكتي بصدم به ونموت سوا
ريم لفت وانصدمت : لاا الفه يميننن حظي الحين خوذي الدوار عشان ترجعين لها
ملاذ : شف من سوالفك التافهه ي تافهه
ريم بتمثيل للزعل : اناا افا بس اذلفي زعلتينيع
ملاذ ماردت ولما وصلو ونزلو راحت ملاذ لجهة باب ريم وفتحته لها ومدت يدها تساعدها تنزل : تفضلي سيدتي ي زعولة قلبي
ريم ضحكت على هبال صديقتها ونزلت من السياره وقالت : حُبي ان عدتيها مره ثانيه يويلك ترا زعلي شين
نزلو للبوليفارد وخذو قهوه وصارو يتمشون
ملاذ اتصل جوالها : هلا ماما
ام ملاذ : ملاذ يبنتي موافقه على ولد خالك
ملاذ اتسغربت سؤال امها وهي مو بالبيت اتصلت عليها مو بالعاده اذا خطبها احد تسألها كذا دايم تنتضرها تجي وتسألها لاكن قالت : استخرت ومرتاحه
ام ملاذ بفرحه : الله يكتب الي فيه الخير ويوفقك يبنتي
ملاذ : امين
ام ملاذ : طيب يبنتي خالك يبي عقد القران بكرا وش قلتي ؟
ملاذ : كيف مايمدي اجهز
ام ملاذ : يبنتي عقد القران بس مو تلبيسه ولا عرس اشتري فستانك الحين ومكياجك خلي ريم تسويه لك هي ماشاءالله عليها مكياجها يهبل ومابيكون في احد ترا الا خالك وزوجته وبنات عمامك
ملاذ : طيب طيب بروح اجل اشتري فستان
قفلت ولفت على ريم : ريم يختي بسرعه طلعي لي محل فساتينهم حلوات
ريم : ليه
ملاذ : مالي خلق افرفر وفجاه خالي قرر عقد القران بكرا
ريم : اممم طيب في بالمول ** محل اسمه ** فساتينهم مرااا تهبلل بكل مناسبه اشتري منهم انا
ملاذ : تمام يلا
طلعن وركبو السياره وتوجهو للمحل اختارو فستان وتوجهو لبيت ملاذ يجهزون كل شي ويشرفون على ترتيب العاملات وطبعاً ريم كانت معها بكل شي بحكم الصداقه العميقه بينهم وكل وحده شوي وتدخل الثانيه بكرت العايله
،
نترك البنات شويه ونروح لـ سند وسعد وفارس (ثلاثي قلبي)
كان دوامهم من العصر لين المغرب اليوم
سند وهو يدخل مكتب سعد : سعيدان بطلع اجيب لي قهوه من ستاربكس اجيب لك
سعد : شرايك تجيب من دانكن الفرع جنبنا ومنها احلا تغيير
سند : والله صح معك حق
سعد : اجل جب لي هوت شكلت وذ اسبريسو
سند : تمام اجل بشوف فروس
فارس دخل : سمعت اسمي
سند : بطلب من دانكن تبي؟
فارس : اي وعلى ذوقك
طلع سند وتوجه لاقرب فرع دانكن وطلب لهم كلهم نفس الطلب ورجع للمستشفى وبدو يباشرون عملهم ولحسن حظ سند ماكان في عمليات كلهم مراجعين فكان مرتااح
وبعد ماخلص دوامهم رجعو للبيت وطبعاً العشاء كان عند ام سند ببيتهم وسند كان موصي امه ماتلمس شي العامله الي جابها تسوي هي وعاملة هيام وريم وعزمو فارس عندهم لان ماعنده حد ببيته
سعد اتصل على ريم : ريوم
ريم : لبيه
سعد : لبيتي في منى يقلبي متى تجين تاخر الوقت
ريم : سعَّودي بجلس عند صحبتي ملاذ وبتعشى عندها عادي ؟
سعد : ليه
ريم : بكرا عقد قرانها وبساعدها بلاغراض عشان بكرا لو تأخرت عليها ماتحتاس
سعد : تمام بس الساعه 9:30 انا جاي اخذك مو تقولين بقعد شوي
ريم : من عيونيي
قفل وقام يطلع الورقه وقال : نلعب ورقه يعيال
فارس وسند : تم هات
وبدو يلعبون واعتلت اصواتهم حماس
هيام : بسم الله وش الاصوات ذي الي طلعت لهم
ام سند ضحكت : ماشفتي شي هاذا وهم يلعبون ورقه كيف لو تشوفينهم يتابعون مباراه
هيام : يالله ودي اشوفهم تحمست
ام سند : سند يقول في مباراه بكرا وبيتابعونها عندنا انتضري تشوفينهم
هيام : تم
ام سند : وين ريوم تأخرت
هيام : مدري غريبه طولت البيت مو حلو بدونها الكلبه
ام سند طلعت جوالها واتصلت عليها
ريم : لبيه
ام سند : لبيتي في منى يقلبي وينك تأخرتي
ريم : يوووه صح نسيت اقول لكم قلت لـ سعد بس بتعشى عند ملاذ عشان بكرا عقد قرانها
ام سند : ماشاءالله ماشاءالله الله مبروك
ريم : يبارك فيك
ام سند : يلا اجل انا اخليك معها
قفلت ريم وقالت لـ ملاذ : عاد اسمعي حُبي جهزنا كل شي وبكرا بس اجي اسوي شعرك والميكب تمام ؟
ملاذ : وهه قلبيي انا شسوي بدونك
ريم : تضيعين والحين خلينا نطلب من مطعم لاني بمووت جوع خلال الدقايق ذي حرام عليك ضيفه عندك وتجوعيني وتخليني اشتغل
ملاذ : بسم الله محد يطيح بالسانك خلينا ننزل اشوف امي تبي معنا ولا لا
نزلو تحت وقالت ام ملاذ : طلبت لكن الي تحبنه وتو متصل علي صاحب المطعم الاكل برا طلعت العامله تجيبه
ملاذ حضنت امها : يعييينيي الي فاهنا
ولفو على العامله الي جايبه الاكل وبدو ياكلون ويتابعون فلم وراح نص الفلم ضحك
ريم رفعت جوالها شافت سعد مرسل يقول لها تطلع : هاذا سعّودي برا اشوفك بكرا قلبي
ملاذ وهي تسلم عليها : يلا يروحي
سلمت ريم على ام ملاذ : مع السلامه
طلعت وركبت مع سعد : هااااييي
سعد : هايات دوم الوناسه
ريم : طول ما انت اخوي اكيد دايمه مافيها شك
سعد : يبعد اخوك والله ريمي
ريم وهي تشبك بلوتوث عشان تشغل اغاني : وش تبي احط لك
سعد : الي ودك
ريم فكرت وقالت : بحط يندمانه ههههههه
وبدت القطه وصوت ريم مغطي عليها وهي تغني وتضحك
" ي ندمانه على حبي وايامه
قلبك انا قدامه ماحس يوم وراح
يولهانه على حبي وزمانه
كنتي لـ حبي تعبانه "
كانت ترقص بيدينها وتضحك وتغني وسعد يضحك على هبالها وطبعاً كل الوناسه والطاقه بـ ريم مو شي غريب لاكن الي زاده المرا ذي شوفتها لصحبتها بعد انقطاع عن الطلعات مع بعض والقعده سوا شهرين الفتره الي سافرت فيها ملاذ
سعد ضحك : تصدقين لو ادري انك بتنبسطين كذا كان يوووه كل يوم وانا جايبك لـ ملاذ
ريم بطرف عين : شدعووه يعني انا بس مكشره
يتبع...
،،
وش رايكم بالبارت🏃🏻‍♀️؟ عطوني رايكم بشخصية خوله وطارق