علميني ي دنياي وش ذنبي

Part3

بعد يومين بحايل الساعه 6:00 الفجر
ابو عساف كان راجع من المسجد وجالس مع زوجته وعياله يتقهوون على ماتجهز الخادمه الفطور
ابو عساف : من بكم يودي خواته المدرسه؟
عساف : انا ارجعهم مقدر اوديهم
نياف : خلاص انا اوديهم
ابو عساف : مابوه خلاف اي واحد ماتفرق بس المهم لاتأخرون عليهم زي دايم
ميلاف بترجيي : يبه تكفى نخيتك لاتردن
ابو عساف : وش عندتس انتِ كل صبح تنخين اهرجي
ميلاف : ابي نرجع مع باص المدرسه
ابو عساف : معصي
ميلاف : لييه!؟
ابو عساف بحده : مامن روحات مع هالرجال لحالكم معصي
ميلاف بمحاولة اقناع : من قال لحالنا؟ معنّ بنات وش كثر
سُلاف : وغير البنات معنّ مرشدة الباصات وشديده ماتخلي حتى حس البنات تطلع وصاحب الباص حاط زي الستاره بينه وبين البنات عشان ياخذن راحتهن
ابو عساف : وانتِ وياها وش دراتسس؟؟؟
سُلاف : من صديقاتنا
ابو عساف : ومن هن بناته!؟؟
ميلاف : ماتعرف اهلهم
عساف وهو يبي يغير الموضوع لايعصب ابوه ويهاوشهن : ي سيتيي ماخلص الفطور
لينا وهي توها طالعه من غرفتها وخلصت مراجعه : انا اشوف لك تعالي انتي وياها
دخلن المطبخ وهن محنتشات"زعلانات" قالن ل لينا كل الي صار
لينا : تستاهلن لو هاوشكن تدرن ابوي عندوه الباص تموتن ولا تركبنوه ليه العناد؟؟
ميلاف بزعل : ياخي اخر ترم واخر اختبار بالثنوي نبي نتونس مع صديقاتنا ليه ممنوع ترا اصحاب باصات المدرسه كلهم اكبر من ابوي حتى لو جدي عايش كبروه
سُلاف : وكل بنات صفنا بيروحن معوه اليوم علشان نودع بعض
لينا : تونسن معهم بالصف ماهو بلازم بالباص
ميلاف : لو نسولف من اليوم لبكرا ماراح تفهمون
سُلاف : فا نصيحه شوفي الاكل ل اخوتس عشان نطس
لينا بحده : سولفي زين انتي وياها واعرفن تسولفن مع من
سُلاف وميلاف : طيببببب
طلعت لينا تودي الفطور مع سيتي دخل عساف وهو يحاوط اكتافهم : وش عندهن المزايين؟
سُلاف : عندهن يبن ينهجن مع الباص
ميلاف : كل صديقاتنا بينهجن اليوم معوه عشان يودعن بعض ونودع اخر سنه مدرسيه
عساف : طيب والي عندوه الحل البديل؟
ميلاف وسُلاف بأمل : وشووو
عساف : ي طويلات العمر اليوم لاطلعتو من هالمدرسه باشوفن مفاجأة ابرك من الباص وتفرحكم اكثر وبعدين لو بغيتو تعزمن صديقاتتسن وتحتفلن معهن لالبيت كيفتسن
سكتن شوي بتفكير وبعدين قالن بنفس الوقت : وعد تفاجأن؟
عساف ابتسم : وعد
طلعو وافطرو وبعدها توجه كل شخص شغله ونياف اخذ البنات المدرسه ولينا الجامعه وتوجه بعدها للدوام
دخل دوامه واول شخص قابله عساف
نياف ابتسم وهو يحب ذي الحضه اكثر شي وهو يشوف عساف يدق له التحيه مع مجموعه من العسكر الموجودين دخل مكتبه ودخل بعده على طول عساف
نياف بطقطقه : ليه ماطقيت الباب؟ وبعدين اول ماتدخل تدق التحيه ي عسكري ولا توشف مايسرك ها
عساف : شرايك اثور بك بالسلاح الي معي احترم حالك اخوك اكبر منك
نياف : اخوي بالبيت يبعد حيي هنا شغل
عساف تلفت واول شي طلع بوجهه قلم سحبه وهو يقطه على نياف : كل بعر
نياف ضحك : وش تبي الحين؟
عساف : نسيتني وش كنت ابي اقول لك المهم تذكرت توه كلمت فارس وترا عمي وعيالوع بيجون اليوم بس فارس يجي اول يوم رمضان فا جهز نفسك لاستقبالهم
نياف : ليه مايجي معهم ؟
عساف : دوامه
طق الباب ودخل عسكري يخبر نياف ان في شخص بيدخل عليه يشتكي
نياف : طيب خمس دقايق ودخله
طلع العسكري وطلع عساف برضو وكمل نياف شغله
،
الرياض وتحديداً بالمستشفى
سند وسعد كانو قاعدين يشربون قهوه بمكتب سند
طق الباب ودخل فارس
فارس : سند في واحد هنا اشوف له ساعه يحوم يدور مكتبك
سند : من؟
فارس : مادري يقال له عواد
سند وقف : طيب
طلع وشاف عواد واقف بنتضره
سند سلم عليه : هلا عواد غريبه منورنا هنا؟
عواد : مريت وقلت اشوف اذا ماعندكم شغل طفشان قلت نطلع نتغدى "يبي يطلع على حساب سند"
قبل يتكلم سند قطع عليه طلوع سعد من كتبه سلم على عواد ببرود وقال : خلص البريك بروح اكمل شغلي
سند : طيب
راح سعد
سند : والله ي عواد ودي لاكن شوفة عينك
عواد : يلا ماهي مشكله موفق يخوك
طلع عواد من المستشفى وكمل سند شغله ومراجعات للناس
وسعد الي من راح منهم وهو بادي شغله مع الاطفال " دكتور اطفال"
وفارس كمل شغله لاكن خلص بدري وطلع متوجه لمطعم اخذ غدا وراح بيتهم دخل وهو يشوف البيت هدوووء كلعاده نزل الاكل على طاولة الطعام وقال للخادمه تحطه بصحن وتجهز الطاوله
راح غرفته بدل ملابسه وتوجه لغرفة اخته طق الباب ووصله صوتها : مين
فارس : انا ادخل؟
خوله : اي
دخل وهو يشوفها منسدحه : جبت غدا انزلي تغدي معنا
خوله : مابي بنام
زفر بضيق : طيب
راح غرفة اخوه مالقاه نزل وشاف ابوه توه جاي
ابو فارس : من جايب الاكل؟
فارس : انا تعال كل
غسل ورجع جلس وبدو ياكلون وكلهم ساكتين ولا كلمه قالوها خلص ابو فارس وقام وهو ينادي الخادمه يقول لها تطلع الشنط للسياره قام فارس وهو يدخل غرفة ينام وابوه دخل يقيل شوي وبعد ساعتين مشى ابو فارس وخوله وطارق وبقى فارس الي توه صحى
فتح جواله على رساله من سند
سند : فارس اذا قاعد تعال لـ ** انا وسعد تو طلعنا له
فارس : جا بوقتها ابدل واجيكم
قفل جوال بدل ملابسه وصلى العصر وتوجه عندهم
،
عند ام سند وهيام وريم
ريم كانت قاعده وفزت وهي تجلس جنب ام سند بعتدال
ام سند : وش فيك يبنتي خوفتيني بفزتك
هيام : خبله ماعليك منها خاله
ام سند وهي تمسح ع شعر ريم : لا عاد مارضى عليها
ريم ناضرت بـ هيام بطرف عين وصدت تكلم ام سند : خاله بوريك فستان عجبني وماعجب الخبله ذي
ام سند وهي تشوف الفستان بالجوال : حلو بس حسب المناسبه ل ايش تبينه انتي
ريم : ابغاه للعيد قلت المرا ذي بخلص بدري قبل الزحمه
ام سند : حلو اخذيه
ريم وهي تناضر هيام : شفتي ان ماعندك ذوق
هيام : تركت الذوق لك
ريم : ها ها تسمعين ي خاله تسب ذوقك عيني عينك
هيام : لاااا والله كذااابببه سبيت ذوقك انتِ مو خالتي؟؟؟
ريم مدت لها لسانها وصدت تتقهوى
وكملو سوالفهم بكذا
،
سند وهو يشوف فارس جاي من بعيد اشر له : هنا
فارس : السلام عليكم
الكل : وعليكم السلام
سعد : يعيال ماحب الجلسات ذي امشو نغير
سند : وين تبي ي حضرة الاستاذ سعد
فارس : انت كل مكان ماتبيه
سعد وهو يأشر على مكان قعدات مكشوف على اطلاله حلوه : امشو هنا احسن اطلاله ولا اروع ولا مكانكم ذا كان قاعدين بالبيت ابرك
سند بستهزاء مازح : تفضل قدامي اجل ي استاذ
سعد بطقطقه : لا حلفت عليك تمشي قبلي
فارس : احلفو على بعض وانا سابقكم
سعد وسند ضحكو وبدو يتساارعون بخطواتهم عشان يسبقون فارس الي يطقطق عليهم بعد ماجلسو
سند وهو يطلب : وش تبون تطلبون؟
سعد : مثلكم مالي حيل افكر الصراحه وش اطلب
فارس : والله انا بدوي ابي شي يروق بي اطلب قهوه سعويه ي باشا
سند بضحك : وشرايك اطلب لك تمر بعد تقدع !؟
فارس : تسوي خير
ضحك سند وهو يطلب قهوه دله وحلا
بعد ماوصل الطلب سعد صب لهم قهوه وهو يقول : تدرون عاد وش ودي
سند وفارس مع بعض وبضحك : ترجع ايام المدرسه
سعد ضحك : وش عرفكم
فارس : يبعد حيي انت كلما زانت الجلسه قلتها
سعد ضحك بفشله : اح هههههههههههه
سند : عاد تتذكر سعد لما كنا بالمتوسط وانحشنا ويطلع بوجهنا الاستاذ ذاك ابو عصا اطول منه وياخذنا وقتها ضررب
سعد ضحك : ههههههههههههههههههههه وسوينا فيها وقتها إنا نبي ناخذ دفترنا من الساحه وقلبنا السالفه عليه واخذ تهزيء من المدير
فارس : انتم حياتكم وقتها كلها مصايب
سند : ايي افا عليك المتوسط افضل مرحله مرينا بها والثنوي لا كانت عباره عن دراسه ب دراسه
فارس : عاد جنيتو ثمارها هاذا انتم دكاتره
سعد : اي بس اعرف لك واحد من دخل الثانوي وهو نفسيه هادي وميسوي مصايب الا بالدس يتلثم عشان محد يعرفه
فارس ضحك : اي سند عاد من عرفتكم والكل يمدحه رجال وثقيل ورزين والى ماله نهايه بس يوم صادقتكم واسمع مصايبه انصدم
سند : لا شف ايام المتوسط كانت هستره اما الثنوي كنت ابي بس الدرجات العاليه عشان ادخل الطب وغير كذا كان ابوي كل يوم يهاوشني على الهستره بالمتوسط ومن توفى عاد قلت ابي اصير زي ماكان يبي الله يرحمه
سند وفارس : الله يرحمه
فارس بمحاولة تغيير الموضوع : تعال من الي اليوم كان واقف عند مكتبك!؟
سند : واحد من اخوياي اسمه عواد
فارس : اها احس شكله مار علي بس مادري وين
سعد : بالله عليك فارس ارتحت له او لا !؟
فارس : ماعرفه وانا ماحكم على احد من شكله
سند : ماعليك رجال زين بس سعد مايشتهيه
فارس : لحضه لحضه مو ذا هو ؟
سند وسعد بفو يناضرون
سند : لا بس سبحان الله ي الشبه نسخخخه
سعد : ايي والله بس ذا به قبول اكثر
سند ضحك : اهم شي عواد مابه قبول يعني؟
سعد : اي هههههههههههه
،
نرجع بالزمن الساعه 12 الظهر
عساف بسيارته ولينا ونياف معه متوجهين لـ مدرسة ميلاف وسُلاف وصلو على طلعة بنات المدرسه وكانو مشغلين اغنيه " مبروك يالي حبها بالحنايا "
وقفو السياره قريب من الباب واول ماطلعن ميلاف وسُلاف ثبتن بصدمه وفرح وهن يشوفن اخوانهن واختهن عند السياره والي معه ورد والي كاب التخرج كانت الفرحه مو سايعتهن
توجهن لهم وهن يحضنونهم بدو بعساف وانتهو بـ لينا
اما سُلاف اول ماحضنت عساف بكت وهي عارفه ومتأكده ان الخطه هو الي مسويها
عساف شد عليها : افا والله مسوين كذا عشان تستانسن واخرتها تبتسين؟
سُلاف بين دموعها : دموع فرح
ميلاف وهي حاضنه نياف : مادري شحتسي بوه ووش اقول الصدز مشاعري غالبتني
نياف بمحاوله لاغيير الجو : اشهد ياتاريخ اطول لسان بعايلتنا سوا بالكاعه او الشقاوه اليوم مايدري وش يحتسي بوه
ميلاف دفته وهي تضحك بفرح
لينا : عاد انا خلصت تصوير دوري تعالن سلمن
توجهن لختهن الكبيره وسلمن عليها وبعد كذا ركبو السياره والاغاني لاتزال والفرحه بقلب سُلاف وميلاف ماتنوصف ولا يوصفها شي
وصلو البيت ولما دخلو كان بستقبالهن امهن الي تبارك لهن وتزغرط بفرح
ام عساف : اللف مبروك التخرج يبعد حيي وميتي انتن
ميلاف وهي تبوس راس امها : يبارك فيتس يملي انتِ
سُلاف : الله يبارك فيتس يبعد الدنيا ي يمه
عساف : عاد انا عند وعدي بعد بتسرا "بعد بكرا" اذا تبون اعزمن كل الي تبن وكل التكاليف علي
ميلاف ركضت تحضنه : اخخخخ يلمووووننيي بك !؟
عساف ضحك : يبعدي والله
سُلاف : عاد الحين بجيب السماعه وبردح لكم من هنا لسنه قدام
نياف : لاتستانسين وراتس جامعه وكرف اكثر
سُلاف ضحكت وميلاف قالت : حبيبي انا هنا واعلن اعتزالي بسس حدي ثانوي
نياف : تعقبين تكملين ومن ورا خشمتس بعد
سُلاف : انا الي ادرس ولا انت؟
نياف : انتي وطرق عن خشمتس
سُلاف : لا اله الا الله
ميلاف الي نزلت عباتها ركض ولبست عباية التخرج وجابت السماعه : لو انتضرتس انتي وياه ماجت السماعه روحي البسي عباة التخرج وتعالي
شغلة شيلات وترقص وماهي الا ثواني وانضمت لها سُلاف
اما لينا وام عساف وعساف ونياف يصفقون ويضحكون اذا طلعة ميلاف برقصه غريبه ووقف ضحكهم دخول ابو عساف وتوقعو انه بيهاوش على الشيلات الي صوتها عالي لاكن صدمهم كلهم اول مادخل مع سُلاف وميلاف ويرقص بعقاله قطع ذهولهم ميلاف الي ركضت تمسك يد ابوها وترقص معوه وتشجيع نياف مالي الجو
نياف : ايواااااااا عاااش ابو عساف عاشش
سُلاف سحبت امها وخلتها ترقص معها وام عساف باقي تكه ويغمى عليها من الخجل وجاز الوضع لـ نياف يطقطق
نياف : عااشت نورة حسينن العبب يالرومانسيه ، يبه يبه ارقص معها
ام عساف الي خلااااص وجهها صار احمر وقفت وجلست وهي ودها تصفق نياف
اما ابو عساف كان يضحك وكلهم متأكدين ان ميلاف بالذات تقدر تغير ابوهم ميه وثمين درجه وسُلاف تغير امهم فا كل القواعد الي تنطبق على الباقي مكسوره عندهن
بعد نص ساعه من الضحك والمزح قال ابو عساف : عمكم جاي ثمان ونص تقريباً ابي يجي يلقى العشاء جاهز وكل شي على اكمل وجه
الكل : ابشر
ابو عساف : عساف انت تنهج تجيب ذبيحه ونياف تنهج يم المزرعه وشوف هالعامل وتشرف على ترتيبه لها وتجي باتسر بنروح نفطر بها وماميدي تسبقنا لها بعيده مير احرص على النضافه بها اهم شي
نايف وعساف : سم ، تامر
ويكذا تفرق كل شخص يخلص الي عليه
وعلى صلاة العشاء وصل ابو فارس وطارق وخوله
ابو عساف بفرحه وهو يرحب ب اخوه الكبير : يمرحبا ويمسهلا ي هلا والله ومرحبا نورت الشمال ونورت حايل بكبرها بجيت الغوالي
ابو فارس وهو يسلم على اخوه : منوره باهلها اخبارك
ابو عساف : الحمدلله بخير
عساف ونياف بعد ماسلمو على طارق بدون نفس ، توجهو لعمهم وهم يسلمون عليه ويرحبون به اما خوله توجهت داخل
ابو عساف : حياكم ادخلو
دخلو وبدا نياف يقهوي اما طارق اكلهم بعيونه ونضراته
نياف جلس جنب عساف : ذا والله ان ودي افجر بمخوه بالسلاح
عساف : اهجد اقول
نياف مارد وقال بصوت عالي : امر طارق تبي شي؟؟؟
طارق خزه : لا ايه!؟
نياف : ابد بس اشوفك تخز من اليوم عسى ماشر !؟
طارق بضحكه استهزاء : من زود الحب يولد عمي
نياف كان بيتكلم بس سكته ابوه يوم قال : نياف روح بحر "شف" با العشاء وش صار عليه
نياف قام ودخل وهو يتحلطم : اخخخ ياربييي الهمنييي الصبرر امتحان ذا ان مانفضت الرشاش براسوه اخخخخخ بس ،
قبل يدخل تنحنح : يااااوللد
لينا : ادخل
دخل : ها وش صار على العشاء
لينا وهي تزين الصحن : خلاص خذوه ودوه
اخذ الصحن نياف ولف على ميلاف : وش عندتس انتي بعد
ميلاف : اخخخ يحررر تسبدييي يخوي ودي اذبحّ هالسحليهه التريله وش تسبراها"كبرها"
نياف : اسمعي وانا اخوتس اذبحيا وحيلتس بها واذا مابردت حرتتس تعالي كملي ب اخوها افا عليتس بس
ميلاف : تم غالييي والطلب رخيص
لينا ضحكت : لقت الي يعزز له
ام عساف : مايصير يمه كذا عيب ذي بنت عمتس وش هالكلام وبعدين ماسوت شي
ميلاف شهقت : ماسووووت شيي حرام عليتسسس يمه كل ذا اذا كذا ماسوت شي اذا سوت وش بتسوي بنا الهوايل
سُلاف : معليتس يختي حيلتس بها
عساف : نيااااااااااافففففف وجعتن من ربي يلاا ابوي عصب
نايف شال الصحن وركض بوه برا واخذ هواش من ابوه وضل يتحلطم كا عادته : اه بس انا بدخل الجنه من ورا صبريييي يارببب الهممني الصبر على كثر ماينزرب"مانهاوش" بالعايله ذي
قامو الرجال يتعشون
اما عند الحريم
لينا قاعده وكانت تتفرج بالجوال وتوري سُلاف الي تشوفه من سنابات صحبتها الي باقي على زواجها يومين
وميلاف كانت متوتره وهي تشوف فيد بجوالها وتحس قلبها يرقع من الخوف
اما خوله فا كانت تخز البنات وقالت بغيض : الا لينا كم باقي على زواجك؟
لينا وهي عارفه ان خوله بتقط كلام : عرس اخوتس اضن انتس عارفه!؟
خوله بكذب وهي ماتبي هيام تصير زوجة اخوها : اييي عارفه اكيد بس ودي اقول يعني كا نصيحه دامك على البر استخيري هو اخوي صح بس النصيحه واجبه وانا اختك وانتم بتبنون عايله يعني لازم انصحك استخيري زين بعد ترا اخوي مايصلح لك
لينا : يعيني نصيحتك ويعطيتس العافيه عليه لاكن ماضن اني طلبت رايتس وان كان بوه شين بيخليني اندم منوه بهالمستقبل صدقيني مابجي بيوم اشكي لتس بشين مير وفري القرقه المالها سنع
خوله : اي حياتي عاد قلت انصحك وسويت الي علي اوه صح تذكرت ترا اخوي يراجع عند دكتور نفسي والحين حبيبي سُلاف وين دورة المياه بضبط الميكب شوي
سُلاف بغثاء : يمينس
راحت خوله وقالت سُلاف وهي منغثاء وتقلد خوله : بتبت الميتب سوي مالت بس لو تكب من هالمكياج قومه وقعده مامن فايده الشين شين لو وش ماسوى وهالتريله شينه لو وش ماتسوي يععععع
لينا : تكفين انا مدري وشلون بصبر عليه ذي المايعه يع فاهمه الدلع غلطط
سُلاف : عفيه خيتي لاتسكتين لها انتبهييي
لينا ضحكت : صح اني ماحب المشاكل لاكن لاتنسين اني ماسكت عن حقي لو وش ماصار ، ولفت على ميلاف : حبيبتي ميلاف فيتس شي؟
ميلاف ماردت
لينا هزت كتفها بشويش : ميمي وش توحتس!؟
ميلاف انتبهت : ها ولا شي
لينا : علي انا!؟
سُلاف : على نفس الموضوع الي قبل فتره
ميلاف : اي خايفه ابوي يرفض بنات ومايتفهم
لينا : بس انتي تعرفين تقنعينه
ميلاف : صح بس بهالموضع ذا بذات ماعرف اقنعوه وانتم عارفين رايه بالموضوع
لينا وسُلاف سكتو اول مادخلت خوله
ميلاف : امي وين
لينا : ابوي طالب شاي مخصوص من يدها وقامت تسويه
سُلاف ضحكت : ياعيني ياعيني ع الرومنسيه ، وقامت بتروح لـ امها
سُلاف : لا لا لا وش ذا مايرضى يشرب الشاي الا من يد حبيبتوه
ام عساف دفتها بخفه : وجع سُلافوه اذلفي عيب وش هالكلام
سُلاف : شدعووووه يالغلا انتِ امزح معتس يبعد حيي
ام عساف وهي تقلد نياف : ايي ادببب
سُلاف : تو ادري ان الحتسي وراثه ؟
ام عساف ابتسمت : من عاشر قوماً اربعين يوماً
سُلاف ضحكت على دخلو نياف الي نزل صحن العشاء : وش السالفه
سُلاف : نحش بك
نياف : اححح افاااااا ي ام عساف انا وليدتس تحشين بي ماهقيتها والله
ام عساف : تمزح عليك والحين خذ الشاي
نايف : ابشري
اخذ الشاي وبدا يصب لهم عند الرجال وبعد ماخلصو قام الكل ينام ماعدا عساف ونياف الي حطو حجة يهضمون الاكل ويقومون ينامون
نياف : اههه تفككككت مقدمين علي اليوم وربي
عساف : اصغر القوم ايش ي بيبي
نياف بعبط : اقول ي عسكري تحيه
عساف وهو يأشر على العقال : جربت ذا بحياتك
نياف : اووووه شبعت منهّ
عساف : اجل طس لكرهك اياه بدال ماتشبع منوه
نياف : اقول شرايك نروح للبنات نجلس معهم
عساف : بنت عمك المصون هناك
نياف : ترسل لهم
عساف دخل قروبهم هو وخواته ونياف بدون امه وابوه : بنات
لينا : لبيه
سُلاف : هلا
ميلاف : عيونهم
عساف : تسلمن ، تعالن نبي نجلس مع بعض شوي لين ننام
ردو البنات بالموافقه وراحو لهم
يتبع........
،
وش رايكم بالبارت 🏃🏻‍♀️
تتفقون مع كلام خوله او لا؟