The Devil's Trap

Chapter 2: No Escape

Chapter 2: No Escape

Dumaan muna ako sa isang fast food chain bago umuwi ng apartment. Kasama kong nakatira doon si Elyse since sophomore pa kami. Pareho kaming nag aaral ng Fine Arts sa Saint Mathew's University. Sa totoo lang kung hindi dahil sa kanya baka sa maintenance quarter ako ng University nakatira.

Pinagmasdan ko ang pagkain na tinake out ko. Siguro sa sobrang gutom kaya ako nahilo kanina sa Library. Bahagya akong pumikit para alisin ang lumulutang na pakiramdam sa isipan ko. Mas nagmadali ako sa paglalakad sa kalye ng village namin.

Nang makapasok ako sa apartment, nabatid ko agad na walang pinagbago ito mula noong iwan ko halos dalawang araw na ang nakararaan. Nandoon parin ang pitsel ng juice sa mesa sa kusina at ang hindi pa nabubuksang instant noodles na kakainin ko sana noong gabing yon.

Umupo ako sa maliit na sofa sa sala at nilapag ang pagkain na dala ko sa mesa. Hindi ko gustong isipin na sa mga oras na ito, ang maingay pero malambing kong best friend ay nasa Hospital.

Pilit akong kumain kahit pa wala akong gana. Bukas kailangan kong pumasok. Siguradong alam na ng mga block mates namin ang nangyari kay Elyse. Bago kasi namatay ang phone ko kahapon wala silang tigil sa pagtawag at text. Hindi ko sila sinasagot. Hindi naman talaga ako malapit sa kanila. Si Elyse lang. Dahil natural na friendly siya.

Hindi ko nga alam kung bakit naging kaibigan ko siya. Magkaibang magkaiba kami ng ugali at gusto. She's this sweet girl na laging nakadress, mahilig sa love songs at romantic movies, mabait at friendly sa lahat, palaging nakangiti. Samantalang ako, mabilis mapikon, nananakit lalo na kapag naa-argabyado, walang emosyon kung makatingin.

Isa pang kaibahan namin, napakayaman niya. Samantalang ako, kaya lang nakapasok sa mamahaling school na yon ay dahil sa scholarship, at kailangan kong magtrabaho bilang student assistance o kaya clerk sa school kapag walang klase para may allowance ako.

Nang matapos akong kumain, chinarge ko ang phone ko at agad na binuksan ang internet nito. Nag search agad ako. Vampires in Coventry City. Kung ano anong links ang lumabas. Merong address ng isang book shop, isang picture ng napakalaking mansion, social media links ng mga taong dito nakatira. Mga post na nabangit ang salitang yon, karamihan based sa librong binabasa, at kung ano ano pa. I rolled my eyes. Hindi ito.

Muli akong pumikit at naalala ko ang mukha niya. His penetrating bloody stare, his intoxicating smile, how he lick his lips while staring into mine. Binuksan ko ang mga mata ko. Damn, Denise. Eight months. Walong buwan na ang lumipas. Ngayon mo pa ba babalikan ang pangyayaring yon?

Huminga ako ng malalim. Fine. There's no harm on checking what he's up to. Pumunta ako sa Facebook at tiningnan ang profile niya. Landon Clifford Monaghan. Lumabas agad ang mukha niya. That familiar smirk of his. Dark, menacing, handsomely evil. Halos walang nakapost sa timeline niya kundi mga status ng mga babaeng nakatag sa kanya.

Thank you for the great night. You're an awesome beast. Rawr.

Halos masuka ako sa latest post na nakatag sa kanya. Filthy man whore. Madaming likes at comment ang huling status niya. Bahagyang kumunot ang noo ko noong nabasa ko ito.

I wanted to taste you so badly.

Madami ang kinilig dahil doon. May nag-volunteer pa na siya nalang ang tikman. Geez, people. Muli akong nag scroll para lampasan ang mga babaeng halos magpakita ng kaluluwa para lang ma-tag siya. Pero masyado itong madami. Nainis na binalik ko nalang ang screen sa pinaka latest sa timeline niya. Kahit isang clue lang. Kailangan kong patunayan na— Napa-paused ang daliri ko sa pag scroll nang makita na may bago siyang status.