ချစ်လိပ်ပြာလေး တဝဲလည်လည်

U/Z အခန်း၈ အခန္း၈

"ဒါဆို သူကUDCရဲ့ CEOဆိုတာ ဒီ Universal Development Company ကိုပြောတာပေါ့.."

အဆောက်အဦးကြီးက ဆယ့်နှစ်ထပ်ဖြစ်ပြီး တကယ့်ကိုခောတ်မှီခမ်းနားလွန်းပါသည်။UDCဆိုတာ brand ပေါင်းများစွာ၊လူသုံးကုန်ပစ္စည်းများစွာရဲ့ မိခင်ကြီးလို့ပြောရမလိုပင်။

လုံး၀နာမည်မရသေးတဲ့စွန့်ဦးတီထွင်သူတွေရဲ့ ထုတ်ကုန်တွေကိုအရင်းအနှီးမတည်ပေးပြီးUniversဆိုတဲ့ သူ့ရဲ့အမှတ်တဆိပ်နဲ့ပေါင်းလိုက်ပြီး ဈေးကွက်ထဲဖြန့်လိုက်တာနဲ့ အမျက်အစွန်းတွေ၊အောင်မြင်မှုတွေအများကြီး ရနေတဲ့ကုမ္ပဏီဖြစ်သည်။

ဒီမှာအလုပ်လုပ်ကြတဲ့လူတွေဟာ စီမံခန့်ခွဲမှုနှင့် ဈေးကွက်စီးပွားရေးအကြောင်း ဖွတ်ညက်‌ကြေနေတဲ့ တကယ့်ဆရာကြီးတွေ စုဝေးနေရာဌာနကြီးပေါ့။

စည်းစနစ်အရမ်းကြီးပြီး ဖိအားများသလောက် တော်ရုံပညာအရည်အချင်းနှင့်လည်း အနားကပ်နိုင်မဲ့ နေရာမဟုတ်ဘူးဆိုတာ လိပ်ပြာကိုယ်တွေ့ပါ။
UDCမှာ အလုပ်တစ်ခါလာလျှောက်လိုက်တာ သိမ်ငယ်စိတ်တောင် ၀င်သွားရသည်အထိဖြစ်ခဲ့မိသည်။
လာလျှောက်တဲ့လူတွေက ကိုယ့်ထက်အရည်အချင်းပြည့်မှီနေတဲ့ လူတွေချည်းဖြစ်နေခဲ့သည်လေ။

"ဟို..အ‌တွင်းရေးမှူးအိမ့်သက်ဆီသွားချင်လို့ပါ CEOဘုန်းမြတ်က လွှတ်လိုက်တာပါ.."

ကုမ္ပဏီ ဂိတ်ဆောင့်တွေကို အမျိုးမျိုးရှင်းပြရတာနှင့်မပြီးသေးပဲ ဧည့်ကြိုကောင်တာမှာထိုင်တဲ့ ၀န်ထမ်းကပါ လိပ်ပြာကို နဖူးကနေ ခြေမအထိအခေါက်တစ်ရာလောက် လှိမ့်ကြည့်နေပြန်သည်။

"ဒီမှာ!!!"

"အမယ်လေး..ဖြည်းဖြည်းအော်ပါ.."

"မဟုတ်ပါဘူး ဒီမှာအလုပ်ကိစ္စကအရေးကြီးနေရတဲ့ကြားထဲ အချိန်မှီပြန်မရောက်ရင် သူဌေးကကောလိမ့်မယ်ရှင့်..မအိမ့်သက်ကိုသာအမြန် ခေါ်ပေးပါရှင်..."

လိပ်ပြာခပ်မာမာပြောလိုက်တော့ ထိုမိန်းကလေးက ရယ်ကျဲကျဲလာလုပ်ပြလေသည်။
သူ့ပုံစံကိုကြည့်ရတာ အခုထိလိပ်ပြာကိုယုံသေးပုံမပေါ်ပေ။
သို့ပေမဲ့ သူမ ဖုန်းဆက်အကြောင်းကြားပေးတာကြောင့် ခဏအကြာမှာအတွင်းရေးမှူးအိမ့်သက်ရောက်လာလေသည်။