ထိုအချိန်မှာပဲ တိုက်ခန်းတံခါးခေါက်သံကြားလိုက်ရသဖြင့် စိုင်းတံခါးဖွင့်ရန်သွားလိုက်သည်။
"ဘယ်သူ.."
စိုင်း စကားပင်မဆုံးသေး တံခါးဖွင့်လိုက်သည့်အခါ ပေါ်ထွက်လာသောချောမောလှသည့် မျက်နှာလေးကြောင့် စိုင်းအံ့သြသင့်သွားသည်။
"ဟီး လေးလေးငယ်"
သက်ပိုင် သူ့အားကြောင်တောင်တောင်ကြည့်နေသော လေးလေးငယ်အားသွားဖြီးပြလိုက်သည်။
"မင်းက ဒီကိုဘာလာလုပ်တာတုန်း"
"နောက်နေ့ကစပြီး ကျွန်တော်က လေးငယ်တို့ရဲ့တိုက်ခန်းဘေးမှာနေမှာလေ။
လေးလေးငယ်မသိဘူးလား""ဘေးခန်းကို ပြောင်းလာတယ်ဆိုတဲ့သူက မင်းပေါ့"
"ဟုတ်ပါတယ်ဗျ"
ထိုအချိန်မှာပဲ မီးဖိုချောင်ထဲမှ မိန်းကလေးတစ်ယောက်ထွက်လာသည်ကို ပွင့်ဟနေသောတံခါးမှတဆင့်
သက်ပိုင်မြင်လိုက်ရသည်။လေးလေးငယ်အိမ်မှာ မိန်းကလေးတစ်ယောက်ရောက်နေတယ်ဆိုတဲ့အတွေးက သက်ပိုင်နှလုံးသားကို အမြင့်ပေတစ်သောင်းမှ အောက်သို့ပစ်ချလိုက်သကဲ့သို့။
ထိုမိန်းကလေးက မီးဖိုချောင်ကနေ သူတို့ကိုလှမ်းကြည့်ရင်း
"ဘယ်သူလဲ အန်ကယ်"
ထို့နောက် သူမက သက်ပိုင်တို့အနားသို့ဖြည်းဖြည်းချင်းလျှောက်လာရင်း
သက်ပိုင်ကို တချက်အပေါ်အောက် စုန်ဆန်ကြည့်သည်။သူ(မ)က လှတာကတော့အတော့်ပင်လှပါသည်။ဒီလိုလှပသော မိန်းကလေးငယ်က ဘာကြောင့်လေးလေးငယ်နဲ့အတူရှိနေရပါသလဲ။
လေးလေးငယ်နဲ့ကောဘယ်လိုပတ်သတ်တာလဲ။
ဒီ15နှစ်တာ အတွင်းမှာ လေးလေးငယ်မှာ သက်ဆိုင်သူရှိနှင့်နေပြီလား။ဒါပေမဲ့ အရင်တစ်ခေါက် တွေ့တုန်းက လေးလေးငယ်မှသူ့ကို ဘာမှမပြောခဲ့တာ။
သူကိုယ်တိုင်မမေးခဲ့မိတာလည်းပါမှာပေါ့။သက်ပိုင် ထိုကိစ္စကိုလုံးလုံးမေ့သွားခဲ့သည်ပင်။
တကယ်လို့ လေးလေးငယ်သာ...။"Paiလား"
ခပ်တိုးတိုး စကားသံကြောင့် သက်ပိုင်၏အတွေးစများ ပြတ်လပ်သွားသည်နှင့် သတိပြန်ဝင်လာကာ ခေါင်းအားညိမ့်လိုက်သည်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
Part-5
Start from the beginning