السلام عليكم . اسولف وياكم لا أكثر
اليوم احد المكاتب للطباعة والنشر راسلوني وعرض عليه طباعة قصة( من يشتري شرفي ) بكتاب
وطلبوا مني اضافه بعض البارتات واحداث للقصة حتى تزيد مشاهداتها او بيعها حسب الاحداث اللي يريدها القارئ لازم احداث بيها جريئة بعض الشي وقبل كُلشي لازم احذفها من الواتباد نهائيآ .
وهاي فرصـة اليه طبعا يمكن هواي يحبون ينشرون قصصهم . فرصة هما يروجون للقصة ولحسابي
وهم مكسب مالي بسيط .
وهم اني اطور نفسي بالكتابه .
مع كُل هل المغريات جوابي الهم
اسفه اني ماكدر وغير مخوله بنقل القصة بكتاب ..
ولعدة اسباب منها احجيها الجن
هيا قصة عادية لبنية شافت انواع القهر واتوفت ونقلت صورة بسيطه لمعاناتها ونشرتها للعامه لقراءتها والاستمتاع بقراءتها لا اكثر .
اني مادور اضواء وشهره ولا اطلب دعم من اي احد اليحب اسلوبي بالكتابه ينورني بكلماته او قراءة بصمت .
الكتابه اول وتالي هو متنفسي الوحيد ومساحتي الحرة والخاصه بنقل اي قصة تحكى اليه وانقلها بذمة وضمير.
اني هاي مساحتي خاصة وسرية يعني لا گايله لزوج ولا لااب ويمكن يبقى شي خاص بيه الا اخر نفس بيه لان اني اعرفهم ميقبلون ليش اخسر الشي الوحيد اللي استمتع بيه وليش ادخل وياهم بنقاش عقيم . المكسب المالي اني ممحتاجة الحمد لله والشكر من فضل ربي اني موظفه راتبي اليه زوجي حالة متمكنه وموظف وممحتاجه والف الحمد لله والشكر الف مرة على فضله وهم .وليش اخسر ثقة صديقاتي اللي حكولي الحكايه من اولها .
اني اكتفي بالقارئات
احب نقدهن واستفاد منه
احب حبهن وودهن اليه
احب نتناقش بالبطل او البطلة .
واقراء كل تعليق واحس بكل حرف .
وهذا كُله مراح الگيه بكتاب يمكن يقراء مرة وينشمر بالزبل ثاني سنه هاي حقيقة لايمكن نكرانها بهذا الزمن نلكه كتب دينية او علمية مشمورة ومتخلصين منها مرات بالزبل تكرمون او اطراف الحياطين ومرات حتى نلگه بعض من سور (القران .). ويمكن الاغلبية يأيدني بهل الشي .
الواتباد وبس اكتب اقرن وغلسن 😁
تحياتي
ام العز بنت عم اجاثا كريستي
سهير رائد ..
