مَـن يـشتري شرفي 11
أين يذهب الحُب عندما لايبوح به صاحبه ؟.
- يتخبئ بين سطور الأغاني ..
سهير رائد ..
احنة تؤؤام مو بس نتشابه بالشكل لا روحنه وحدة بكلشي غادة متنام اذا متسولفلي كل شي واني ماانام الا اعرف يوميات غادة . احسها من تحجي وياي احس نفسي اني هااي بمكانه .. جنت اشوف حبها ليونس بس متكول مشاعرهل بذكر أسمه وبيوم اللي رحت للمستشفى الها طلعت من الشغل سألت عن طريق المستشفى ورحت الها شفت يونس واكف برة بالردهة وعبالك ميت عندة واحد من الله من كد ماضايج ومقهور.
يونس غادة شبيها ؟
يونس . هلو ميادة شجابج ؟
ميادة . ماكدرت ابقى وروحي ماادري بيها شبيها
يونس مابيها شي سوت عملية وطلعت سلامات . وحاليا يمها ممرضه وحوراء راحت للبيت تجيب حاجات الها لان حتبات هنا..
ميادة . يعني اكدر ادخل عليها ..
يونس . انتظري هسة تطلع وادخلي ..
ميادة. وانت ليش واكف هنا ؟
يونس . لعد وين اروح جنت برا من راحت حوراء دخلت كلت خاف تحتاج شي واستحي ادخل صحت ممرضه تشوفها .
ميادة . مانعرف شلون نجازيك يا يونس الاهل مو مثلك حتى الاخ مو مثلك ربي يديم وجودك بحياتنا بالحلوة والمرة .
يونس . ماسويت شي انتن بحساب خواتي اني هم عندي خوات هواي بس متزوجات ولگن من يتحمل مسؤوليتهن .
طلع الممرضه دخلت اني بسررعه ابجي
غاااادة شبيج جانت متمددة لابسه مال عمليات ومخليه كانولة ومغذي ومغطايه ببطانية .
غادة . اش على كيفج احنه بمستشفى ..
ميادة دنكت حضنتها من راسها ابوس بيها عليج الله زينه ليش مكتيلي انتي مسوية عملية.
غادة . ليش طالعة من شغلج بعدلج ساعتين واختج الجبيرة راحت من شوكت ومااجت .
ميادة. غادة انتي مسوية عملية ستوج وتحاسبين بينه ..
خابري حوراء شوفيها وين بالي يمها كلش .
ميادة . يونس كال هسة تجي !
غادة . يونس بعده هنا ؟
ايي خطيه برا وتعبان .
والله عيب وخطيه روحي اتشكري منه وگليله غادة تكول خل يروح يرتااااح ..
ميادة . اي خطيه طلعت اله يونس غادة تكول خلي يرووح يرتاااح وتتشكر منك على وكفتك اللي متنسي .
يونس . خليني اسلم عليها ..
اي ادخل .
غادة . ميادة السفيها دخلت عليه يونس واني بلا حجاب متت بدمي والله اتمنيت اجرها من اذنها واركعها راجدي على غبائها .
يونس . هلو غاده شلونج
غادة . زينه الحمد لله .
يونس . حمد لله على سلامتج خطاج السوء متشوفين شر .
الله يسلمك يونس لو ماانت اني مسويت العملية ماعرف شلون اجازيك ودينك بركبتي .
