من يشتري شرفي29
" هل انتصرت؟
تقريبًا..
كيف ذلك؟
بتّ أتألم.. دون أن ألفت انتباه أحد".
سهير رائد
ميادة ..
ليلة زواجها بجيت من طلعت سيارة الزفه لحد مارحت الها ثاني يوم .
بس احسها مرتاحه وطبيعية وتضحك ..
اطمأنيت وفرحنه من شفناها مرتاحه .
المغرب جنت احضر بالعشاء احس گلبي انقبض اختنكت . استغفرت ربي رحت صليت .
شافتني ام خالد اللي يمنه سادة وحشتنا عن غادة ..
كالت شبيج ؟
والله ياخاله ماعرف كلبي مقبوض .
المريه بقت تدعيلي وتقرالي .
كمت كملت عشاهم ماكدرت اكل كتلهم راح اصعد فوك .
دكيت على غادة مغلق .
عيب يجوز يم زوجها .
خابرت اياد كوة يحجي تعارك وياي لان كتله شبيك
كام يصيح شبيه بالخير شبيه بطران ومرتاح ؟
على كيفك واسفه لان خابرتك سديت التلفون .. ويااه ..
كلبي مثل النار ماكدرت انام الليل مثل السمجة المطلعيها من المي ..
صبح الصبح عليه .
كلت لحوراء اريد اروح لغادة .
حوراء . عيب شنو تخبلتي البارحة عرست يومية نروح شيكولون علينه العالم ؟
ايي خل يكولون اللي يكولونه اريد اشوف غادة.
حوراء . كااافي استهتار واكعدي عوفيها تعيش حياتها بعيد عنه وعن همنه ..
ميادة .
اتصلت ساعة 11جاوبتني غادة بس حسيتها بيها شي . بيج شي شبيه صوتج ؟
غادة . نايمه جنت تعبانه.
ميادة . عليج الله يعني انتي زينه .
يي زينه بس تعبانه شوية راسي يوجعني بعدين نحجي .
ميادة. اجيج .
لا شعندج جايه ..
ميادة . غادة اني تعبانه من البارحة احسج ممرتاحه .
غادة . اذا ممرتاحه اكولج مراح اضم عليج شي بس اني البارحة بقينا للصبح اني وعادل وممتعودة على السهر .
ميادة . اوك الله يسعدج اخذي راحتج .
غادة . الله وياج حبيبتي .
ميادة . ادري بيها تمثل عليه يمكن بيها شي اني متأكدة يجوز يمهه عادل ومتكدر تحجي ..
رحت لحوراء .
اكلج اني ابد ممرتاحه غادة بيها شي .
حوراء . ميادة . كاافي لخاطر الله والله العظيم راح تخبليني بتوترج هذا شبييييج زمخت بيه .
عفتها وصعدت بالغرفه ..
اكلب بالموبايل رسالة واتساب يونس .
اهووووو هسة وقتك انت .
يونس . ها ميادة فكرتي تساعديني
كتبت من سابع المستحيلات اساعدك او افكر بمساعدتك . لاتسببلي احراج وتراسلني .
شاف ومجاوبني .
بقيت افتر بالفيس وبالواتساب .
رجعت هيج اجرب اتصل على رقم اياد .
دك؟!!!!
يعني اياد بالعراق وميكول بسيطة .
كطعت الاتصال
قلق بقلق توتر يومي هيج قلق °°°
للعصر بدلت وكملت ..
شفت خالد يريد يطلع . خالد اخذني وياك .
حوراء وين ولج .
اخذني اروح لغادة ..
°°°°°°
غادة .تزوجني عادل الفجر وكان يحاول يبررلي السواه بصيغة الحب جنت بغير عالم عالم الحزن والكأبة وروحي اللي ماتت وصعدت للسماء ترفرف تشكي لله بما يجري لها .
