مَن يَشتري شرفي 9
مَدري نضحك ..
مَدري نبچي ..
مَدري نرثي گلوبنا الما ترضى تحچي .
سهير رائد ....
ميادة .. يكولون الاهل عزوة وسند ويكولون صلة الرحم بينهم تطول العمر وتقربك لله وتزيد حسناتك ..
وهم اني قارية بلقران(( فاما اليتيم فلا تقهررر)) ..
ولاتسيءلليتيم ولا تقهر ولا تتسلط عليه .؟
واحنه صارلنه اليوم الثالث على وفاة ماما وخالي مگابل غادة ويهين بيها وهيا ساكته ومدنگة ..
بس حوراء تجاوووب وبقووة ..
اخر شي يهددها بالذبح لو تروح نسكن بيته
حوراء . وليش يرحن وياك اني موجودة وزوجي موجود ؟
وين زوجج ..
ملتحق ماينزل هسة وخواتي اني مسؤولة عليهن ومااسمح اي احد يتدخل بيهن امي عايشة وانتو متذكرونها تردون تأخذون خواتي حتى يشتغل عدكم خدم وتعاملوهن بعبودية
.. ايي احسن مااختج باقيه تشتغل بالسوك بين الزلم والله اعلم شتسوي بعد وصايرة عدها فلووووس
حوراء . اشششش كاااافي والحشيمة لان خالي والله جان عرفتك مقامك من تطعن بشرف عرضك
هو انتن خليتن عرض شرف تمشن على حل شعرجن ؟
ميادة. شفتهم وصلوا لمرحلة هوو كام يريد يمد ايده عليها ويأخذنه احنه التلاثه وغادة لزمتهم وتسكت بحوراء .
طلعت موبايل غادة وخابرت يونس ؟
يونس . الو غااادة
ميادة . لا اني ميادة عفية يونس هذا خالي يريد يأخذنه كوة يمه ويريد يكتل غادة لان تشتغل وبعده معارف اني اشتغل شيسوي بيه .عفية شنسوي ..
يونس . والله ماعرف شسوين واني هم ماكدر ادخل لان هذا خالجن .
ميادة . من كال هيج حسيت بخيبة هااا شكرا يونس.
يونس . بس يطلع خابريني بلحظتها اوووك .
سديت التلفون بوجها لان خيب ضني هذا اللي تحبه غادة وتحسه سند وكامت متخاف ومن تحجي تذكر اسمه بكلشي ..
سمعت غادة تگلة خالو اني والبنات نرووح وياك بس خلينه نلم غراضنا منا للصبح تأخذنه هناك .
حوراء. لا مترحن
غادة . مالج علاقه اني وميادة ومروج نروح وي خالي نعيش يمهم محد عدنا ومحد يتحمل مسؤوليتنه ومصرفنا ويستر علينه غيره هو اخو امي اكيد يحبنا ويخاف علينه مثل ميخاف ويحب امي ..!!!!
حسيت بيه هو سكت على كلامها ورخى وهيا غادة دخلت للغرفة كالت يلا بنات نلم غراضنه اللي نريدها واللي تفيدنا
ميادة . اني ماررررروح انتي مخبله شلون تخلينه نروح وياهم هناك رااح يموتونه ويشغلونه خدم واحنه هستونه گلنه يالله ماروح اني انهزم واديح بالشوارع ومااروح ..
