🦅🌼العُقَابُ الأسطوري🌼🦅| مكتملة✨️ (باللهجة المغربية)

25 و الأخيرة

🤴🗿أمير في عصرنا3🗿🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 183📖💜

°°°لا طالما أعجب بها بإعتبارها وردة بيضاء..لذا لم يستطع أن يلاحظ ظلها الأسود°°°

ماقدرش يدفنها ماقدرش يدير مراسم الجنازة ولا حتاشي حاجة ماقدرش اصلا يصدق انها ما&&تت و مابقاتش فهاد الوجود!..ما&&تت و خلات ليه قطعة منها موراها..حتى من عائلتها مافراسهم والو و باقي تيظنو انه بنتهم ولدات و خاصهم يشوفو حفيدهم فأقرب وقت ممكن...

من شدة هوسو بيها حتى من التراب غار يحتضنها بلاصتو...

من شدة حبو ليها حطها فتابوت زجاجي بحال شي قطعة أثرية نفيسة يشوفها غير هو فقط!...

كانت محطوطة فيه بفستان أبيض كريمي..شعرها مصفف حتى من المجوهرات واش دايرهم ليها..مجوهرات الإدلويس لي كان شرا ليها فكينتاريا عندهم مكانة خاصة فقلبو تيفكروه فدوك ليام الزوينين معاها..كان ضاير بداك التابوت حقل حماية و تعويذة قوية تتمنع جسدها من التحلل...

كل مرة تيتوحشها تيشوفها فداك التابوت ولكن عادما تيزيد يتقطع قلبو اكثر..قلبو لي من نهار خلاتو تينزف الد&&م قطرة بقطرة نهار على نهار..مابقات تحلا ليه حتى حاجة فهاد الدنيا مابقا ياكل مابقا يشوف نعاس وجود ولدهم لي تيخفف عليه شوية على الأقل خلات ليه طرف منها...

ساكنة كل حيوط و أرجاء هاد القصر بالحلوة و المرة لي عاشوها بجوج كيفاش جات لهاد الجزيرة أول مرة و كيفاش غادراتها لآخر مرة...

دخل لجناحهم فين كاين التابوت..حط يدو فوقو بإبتسامة انكسار و عيونو المتعبة تحكي كل المعاناة لي عايشها: صغيرتي..ماتصوريش قداش توحشتك..قداش توحشت نسمع صوتك و نشد فيدك الصغيرة الدافئة و نحس بمشاعرك كاملين..(حط يدو على صدرو) خليتي فجوة كبيرة فحياتي..خليتيني نمو&&ت 100مرة فأيام فقط..امتى غتحني فيا و ترجعي ليا و لولدنا؟...

كان صوتو خازن الإشتياق و رغبة كبيرة يشوفها مرة اخرى..بغا غير فرصة أخيرة غير مرة أخيرة و عمرو غادي يخبي عليها مزال شي حاجة ولا يتصرف بلا معرفتها..ماخلا ماجرب من سحر و تعويذات ولكن والو مستحيل شي واحد يحيا ولا ينجا من ضربة داك الخنجر الملعون...

#تتمة

بدات تتحل عينيها شوية بشوية كانت دايخة..بدات تتسمع توشويشات و اصوات د بنات..حلات عينيها على جهدهم لقات بزاف ديال البنات ضايرين بيها...

بنت منهم: اجيو و أخيرا فاقت

جوهر جلسات بدهشة: فين اناا؟!!

تقدمات إمرأة شابة لابسة فستان ذهبي و فوق راسها تاج من الريش الأبيض...

جوهر باقة مندهشة: شكون نتي؟ شكون نتوما؟؟

المرأة بتاسمات و جلسات حداها فوق داك الربيع و الدنيا كلها خضراء و لامعة بحال أرض الأحلام: انا روزالين..زوجة الغريفين المؤسس