🦅🌼العُقَابُ الأسطوري🌼🦅| مكتملة✨️ (باللهجة المغربية)

6

🤴🗿أمير في عصرنا3🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 25📖💜

▪︎مملكة كينتاريا - المكتبة السرية▪︎

كانت كوثر تتبحث فالكتب على المجوهرات الملعونة و الخاصة بالعائلات..كتب ورا كتب صفحات ورا صفحات حتى توقفات فجأة فصفحة واحد الكتاب..عينيها تيتحركو بسرعة تيقراو شنو المكتوب تحت من رسم الخاتم لي كان نفسو تصميم ديال خاتم أسمهان خرجات بالزربة من تما و مشات لجناح شيرزاد لي كان مزال مانعس...

شيرزاد بدهشة: الواليدة؟

كوثر على عجلة من أمرها: قول ليا ا ولدي واش قالت ليك أسمهاان على شي قدراات عندهاا؟؟ ولا اي حااجة غريبة وقعات معاها؟؟ مابغيتش ندخل لجناح المحظوظاات فهاد الليل

شيرزاد بإستغراب: قالت بلي تتقدر تشوف لمحة من مستقبل الناس فعينيهم على شكل رموز غريبة بشي طريقة تتقدر تفهمهوم

كوثر هنا تبلوكات و بسرعة خرجات من الجناح مامصدقاش لي كتاشفاتوو: رثووووك

بان فالبلاصة تيتمشا بجنبها مواكب سرعتها: وي كوثر

كوثر: ديني دابااا لدااار آل برجيس!!!

اختفو من تما فالبلاصة و ولاو فقلب دار ناجية لي كانو بناتها تيتفرجو فالصالون حتى تيقفزو بخوف: ش ش كوون نتيي؟؟

فنفس الوقت كانت متكية فغرفتها كيف العادة بملامحها الذابلة حتى فجأة حسات بحضورها القوي و بعدم تصديق خرجات هابطة مع الدروج حتى تصدمات فاش شافت ملكة المشعوذين بقيمتها و مقامها واقفة فقلب دارها!...

ناجية حدرات راسها: جلاالتك!! ي يااكماا البنت داارت شي مشك....

كوثر شداتها من ذراعها بقوة عاقدة حجبانها: نتي فيين لقيتيييهااا و فيين لقيتيي الخااتم؟؟؟شننوو تديير عندكممم شنو تديير عند المشعوذيين؟؟؟

ناجية انفجرات بالبكاء: مادرت والووو ا جلالتك ماادرت والوو طلقينيي عفااك و نعااود ليك القصةةة (تتنخصص) اهئ كنت عاارفة أمرهاا غيتفضضح الى لبسااات الخاااتم داكشي علاش عمرررني عطيتووو ليهااا

كوثر هزات حاجبها: و نتييي فين لقيتيييه؟؟ واا دوييي!!!

ناجية شافت فبناتها لي مافاهمين والو: طلعوو لبيوتكم خليونا بوحدنا!

ناضو طبقو كلامها بلا حتى شي رد و بقات هي و كوثر تما حتى من رثوك انسحب...

كوثر طلقات منها: تنسمعك!!

ناجية تتمسح دموعها: الى سمحتي تفضلي جلسي حيت القصة طويلة...

جلسات كوثر فوق السداري و جلسات ناجية قدامها..سهات لثواني تتسترجع ذكريات ال 25سنة لي دازو..حتى وصلات لداك النهار أو بالأحرى ديك الليلة لي تبدل فيها كلشي...