🦅🌼العُقَابُ الأسطوري🌼🦅| مكتملة✨️ (باللهجة المغربية)

23

🤴🗿أمير في عصرنا3🗿🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 161📖💜

▪المغرب - ︎مملكة كينتاريا▪︎

كانت غزلان غادية فالممرات حتى وصلات قدام جناح نوري و دقات..تحل الباب و دخلات...

نوري بإبتسامة: غزالي

غزلان بإبتسامة: حبيبي..(عنقاتو)

شد يدها و هز واحد المذكرة فوق البيرو ديالو و خرجو للجليسة لي فالبالكون...

جلسات و جلس حداها جابد ديك المذكرة القديمة غير من الغلاف ديالها لي تيدل على مئات السنين...

نوري: هادي هي المذكرة ديال عمي...

غزلان بفضول: واش قريتيها من قبل؟

نوري: اه ولكن غير بشكل سطحي ماتعمقتش حتى نشوفوها بجوج

غزلان بأمل: عندي إحساس كبير بلي غنلقاو الحل!

نوري بتفائل: تنتمنى هادشي

بدا تيقرا و يدوز فالصفحات لي عارف ماعندهم حتى علاقة بلي بغاوه عاد وصل للصفحات الأخيرة لي تتبين أيامو الأخيرة اي انه حد داكشي لي كتبو و مات من بعد...

غزلان تتقرا: "الزواج والعائلات وكل العلاقات هي عملية تعلم الرقص بدلاً من العثور على الراقص المناسب" (هزات راسها فنوري) واش تزوج زواج الأقارب؟

نوري: على حسب لي سمعتو اه...

غزلان: "الزواج ليس طقوسًا أو نهاية..إنها رقصة طويلة ومعقدة وحميمة معًا ولا شيء يهم أكثر من إحساسك بالتوازن واختيارك للشريك"

نوري: "الزواج هو محاولة لحل المشاكل معًا لم تكن لديكما حتى عندما كنتما بمفردكما"

غزلان تتحلل فهاد الكلام: تيبان ليا بحال الى تزوج بزز! يعني الزوجة ديالو مكانتش من إختيارو بل كانت من إختيار العائلة!

نوري تيفكر: حتى انا هادشي لي قلتو مع راسي

غزلان قلبات الصفحات و بدات تتقرا حتى حبسات بدهشة: مرتو طلقاتو بسبب الولاد لي مايقدرش يولدهم معاها..مرتو مشعوذة و حتى هو مشعوذ...(بدات تتستوعب) و الى حطينا هادشي فالحقبة الزمنية لي كانو عايشين فيها ديك الساعة كان قانون منع تزاوج المشعوذين مع المخلوقات الأخرى باش يبقاو دماء السلالة نقية (حطات المذكرة بواحد الحماس) نتا مشعوذ و انا ساحرة و حنا فزمن مباح فيه الإختلاط فالزواج يعنيي..(بعيون لامعة) هادشي مغيأثرش علينا!!!!

نوري تيحاول يستوعب الأمر مابغاش يتحمس بحالها و فلخر إستنتاجها يكون غلط: خاصنا نزيدو نبحثو فهادشي!...

▪︎جزيرة لابرادوريت - قاعة الأكل▪︎

كانت جالسة ظابطة اعصابها بزز و هي تتشوف فهاد الدخيلة لي مابغاتش تحشم..كانت متوقعة عشاء كيف العادة غير هي و راجلها حتى شاركاتو معاهم حيت ضيفتهم و ماجاتش تمنعها حيت تتعتبر حاكمة معشر آخر! ولكن هي ما ضيفها حد بغات غير تخشي ليها داك الوجه فداك التبصيل لي قدامها!...