🤴🗿أمير في عصرنا3🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 32📖💜
بعد أشهر من التدريب المكثف و المستمر...
نوري وقف قدامها و برقو عيونو الخضراء بضوء أبيض تيشوف فجوهر لي واقفة قدامو ضامة يديها لعندها..خدا الأمر ثواني حتى اختفى داك الضوء لي كان تيتفحص بيه جسمها قتاليا بحيث انه قادر يشوف نقط قوتها و ضعفها بفضل هاد القوة الخاصة بيه: من بعد التدريبات على الجسم كامل بدا تيوضاح دابا الأسلوب القتالي ديالك!
جوهر بتسائل: شنو هو؟
نوري: أسلوب القتال بالأرجل..رجليك كنت ديما ملاحظ فكل مرة انهم تيقواو على لي قبل منها
جوهر: وضح ليا هاد الأسلوب اكتر...
نوري: قوتك الجسدية محاطة برجليك بشكل مركز اكتر هادشي لي تيعني انه ركلاتك قوية بزاف و غيقواو اكثر مستقبلا الى بقيتي على هاد المنوال و وليتي تتدربي التدريبات الخاصة بقتال الأرجل
جوهر بإهتمام: لا طال ما حسيت بالمتعة الغامرة و انا تنركل فالدمى المقاتلة!! متشوقة نتطور اكثر!
نوري بابتسامة واثقة: كوني هانية أقوى مدرب فالمملكة و الممالك المجاورة شاهد على قوتك الحالية و المستقبلية! لدرجة انا وليت خايف على أعدائك!
بتاسمات جوهر بفرحة: و انا تنوااعدك عمرررني غنخسرر عمررني غنمرمد وجهك فالترااب يا مدربي العزيز ههه!
#نهاية_الفلاشباك...
كانت إيريس مرمية فالأرض بطولها و عرضها و جوهر واقفة عليها تتركل فيها فينماا جاات الضربة مارحماتهااش الووجه العنق الضهرر الرجليين جسمها كولو تيصرخ بالألم و التعذيب لي تتلقاه قدام جمهورها المصدوووم تيشوف فالمقاتلة ديالهم الرقم 1 لسنين طويلة بلا مايتجرأ ينتازع منها حتى واحد هاد اللقب الكبير تتعرض للإذلال و الضرب و التعنيف قدام عينيهم و من طرف شكون؟ المشعوذة الشريرة لي قتاحمات جزيرتهم العزيزة!...
جوهر تضرب و تركل بمتعة غاامرة و نضرة مجننوونة: قلتييي رقم 1؟؟؟؟اااا شكووون لي رقم وااحد دابااا!!؟؟
إيريس وجهها كولو مغطي بالدم و شعرها تلصق كولو بيه على وجهها ماقادراش تدوي: م...ا....
جوهر خرجات فيها عينيها ب شر تتزيد فوثيرة سرعة الضرب هادشي لي مخلي الركلات أقوى من قبل: قووووليهااااا!!!!! السيدة جوهر هيييي الأولللللىىى!!!!!
كانو الزعماء في حالة ذعر حدا آزاد لي كان مهدن كأنه تيشوف فعرض مسرحي ماشي قتال دموي بنكهة الجنون و السادية حتى نطقات "داريا آل برووك" زعيمة قبيلة الماء بخوف: سيادة الحاكم مغتصرفش؟
بلا مايشوف فيها و بلا مايتحرك من بلاصتو نطق: شنو بغيتيني ندير؟؟
داريا بتوتر: توقفهاا إيريس غتمووت الضرب لي تلقاتو جنووني خصووصا فجمجمتهااا لي ممكن تكون تهرسااات!!!
YOU ARE READING
🦅🌼العُقَابُ الأسطوري🌼🦅| مكتملة✨️ (باللهجة المغربية)
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ 🌙رمــــــــضـــــــان كـــــــــريـــــــــم🌙 رجعت ليكم مرة اخرى فرمضان آخر بالجيل الثالث و الأخير من قصتنا الرمضانية "أمير في عصرنا" أحفاد الأمير البشري بيجاد و النصف مشعوذة ها...
