🤴🗿أمير في عصرنا3🗿🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 131📖💜
اشار ليها لواحد الكوليكسيون مستفينها فواحد الفيترينة مكتوب فسميتها الفوق قداش Edelweiss و هو يبتسم الرجل: اول مرة يلاحظ شي واحد هاد المجموعة د المجوهرات..هي أغلى وحدة تنملكوها حيت مصنوعة من الطاقة لي هازاها زهرة الإيدلويس المعروفة بزهرة الحب الأبدي...
جوهر حطات يدها على ذراعها بإرتباك مدوزاها بابتسامة متوترة: اه وي..تصحابلي..مهم نسا هه (مايمكنش هادشي شوية ما نتخييل شي حوايج مستحيلة!..صدق غير مجوهرات المحل!)
آزاد: بغيت المجموعة كلها
جوهر بدهشة: علاش؟
آزاد دوز اصابعو على خدها: اي حاجة غتزيد تعبر على حبي الكبير ليك مستعد نديرها (اشار للرجل لي جبد ساروت يحل الفيترينة)
جوهر شافت فالمرأة بفضول: منين لقيتو الزهرة حتى صنعتو بطاقتها هاد المجوهرات؟
المرأة: باعها لينا واحد التاجر لقاها فواحد الغابة بعيدة بزاف نابتة تما كانت الوحيدة فقط..سمعت بلي على مر هاد ال 13 سنة لي فاتت انه كاينة فبلاصة وحدة فقط..و ديك البلاصة حتى واحد ماعارفها لا فين كاينة ولا شنو سميتها تتبقا أسطورة متداولة بشكل نادر بين التجار لي تيسافرو و أصحاب محلات الزهور على الحب الأبدي...
جوهر هزات راسها فآزاد لي كان ساكت و ساهي: اش بان ليك تكون سميتها هي لي تنقشها المرأة فالأساور؟
آزاد: واخا
حسات بديك واخا بحال الى ماشي هو هاداك و هي تبدا المرأة فنقش الإسم على كل وحدة و ختماتهم برسم مصغر للزهرة..اشارت لجوهر تعطيها يدها و قاداتها ليها حتى قفلاتها بواحد عود ثقاب شعلات فيه نار سحرية هو باش سدات السوار فاش ذابت الفضة و لصقات على بعضها..عييطات على راجلها حتى دار نفس الشيء لآزاد و بهاكا الأساور الأبدية ولاو على المعاصم ديالهم...
آزاد حط يدو على ضهر جوهر: بغيتي شي حاجة اخرى؟ (حرك يدو فالهوا) شوفي لى عجبك...
جوهر حركات راسها بنفي: لا صافي شكرا باقي تابعنا نشوفو شحال من بلاصة اخرى
وجد ليهم الرجل مجموعة المجوهرات فعلبة مخملية كبيرة و حطها فكيس مصنوع من الثوب مدو لجوهر حتى شداتو...
جبد آزاد البطاقة البنكية ديالو السوداء (بطاقة خاصة بالأثرياء و الأغنياء فقط) باش يخلص و هي توقفو جوهر: احم..المشعوذين راه ماعندهومش التيكنولوجيا..تيتعاملو غير بالكاش
آزاد عاد تفكر: اوه نسيت!..(رجع البطاقة لبسطامو)
الرجل: لا لا مغنشدو عندكم والو هادو هدايا ديالنا ليكم
نطق الدري لي كان حاضي المحل على برا: بابا عندو الحق!
جوهر برفض شديد: لاااا لاااا انا غادي....(بغات تجبد من فلوسها)
YOU ARE READING
🦅🌼العُقَابُ الأسطوري🌼🦅| مكتملة✨️ (باللهجة المغربية)
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ 🌙رمــــــــضـــــــان كـــــــــريـــــــــم🌙 رجعت ليكم مرة اخرى فرمضان آخر بالجيل الثالث و الأخير من قصتنا الرمضانية "أمير في عصرنا" أحفاد الأمير البشري بيجاد و النصف مشعوذة ها...
