في فله سيف
طارق : اذيك يا عمي
يوسف : الحمد لله يا طارق يا بني عامل ايه؟
طارق : الحمد لله والله اومال سيف فين ؟؟
يوسف بحزن : فوق اطلع ناديله يمكن يرضي ينزل ياكل معايا ولو لمره 😔
طارق طلع فوق في جناح سيف ( عباره عن سرير كبير وحمام كبير ومطبخ صغير وجيم ومكتب كبير كأنها شقه يغلبه الطابع المودرن الوانه رمادي في اسود ) سيف كان بيتمرن
طارق : مالك يا بني
سيف ببرود : مفيش
طارق : يخربيت برودك يا جدع !! طب تعالي ننزل تاكل اصل الصراحه ميت من الجوع
سيف : عايز تاكل انزل كل انا مش هنزل ويوسف بيه تحت
طارق : يا سيف حرام عليك دا مهما كان دا ابوك وكفايه عليه يا اخي ٢٠ سنه كدا
سيف : اسكت يا طارق علشان انت مش عارف انا حاسس بايه
طارق بحزن : لا عارف يا صاحبي وان كنت ناسي انا افكرك انا معاك من ٢٠ سنه يعني مش من سنه ولا اتنين وانا بقولك انسي او دور في الموضوع انا مش مصدق انه مامتك تعمل كدا وكمان عمو يوسف مستحيل يعمل كدا 😮💨
سيف : لا صدق لاني شوفته بعيني يمكن لو حد قالي مكنتش صدقت بس انا شوفت بعيني
طارق : انا همشي اروح علي الجناح بتاعي اجهز حاجتي علشان السفر ( طارق عنده جناح في الفله لانه عايش معاهم )
سيف : انا جاهز جهز نفسك انت علي بكره الصبح
*******،********
حياه وعلي وملك وصلوا القصر
ثناء ومحمد سلموا عليهم وكل واحد ذهب لاوضته علشان يرتاح من السفر
***********
عند فله الاء
ابراهيم باباها في المكتب بيقرأ الجريده الاء بتخبط
ابراهيم :ادخل
الاء: حضرتك كنت عايزني
ابراهيم وقف ومشي لعندها وضربها بالقلم : انتي ازاي يا ابله بقالك ٣ ايام مش بتباتي في البيت كنتي فين انطقي
الاء بحزن وشفقه علي نفسها : كنت عند صحابي حياه وملك علشان خرجنا من المستشفي متأخر
ابراهيم : انا كام مره قولتلك ملكيش دعوه بالبنات دي دول مش مستوانا هما مصاحبينك علشان فلوسك
الاء: اولا دول انضف واحسن مننا مليون مره علي الاقل بنخاف علي بعض وبناكل مع بعض وبنضحك مع بعض وكمان مستحيل يقبلوا انهم ياخدوا مني جنيه عندهم كرامه فوق ما تتخيل علي الاقل مش زي ثريا هانم اللي كل حياتها النادي وبتصرف كل فلوسها عند دكاتره التجميل وزي حضرتك كل اللي همك الشركه والفلوس انتم اصلا مش فاكرين انكم عندكم بنت صحابي اللي مش عجبينك دول هما اللي احتويني هما اللي بيسهروا معايا وقت اما بتعب
