حياه بتصلي وتدعي ربنا : بارب واثقه فيك وفي حكمتك يارب انك هتساعدني وقعدت تدعي وهي بتعيط لربها وتشكو اليه وخلصت صلاه وطلعت تشوف فيه ايه لقت
مفيش حد غير عسكري واحد
بتسأل العسكري اللي كان واقف قالها القرار اتلغي
سجدت لربها شكر اني دعواتها استجابت واقعدت تستغفر وتشكر وتحمد ربنا علي كرمه
التليفون رن
علي : حياه انا كلمت واحد كان مريض عندي وهو كان حاجه كبيره في الداخليه ووقف القرار
حياه : الف شكر ليك يا علي علي وقفتك جنبي وعلي تعبك اللي انا بسببه
علي بمرح خلاص يبقي تظبطيني مع ملك بقي
حياه ضحكت والله ما عارفه اشكرك بجد ازاي
علي يا حياه انا قولتك قبل كدا انتي اختي الصغيره ومفيش بينا الهبل بتاعك دا
وقعدت تشكر فيه وقفلت معاه
اتصلت علي باباها وقصت عليه
محمد : ازاي يتراجع في ربع ساعه انا هتصل علي المحامي اشوف ايه اللي حصل واتأكد منه
حياه : ماشي يا بابا ابقي تعالي بقي انت وماما
محمد : ماشي يا حببتي وقفل
محمد بيكلم المحامي
المحامي : ايوا فعلا يا استاذ محمد القرار جي من فوق
وقعد يكلمه ثم قفل معاه
ثناء : فيه ايه يا محمد
محمد : يلا عشان هنرجع القصر
ثناء : ازاي ؟؟ ايه اللي حصل !!
محمد : مش عارف بس تقربيا حياه كلمت حد هاروح افهم منها
وبالفعل رجعوا والعمال رجعت كل حاجه في القصر زي ما كانت
وحياه فهمت باباها ان علي هو اللي ساعدها
_________
وعدت الاجازه و ورجعت حياه تاني السكن
في القاهره
الباب بيخبط
ملك : مين
حياه بضحك :بتاع الميلامين
ملك : انا بقول برضو محدش هيخبط كدا غيرك
وحضنتها وقالت وحشتيني بابا وماما عاملين ايه
حياة : كلهم بخير يا ستي ايديك بقي معايا ساعديني ادخل الشنط دي
ملك : لازم طبعا ماما تتوصي بيكي
حياه : لا وايه جايبالك معايا صنيه مكرونه بالبشاميل إنما ايه تاكلي صوابعك وراها ومسكت الصنيه وفتحتها
الاء صاحبتهم خرجت من الاوضه وهي شبه نايمه : بشاميل انا سمعت صح
حياه والاء برقوا ليها وضحكوا علي منظرها
حياه : لا حول الله الكائن دا بيجي علي سيره الاكل
الاء عنيها علي الصنيه وبتبلع ريقها
ملك بتضحك : الاء كانت بايته معايا النهارده علشان مكونش لوحدي في الشقه
الاء ولا اكنها سمعاهم ومسكت صنيه المكرونه ودخلت الاوضه وقفلت الباب
حياه : انتي يا بت رايحه فين الصنيه دي بتاعي وربي اموتك لو ما سبتيلي حته دا انا هموت طول الطريق واكل منها
الاء : نتفق الأول والا والله ما حد يلمس ولا مكرونايه واحده
ملك : عايزه ايه يا آخره صبري
الاء : اولا ملك تنزل مكاني بكره الشغل بدري وانا هاجي علي الظهر كدا وهي تمشي
ملك ولسه هتشتم : يا بت .....
الاء مقطعاها: ثانيا حياه تجبلي شيكولاته وتعملي شويه اكل حلوين من اللي بتعملهم وكدا اكون رضيت ضميري وهيديكم ربع الصنيه
حياه : نعم يا ماما بقي دا كله وفي الاخر الربع
الاء من جوه : امم طعمها جميل اوي
ملك وحياه : خلاص خلاص اطلعي يلا
الاء فتحت الاوضه وخرجت وكانت بالفعل اكلت شويه
حياه لملك بدهشه : لو كنا صبرنا شويه كانت بلعتها
الاء : بتقولوا حاجه
ملك بضحك لا لا وقعدوا ياكلوا وخلصوا
الاء : كدا عملت اللي عليا لازم بقي بكره ملك تنزل بدري
ملك : حد قالك يا حببتي اني عيله وبرجع في كلامي
يعني مش هنزل بكره وشوفي بقي مين اللي هيمضي مكانك وخرجت بسرعه
الاء جرت وراها بقي كدا
حياه ضحكت عليهم ودخلت اوضتها اتوضت وصلت وراحت عند ملك وقصت لها ما حدث
ملك بعتاب وزعل : دة كله يحصل يا حياه ومتقوليش
حياه : المهم عدي خلاص يا كوكو ومكنتش عايزه ازعلك واهو ربنا حلها من عنده اهو
ملك حضنت حياه وفجأه الباب فتح
الاء : بتعملوا ايه من وراي ونطت وسطهم علي السرير
حياه : يا بنتي السرير هيتكسر
الاء : بنتي !!انا اسفه يا مامي
ضحكوا ونامو سويا
وعدي اليوم
بيتبع ......
يا تري ايه اللي هيحصل !!!
