بمكان ما في مستشفي الامل
علي ينثني علي ركبتيه : انا بحبك تقبلي تتجوزيني
ملك تهز دماغها بنعم: ايوا موافقة ، وأنا كمان بحبك يا علي ولسه هيحضنها
استيقظ علي علي خبطة علي دماغه
: ايه يا بني رحت فين مش بكلمك
علي : منك لله يا حياه صحتيني من أحلى حلم دا انا كنت لسه ها...
حياه : ها ايه
علي : امشي يا بت من هنا مش كفاية هي عليا
حياه : نفسي افهم دكتور عجوز زيك داخل علي أربعين ولسه مش عارف يعترف لوحده ويروح يخطبها ، يا بني أنا لو مكانك كان زماني اتجوزت وخلفت واحده قدي
علي بغيظ : انا عجوز يا متخلفة طب والله لوريكي واوري المستشفى كلها الدكتوره حياه المحترمه علي أصلها .. وايه يا بني دي كنت بلعب معاكي انا ، دا أكبر منك ب١٠ سنين
حياه ضحكت عليه وحبت تغيظه : ٩سنين لو سمحت طب حيث كدا بقي اروح أقول لملك اني رجعت في كلامي وأنا اللي هبات هنا النهارده وهي خليها تروح شوف كنت ناويه اساعدك واخليها في في الشيفت معاك واخد مكانها بكره
علي بمرح : وحياه ابوكي يا شيخه خلاص انا اسف علشان خاطر اخوكي الكبير واللي قرب يعجز علي رايك ساعديه وانا ان شاء هعترف ليها النهارده
حياء : ماشي بس اللي أوله شرط آخره نور
علي يغيظ : طلباتك يا دكتوره حياه
حياه : اولا تدخل البيت من بابه يعني تقولها وتروح تخطبها علي طول بنات الناس مش لعبه
علي : انتي هبله يا بت يعني لو هلعب بيها هستني دا كله علشان اعترفلها بس
حياه : ابتدينا نغلط
علي : انا اسف يا ريسه اؤمروني
حياه : ريسه !! الأمر لله بس تاني طلب
علي : يارب صبرني
حياه :هتبقي صباره ان شاء الله المهم عايزه شكولاته كتير اوي
علي : حاضر يا مفلساني
حياه :يلا سلام انا دلوقت
ومشت عند ملك
في مكتب ملك يخبط
ملك اتفضل
حياه :ملوكه عامله ايه يا قلبي
ملك :الحمد لله بخير يا حياتي هتروحي انتي دلوقت
حياه :ايوا انا همشي اهو مش عايزه حاجه اطلبي بس وانا والله مش هجيب حاجه
ملك : امشي يا بت من هنا
حياه ضحكت : بكره يجي وتقولي فين ايامك وإيام الضحك معاكي يا حياه
ملك : سلميلي علي ماما اما تسافري دا احنا بقالنا ٥ شهور مسفرناش ومتخليهاش تتعب نفسها زي كل مره وتعملي حاجات معاكي
حياه : ليه أن شاء الله دا هي اصلا بتزعل مني لما تلاقيني مروحه لوحدي وبتقعد تقولي فين اختك وبابا بيفضل يديني نصايح ويقولي خدي بالك من اختك ميعرفوش انك الله اكبر عليك
ملك والدموع في عينها : ربنا يخليكم ليا مش عارفه انا مش غير طنط ثناء وعمو محمد كنت هعمل ايه عمرهم ما حسسوني اني يتيمه او مليش اهل
حياه : قسما بالله لو قلتي انك يتيمه تاني لهولع فيكي و قالت بمرح كي تضحكها انتي بتحسي اصلا
ملك : قومي يا بت من هنا
حياه : لا انا كدا كرامتي اتهانت خالص مالص واحد يقولي يا بت والتانيه برضو وكله الا كرامتي
ملك :واحد مين
حياه بغمزه : علوش يا روحي
ملك باحراج : انتي يا بت متدلعهوش وقالت بخجل هو علي هيسهر ولا يروح
حياه : عليا الكسوف دا يا اختي ما عارفه اللي فيها مش عارفه بتصديه ليه وانتي بتحبيه
ملك : علشان مينفعش يا حياه
حياه : دا انتي ست البنات يا ملوكه هو يطول اصلا واحده زيك في جمالك في حلوتك
ملك ضحك : انتي هتغني يا حضره الدكتوره
حياه : يا دي حضره الدكتوره اللي مسكنهالي هو علشان دكتوره مغنيش وبعدين انا كل قاذوراتي معاكم انتو بس
ملك : طبعا ومحدش يعرف انك فرفوشه كدا مش عارفه الدكاتره بيترعبوا منك علي ايه بس
حياه : معاكو انتي ولولو وعلي بس يا ملوكه اللي بكون علي طبيعتي وبعدين هو لازم الواحد يتكلم كدا علشان الاحترام يا اختي سلام بقي علشان الحق الموصلات مش هركب العربيه صدعتوا دماغي وضيعتوا الهيبه
ملك ضحكت عليها ودعت ربنا يحميها وهي في الطريق وقعدت شارده بتفكر ان علي مستحيل يقبل بيها لأنها عايشه في ملجأ وقامت تروح للمرضي بتوعها
في الطريق
حياه بتركب الاتوبيس لان هي من منطقه بعيده ولكن قاعده في القاهره في السكن مع ملك علشان شغلها
حياء :ايوا يا ماما انا يا حببتي ركبت الاتوبيس
ثناء مامتها: توصلي بالسلامه يا حببتي خلي بالك من نفسك ومن حاجتك واقرأي قرأن او اسمعيه في الطريق يا حياه يحفظك ويحميكي
حياه : حاضر يا ماما يلا مع السلامه
قفلت الموبايل وفتحت المصحف بتاعها بتقرأ وبعد حوالي ٤ ساعات قفلت المصحف وفتحت كتاب عن زوجات الرسول وبدأت تقرأ فيه
الاتوبيس وقف ونزلوا واخدت تاكسي ووصلت البيت بتاعها بس لقت العساكر والظباط واقفين حوالين البيت وواحد ماسك باباها وفجأه زقه
يا تري ايه اللي حصل؟
وايه الظباط دول وبيعملوا في قصرها ايه؟
ايه رايكم في البارت ياريت تشجعوني وتقولوا نفسكم في رويات نوعها ايه ؟
