Rewrite The Stars

13th Star

“Wake up,” gising ni Vito kay Levi na nagulat naman sa kaniya. Nakalimutan nitong nasa ibang lugar na nga pala ito.

“You have to eat, Levi. Kain,” subo ni Vito ng kutsarang may pagkain sa bibig ni Levi na nagulat kaya napasok ang kutsara sa bibig nito.

“I know you used to eat rice so I specifically asked them to cook rice for you so you have to eat it,” may riing saad ni Vito at inabot na ang plato ng pagkain kay Levi.

“You know how to do it, do it yourself.”

Wala nang nagawa si Levi kung ‘di kumain. Vito patiently waited for him to finish his meal.

Pagkatapos kumain ay tumingin si Levi kay Vito at nakitang may pagkain pa sa tray na mukhang dinala nito pagkapasok sa kuwarto niya.

“These are what we usually eat,” lapag ni Vito ng tray sa harap ni Levi.

“Pasta.” Kumuha si Vito ng sakto lang para sa isang subuan at sinubo ito kay Levi.

“Good, isn’t it?” ngiti ni Vito sa bata pero hindi ito sumagot. Hindi naman na siya nagulat.

“Cold cuts,” abot naman ni Vito ng plato ng karne.

“This is my favorite, try it,” turo ni Vito sa isang klase ng karne na kinuha naman ni Levi.

“Gusto mo?” tanong ni Vito at dahan-dahang tumangu-tango si Levi bilang sagot kaya napangiti siya. He’s genuinely happy to get such a subtle response from the kid.

“Get more, help yourself,” natutuwang alok pa ni Vito ng hawak niyang plato kay Levi at kumuha nga ito.

“You like meat too, eh?” ani Vito pero hindi sumagot si Levi at nagpatuloy lang sa pagkain.

Kinabukasan ay hinintay ni Vito magising si Levi kaya nagulat ito nang makita na naman siya nito pagkamulat na pagkamulat ng mga mata nito. Sabay silang nag-agahan. Nagpaluto talaga si Vito ng iilang processed food na madalas kainin ng mga bata sa Pilipinas kagaya ng hotdogs at nuggets.

“Il bambino si sta adattando bene?” (Is the boy adjusting well?) tanong ng binatang mukhang mas matanda ng kaunti kay Vito. Kumuha ito ng agahan.

“Si, è davvero bravo,” (Yes, he’s really good) sagot naman ni Vito at ibinalik ang tingin kay Levi.

“È bello sentirlo. Sei sicuro che rimarrai qui? Con lui?” (That’s good to hear. Are you sure you will stay here? With him?)

“Sì,” (Yes) sagot ni Vito habang patuloy sa panonood kay Levi kumain.

“Voglio stare con lui. Qui,” (I want to stay with him. Here) aniya at humarap sa lalaki.

“Gli insegnerò le nostre vie.” (I will teach him OUR ways)

“Ottimo, lo lascio a te,” (Very well, I will leave him to you) sagot ng lalaki at umalis na rin dala-dala ang mga pagkaing kinuha niya.

“That one’s Enzo, you should listen to him,” ani Vito kaya sinundan ng tingin ni Levi ang lalaking tinawag sa pangalang Enzo. Makisig ito ngunit bakas sa mukha nito ang pagiging matapang, gawa rin siguro ng makapal na kilay nitong mukhang pang-suplado.

Pagkatapos kumain ay dinala ni Vito si Levi sa isang silid. Mukha itong opisina kaya naman inilibot ni Levi ang tingin sa paligid. Puro bookshelves ang nakadikit sa pader. Nababasa niya ang mga nakasulat sa pabalat ng mga libro ngunit hindi niya gaanong maintindihan ang ibig sabihin ng mga ito kahit pa iyong mga nasa Ingles.