ထည်ဝါ ညနေမရောက်ခင်ကတည်းက ရေချိုးခေါင်းလျှော်ပြီးနှင့်နေပြီ။ ပါပါးက ထည်ဝါ့ဆံပင်တွေကို Dryer မှုတ်ပေးပြီး ဆာမူရိုင်းပုံစံလေး အနောက်မှာ စည်းနှောင်ပေးသည်။ ဖေဖေစည်းပေးလျှင် ဆံပင်နာတတ်၍ ထည်ဝါက ပါပါးလုပ်ပေးတာကို ပိုသဘောကျသည်။ အိမ်မှာ ညှင်ညှင်သာသာ လုပ်တတ်ကိုင်တတ်တာဆိုလို့ ပါပါးနှင့် တီတီလေးပဲရှိသည်။ ကျန်တဲ့သူတွေက အကုန် အကြမ်းပတမ်းတွေပင်။
"ဆံပင်က အကုန်စည်းလို့ မမှီတော့ဘူး ညှပ်ထားသေးလား သား"
"ဟုတ်...ဟိုနေ့က ရုံးနားမှာ တီတီကေသာ ခေါ်သွားညှပ်ပေးတာ ပါပါး"
တီတီကေသာက ထည်ဝါ့ဆံပင်လေးတွေကို အရမ်းချစ်သည်။ ဆံပင်နှင့်ပတ်သက်လျှင် ခုချိန်ထိ ကိုယ့်သဘောနှင့်ကိုယ် လုပ်ခွင့်မပေးသေးပေ။ ထည်ဝါ US မှာကျောင်းတက်နေတုန်းကတောင် ဆံပင်ကို ဘယ်လိုဘယ်ပုံညှပ်ရမည်ဟု လှမ်း၍ Control လုပ်တတ်သေးသည်။
"ပါပါး"
"ဟင်"
"ညနေ ကိုကိုလာရင် ဝမ်းဖိုးခဏထွက်တွေ့မယ်နော်"
"အင်း"
ပါပါးက ပြုံးပြီး ထုံးစံအတိုင်း ထည်ဝါ့ ပါးလေးကို ဖွဖွပွတ်ပေးသည်။ ဖေဖေက မီးစိမ်းပြလိုက်ပြီဆိုတော့ ထည်ဝါကိုကိုနှင့် တွေ့လို့ရပြီဟု ထင်သည်။
"သားဖေဖေက ပထမတော့ သူ့ထက်နိုင်လေးကို သူ့ဟာသူအရင်ခေါ်တွေ့မလို့တဲ့လေ... ပါပါးက အားလုံးလူစုံမှ တစ်ခါတည်းတူတူတွေ့ကြမယ်လို့ ပြောထားတယ်"
"ဟုတ်...ဝမ်းဖိုးအိမ်က လူကြီးတွေကို လာတွေ့ဖို့ ကိုကို့ကို ပြောလိုက်မယ်နော် ပါပါး"
ထည်ဝါ လေတစ်ချွန်ချွန်နှင့် လှေခါးပေါ်က ဆင်းလာတော့ ဖေဖေက ဧည့်ခန်းမှခါးထောက်ပြီးကြည့်ကာ မျက်မှောင်ကျုံ့သွားသည်။
"Wonderful"
"ဗျာ"
"ဘာလို့ ဘောင်းဘီက အဲ့လောက်တိုနေရတာလဲ"
"အမ်"
ထည်ဝါ ကိုယ့်ကိုယ်ကို ငုံ့ကြည့်မိတော့ ခါတိုင်း အိမ်နေရင်းဝတ်နေကျ ဘောင်းဘီတိုနှင့် တီရှပ်သာဝတ်ထားခြင်းဖြစ်သည်။
YOU ARE READING
Wonderful Promise
Romance(Myanmar Boy Love Fiction-OC) Match Made In Clouds (ကြည်ညွှန်း Family) ရဲ့ Season 2 ပါ Match Made In Clouds ကို အရင်ဖတ်ပြီးမှ Wonderful Promise ကို ဖတ်ပါ ဒီဇာတ်လမ်းလေးမှာတော့ မိသားစုကြီးရဲ့ နွေးထွေးမှုတွေနဲ့အတူ Youtuber ဆယ်လီလေး Wonderful နဲ့ သူ့ က...
