"ဘာဖြစ်ကြတာလဲ . . . ကိုးနောင် ဆန်ပြုတ်တွေ မှောက်ကျကုန်တာလား"
ခွမ်း ကလုံ ဆိုတဲ့ အသံများကြောင့် ခမ်းနော့ဝ်က အပြေးလာမိတော့ ကိုးနွယ် အခန်းထဲမှာ စစ်ပွဲ ဖြစ်နေသည်။
ကိုးနွယ်က ခမ်းနော့ဝ်ကို တစ်ချက်ကြည့်လိုက်သည်။
"ဖေဖေ ဆန်ပြုတ်ခွံ့မှ သောက်မယ်"
ကိုးနောင် မျက်လုံးစိမ်းစိမ်းများကြား ဝမ်းနည်းမှုလှိုင်းကြီး ဖြတ်သွားကြောင်း ခမ်းနော့ဝ် မြင်လိုက်သည်။သို့သော် ခဏတွင်းပင် မျက်တောင် မြန်မြန်ခတ်လိုက်ပြီး ထို ဝမ်းနည်းမှုကို ဖုံးကွယ်ပစ်လိုက်၏။
"ကိုးနွယ် မဆိုးရဘူးလေ သား ဖေကြီးက သားကို စားစေချင်လွန်းလို့ သူကိုယ်တိုင် ဆန်ပြုတ် ပြုတ် ထားခဲ့တာ . . ."
ကိုးနွယ်က အေးတိအေးစက်ပင်
"သူ တိုက်ရင် မသောက်ချင်ဘူး"
အဖေ ဖြစ်သူကိုတောင် သူ ဟု ရင့်သီးသီး နာမ်စားသုံးလိုက်သည်။ဖေကြီးပင် သူ့ကို သားလို့ ခေါ်ခဲ့တာ ကျလို့။
"မသောက်နဲ့ ဘယ်တော့မှ မတိုက်ဘူး"
ကိုးနောင်က အံကြိတ်ပြီး ဆန်ပြုတ်ပန်းကန်ကို ကောက်ယူကာ အခန်းထဲမှ ခြေလှမ်းကျဲကြီးတွေနဲ့ ထွက်သွားသည်။
"ကိုးနွယ် အဲ့လို မပြောရဘူးလေ. . . ကိုးနောင် မင်းကလည်း ကလေးနဲ့ အပြိုင် မဆိုးနဲ့လေ. . ."
ခမ်းနော့ဝ်မှာ စိတ်ပင်လေသွား၏။ကိုးနွယ်ကို လည်းကောင်း ထွက်သွားသော သူကို လည်းကောင်း နှစ်ယောက် ဆူရသည်။
ကိုးနွယ်က ဆူလိုက်တော့ ပြန်လဲလိုက်ပြီး စောင်ကို ခေါင်းမြီး ခြုံလိုက်သည်။သူ့ မျက်ဝန်းထဲ အရည်လေးတစ်ချို့ အိုင်ဖွဲ့လာ၏။နှာထိပ်လေးက ခပ်ရဲရဲ ဖြစ်လာသည်။
စောင်ပုံထဲက နှာရှုံ့သံ သေးသေးလေးကြားသောအခါ ခမ်းနော့ဝ်က ကုတင်ပေါ်ကို တင်ပါးလွှဲထိုင်လိုက်ရင်း စောင်ပုံထဲက ကလေးလေး နဖူးကို စောင်ပေါ်ကနေ နမ်းလိုက်သည်။
"လုပ်ချင်ရာ လုပ်ပြီးရင် အကိုကြီးက ငိုပြီ"
"ငိုပါဝူး ရှူး. . ."
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...