شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
كاعدين العصر بلحديقه كلها متجمعه هاي احنه عادتنه لعصر بيوم لجمعه لان ماعدنه دوامات فنتجمع كلنه سوه كلنه كاعدين بلكاع فارشين وكاعدين مثل لدائره بس نيران مو ويانه هلبت 24ساعه مافارغه ابد ماعدف شنو عدهه كلما نحاجيها تكول شغل شغل شنو ماتحجي تكول شغلي محاميه هيج يتطلب صافن وميت حسبه ابالي بس انتبهت على حچي جدي
جدي_ولك علاوي بويه صدك مرتك لميته ماسائلينك عنها شبيها شلون ماتت ومنين اصلها؟
من كلامه كلها انتبهت مرت عمي بسرعه كلبت وجهه ركزت وياهم اباوع لعمي مثل الارتبك بعدين شويه ثبت وجاوبه
بلا مبالاه
علي الدر_بويه شجاب هلسالفه على بالك هسه
جدي_والله مدري هسه يلا اجت على بالي واريد اعرف اخوال نيران منو بلنهايه همه اهل بنيتنه
علي الدر_بويه اني وياهم موصلح فعوف هلسالفه ولاتفتح دفاتر عتك
جدي_ليش ولك
علي الدر_يابه سوالف قديمه عوفها خلي تولي لاتنبش بيها
جدي_ولك قديمه شنهو اريد اعرف اخوال بتك
علي الدر_بويه حته بتي ماتريد اخوالها عوف هلسالفه فدوه اروحلك
جدي_اي غير تفهمني ليش انته شبيك ماتكلي شبيك يعني بيوم وليله طبيت وياك بت ومزوج ومرتك ميته ياهو يعقلها؟
علي الدر_ليش يابه هاذا شرع الله
جدي_اي صح شرع الله بس مو هچي
علي الدر_بويه رحمه لبوك كتلك لاتنبش بهلسوالف
بعدهم يسولفون واجت نيران صفت سيارتها ونزلت اباوعلها مبينه مرتاحه وعلى وجهه شبه ابتسامه شافتنه واجت يمنه عمي جان عاگد حواجبه وجدي ضايج باوعتلها ركزت بيهم وكان تقره افكارهم اجت كعدت
نيران _السلام عليكم
_وعليكم السلام
نيران _خيركم شكو لوجوه مكلوبه؟
علي الدر_لابويه ماكو شي
باوعت لعمي ورفعت حاجبهه كالت
نيران _علوش تعلمني بسوالفك؟
عاط بيها بقلت صبر
علي الدر_موو كتلجج ماكو شي ليش تلحيننن
اباوعلها ولا كان عاط كان شي عادي كالت بهدوء وهيه مركزه بي
نيران _وهسه تاكدت اكو شي شكو كلي؟
علي الدر_استغفر الله
جدي_وسمم شبيك تهومش ماكالت شي لبنيه
أنت تقرأ
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
