Unicode~
ကိုကို့ကို လက်ထပ်ဖို့ရာ သဘောတူလက်ခံလိုက်ခြင်းက သူ့အတွက် စိတ်လက်ပေါ့ပါးခြင်းမဖြစ်စေ။ ကိုကိုကိုယ်တိုင် အိမ်တိုင်ရာအရောက်ပို့ပြီးသည့်တိုင် သူဟာတမှိုင်မှိုင်တတွေတွေ။ ရင်ခုန်စိတ်လှုပ်ရှားသည့် လက္ခဏာမဟုတ်။ သူ့မှာ အပျော်မဲ့နေတာ။ သူ၏ လက်ထပ်ပွဲအရေး သူကိုယ်တိုင်က မပျော်နိုင်ဖြစ်နေတာ။
သူဟာ လူတစ်ယောက်လက်ထဲ ဘဝကို ပုံပေးဖို့ အသင့်ဖြစ်မနေ။ ယုတ်စွအဆုံး ဘယ်သူ့ကိုမှလည်း သူ့ကိုယ်သူမပေးလိုက်ချင်။ မည်သည့်တစ်ဦးတစ်ယောက်၏ အပိုင်သတ္တဝါမှ မဖြစ်ချင်။
ငါးနှစ်ငါးမိုးလုံး ကိုကို့အပိုင်ဖြစ်ပေးပါမည်ဟု လျှာအရိုးမရှိတိုင်း ပြောခဲ့သမျှ အခုတော့ နောင်တရသည်။ သူကိုကို့လူမဖြစ်ချင်သေး။ တစ်စုံတစ်ယောက်၏ ဘဝထဲမှာ အပိတ်လှောင်ခံရမှာစိုးသည်။ ချစ်ရသူနှင့်ဆိုသော်တောင်မှ သူပျော်နိုင်မည်ဟု အာမ,မခံ။
ကိုကိုနှင့် လက်ထပ်လိုက်ရလျှင် သူပျော်နိုင်မည်ဟု ထင်ခဲ့ဖူးသည်။ ကိုကိုတစ်ယောက်တည်းကသာ သူ့အပေါ် နားလည်ပေးနိုင်မည်၊ ကိုကိုတစ်ယောက်တည်းကသာ သူ့လိုအင်ကို ဖြည့်စွက်ပေးနိုင်မည် စသဖြင့် စိတ်ကူးယဉ်ခဲ့တာ။
ဖြစ်ကောင်းဖြစ်နိုင်ပါလိမ့်မည်။ သူ့အသိစိတ်အရတော့ ကိုကို့ကို လက်ထပ်ခြင်းက အကောင်းဆုံး ဆုံးဖြတ်ချက်ပါဆိုတာကို သတိပေးနေဆဲ။ ထို့အပြင် ကတိအထပ်ထပ်ပေးထားပြီးသား လက်ထပ်ပွဲကို တဒင်္ဂစိတ်ရူးထရုံမျှဖြင့် မဖျက်သင့်ကြောင်း သူသိသည်။ တစ်ခါတလေ ကောင်းသောအရာကို သိလျက်သားနှင့် မလုပ်ချင်လောက်အောင် ဘယ်မိစ္ဆာနတ်ဆိုးက ကျိန်စာတိုက်ထားတာပါလိမ့်။
ရင်ထဲ ခဲဆွဲထားသကဲ့သို့ လေးလံနေသည်မှာ ဘာကြောင့်ပါလိမ့်။ ကိုယ့်ချစ်သူနှင့် လက်ထပ်ရမည့်အရေးကို အခုလောက်ထိ ထူးထူးခြားခြားဘဝင်ညှိုးနေစရာအကြောင်း ရှိပါရဲ့လား။ ကိုယ့်ကိုယ်ကိုယ်မယုံနိုင်လောက်အောင်ပင် ကိုယ့်မှာသစ္စာတရားမရှိ။
"ByeongHo နဲ့ ညစာစားခဲ့ပြီဆို"
"အင်း.."
"ByeongHoခွင့်တောင်းသွားတယ်။ လက်ထပ်ဖို့ကိစ္စကို"
YOU ARE READING
𝐓𝐡𝐞 𝐏𝐚𝐰𝐧: 𝐹𝑜𝑟 𝐻𝑖𝑠 𝑆𝑎𝑘𝑒
FanfictionHave been the 'Pawn' to protect the 'Queen'. 'Pawn' takes the action but 'Queen' just looks and judges him. Always running the risk of going mad for your vanity's sake. Served for you regardless of my own self. Never got a chance to compain of. Sad...
