المقنع والمدمر

92

البارت92
من قصة المقنع و المدمر
بقلمي انا.... latifa el

حلات عنيها حاسة براسها ضارها بزاف
دورات راسها كتشوف راسها فين هي شافت السيروم فيديها ناضت بغات تكلس وهي تحس بشوية ديال لوجع تحت من كرشها حطات على بلاصة لوجع يديها كتحاول تهدنو تنهدات وهي تشوف طبيب داخل عندها جا كلس حداها
طبيب....كي كتحسي براسك مزيانة دبا
ندى هزات راسها باه وخا حاسة بشوية ديال الدوخة
ندى.....اه مزيانة غير فيو شوية ديال الدوخة وصافي
طبيب بتاسم ليها....هادشي عاد كتدوز منو اي مراة فهاد المرحلة الالى ديال الحمل
ندى رافعات فيه راسها وهي تتشوف فيه شنو كيقول هدا إنا حمل
ندى.....كفاش إنا حمل
طبيب.....اه عارف دبا غادي تعرفي بالي راكي حاملة ختى من راحلك قبيلة قولتها ليه تصدم مسكين مزادش معايا الهدرة وخرج مزروب عارف هاد الفرحة كي كتكون
ندى كتشوف فيها وفي راسها كيدور بزاف ديال الهدة.....واش هي حملت من مغتصبها....واش هي دبا في احشائها ولد شخص مكتحمل منو حتى شعرا وزيد عليها قتلاتو .....بقا كيدور ليها هادشي فراسو حتى قاصها طبيب
طبيب....مدام فين ساهية
ندى شافت فيه.....بغيت ندير الإجهاض
طبيب تصدم من رضت فعلها كفاش الإجهاض وشنو كتقول هادي
طبيب....ولكن
ندى غوتات عليه....قولت ليك بغيت ندير الإجهاض انا مبغيتوش هاد الولد مبغيتوش كنكرهو انا كنكرهو اععععع
بدات كتغوت وتضرب فكرشها وطبيب مقاتل معاها كيشد ليها يديها وهي كتغوت كليكي عى واحد البوطونة حمرة وهما ادخلو عندو الممرضات
طبيب.....دكي ليها مهدء دغيا ياله سربي
الممرضة وجدات ليها ابرة مهدء دكاتها ليها دغيا وهي كتنتر منهم حتى بدات كتفشل شوية بشوية وففمها غير هدرة وحدة هي (ديرو ليا الإجهاض)
قادوها في بلاصتها وشاف فيها طبيب
الممرضة....مالها ادكتور
طبيب.....خاصنا نخبرو راجلها على هاد القرار لي خدات راه بغات دير الإجهاض وهي فهاد الحالة عيطي على راجلها راه خلا نمرتو فالإستقبال
الممرضة...وخا دكتور
خرجات طبيبة وداك دكتور بقا كيشوف فيها شحال شاف الضغط ديالها عاد خرج وسد عليها الباب مخليها تنعس

......جا نعار جديد كان كالس حداها وحاط راسو على يديها وداتو عينو هكاك بدات كتحرك يديها وهو افيق مشطون
عليها كيشوفها كتحل عنيها وهي تشوفو
ادم كيشوف فيها
عائشة...ادم فين حننا
ادم باسها من جبهتها....حنا فسبيطار تحبيبة ديالي كي كتحسي براسك مزيانة دبا
عائشة هزات راسها باه.....اه خاسة براسي مزيان بغيت الماء
ادم مد يدو هز قرعة ديال ماء صغيرة وفتح ليها لغطة وبقا كيشربها وهي شربات ورجع تكاها
ادم...دبا مزيان
عائشة...بخير غير كضرني رجلي شوية وصافي
ادم....دبا امشي ليك لحريق احبيبتي
عائشة شافت فرحان بقا غير كتشوف فيه وهو اهدر
ادم...احم فخبارك واحد الحاجة
عائشة....شنو
ادم حط يدو على كرشها....قريب غادي تولي ماما
عائشة بتسمات وحطات يديه فوق يدو لي على كرشها....واش بصح امتى
ادم بتاسم ليها.....راه ياله راكي فالاسابيع لولة وراه صغير بزاف راه وراه ليا دكتورة فالراديو راه صغير بزاف مكيبانش بزاف غير شوية
عائشة بتسمات....ههه واش بصح بغيت حتى انا نشوفو
ادم ناض ....وخا وخا انا نقوليها تجي توريك
خرج تالف فرحان بيها حبيبتو حاملة منو وهازة شي حاجة من صلبو ودمو ولحمو في كرشها بتاسم  وهو  غادي عند الدكتور جارها معاه باش توري ليها ولدهم
دخلات عندهم طبيبة وهي فرحانة ليهم غير كتضحك معاهم دارت ليها الراضيو كتوريها
طبيبة.... هانتي شوفي ها البيبي ديالكم كتشوفيه
عائشة تغرغرو عنيها وهي شادة فيد ادم فرخات بزاف هزات راسها فيه وقالت.....شتي ولدنا شحال صغير قد هكا
كتوري ليه يديها وهو مبتاسم بحال شي هبيل مبغاش اتسد ليه فمو من الفرحة وغير مبتاسم ليها

مسحات ليها طبيبة كرشخا بكلينكس ورضات ليها حوايجها وعائشة غير كتشوف نسات لحريق لي فرجليها
ادم.....ودبا واش يمكن ليها تخرج
طبيبة...اه غادي تخرج ماشي شي حاجة كولشي راه مزيان
تدم....شكرا
طبيبة.....مبروك عليكم مرا خرة نهاركم مبروك

خرجات  طبيبة من عندها وهي طير عليه بتعنيقة معنقاه
عائشة كتضحك....ناري اادم شحال صغير
ادم كيضحك....وياه صغير بزاف
خطف من شفايفها بوسة طويلة وناض عونها لبسات وخرجو شادة فيه وهي كتعرج حتى خرجو ركبو في الطنوبيل ديالو وكسيرة
عائشة كدور راسها فلمدينة جديدة (على العموم راهم فآسيا)
بقاو غادين حتى خرحو على لمدينة ودخلو فواحد الممر طويل داير بيه الاشجار من كل جيها ختى دخلو من واحد الباب كبيرة ديال لحديد ودخلو في جردة ديال القلعة
عائشة غير كتشوف عقلها.....واو عندو قلعة هههه ناري داير بحال شرشابيل ههههه

ادم كيشوف فيها كتضحك.....مالكي
عائشة....ها ا لا والو
عقلها.....ناري ويعرفني متلتو بحال شرشابيل هههههه اقتلني 🤣🤣🤣