المقنع والمدمر

8

البارت 8
من قصة المقنع&و&المدمر
بقلمي انا.... latifa el

عائشة شافت فراسها....مالي كي جيتك
المدير....مقدتي حتى حالتك
عائشة.....اولا انا جاية نخدم فقهوى ماشي دار دعارة باش نبقة نلبس ليك لمعري اوك ودبا خلني نمشي نكمل خدمتي

المدير مطلعها ومهبطها...طوال لبك لسان البرهوشة ياك
عائشة عصبها وهي تبدة تغوت......اه برهوشة وبزاف عليك اش خاصك نت الشارف الهارف ها شنو باغي لقتي فيا لفلوس وبغتي تستغلني هانت قود عليا نت وخدمتك نلقة محسن منها الى غادي اجيو لفلوس بالدل لهلة كاع
قلبات الدورة خارجة وهو بقا كيتفقص وكيحلها ليها حتى من فلوس شهرها معطاهومش ليها

خرجات من تماك معصبة وكتبكي باش غادي دير لمها دوا دبا تنهدات ومشات لواحد الجردة كبيرة كلسات كتشوف شنو غادي دير كتخمم وكتبكي وساهية حتى حسات بشي حد كلس حداها رفعات راسها فيها كانت مرا
عائشة مجوباتهاش ولمرا بقات كالسة وكتشوف فيها وهي تهدر
.......مالكي كتبكي لهاد الدرجة الدنية صعيبة عليك
عائشة رفعات راسها فيها.....شنو قصدك
لمرا مدات ليها يديها.....انا نسرين
عائشة صفحاتها.....انا عائشة
نسرين كتطلع فيها وتهبط.....مالكي فهاد الحالة وعلاش كتبكي
عائشة غير سولاتها وهي تبدة تبكي وتعاود ليها

عاودات ليها كولشي وهي تبتاسم نسرين في خاطرها
نسرين....نعاونك نعطي ليك جوج دلمليون
عائشة فرحات....واش بصح
نسرين....اه ولكن بشرط
عائشة عقدات حجبانها.....اما هو
نسرين.....******* اش بان ليك
عائشة بعدات عاليها وكتشوف فيها......لا لا انا منقدرش ندير هادشي واش نتي بعقلك
نسرين ناضت....اوك لي بغتي لي عجبك نتي واختيارك
ناضت وحطات ليها كارت فزيت فيها نمرتها ومشات فحالها وعائشة بقات غير كتشوف فيها ممتيقاش هادشي لي قالت ليها فلول ترداد انها تهز ديك الكارت ولكن هزاتها ورجعات لدار