البارت 4
من قصة المقنع&و&المدمر
بقلمي انا ...latifa el
بعد مدة نص ساعة هبط لابس سروال مع قاميجة بويض وقاد شعرو مطلعو وراش ريحتو الخاصة لي كتعطع من بعيد وهابط لقا ادم كيستناه وخرجو ركبو فاللوطو ديال ادم وكسيراو للمطار ولوطو ديال لكارد موراهم
من بعد مدة ديال طريق وصلو هبطو رما سوارت اللوطو لواحد من ليكارد ارجعها للقلعة ومشاو طلعو فالطائرة وبقاو كيستناو تنقلع
على العلم (انا ادم حتى واحد مشاف وجهو من غير علي وديما فاش كيخرج كيدير القناع ديالو )
بعد مدة ديال الوقت حتى طارت الطائرة وستقرات فالسماء متاجها للمغرب
في المغرب بضبط فواحد القهوى صغير جاي فواحد الحومة من حومات مدينات الناظور كانت واحد لبنت كالسة فوق واحد الكورسي حدا الباب عيات من الخدمة وهي تشوف الشاف ديالها جا غير قشعاتو وهي توقف تتشوف فيه وكتدعي فحاطرها ميشوفهاش بالي كانت كالسة ودخلات تتجري للقهوى تكمل شغالها
تنهدات مشا جيهت الكوزينة تقاد قهوى لواحد السيد وهي كتفتف خايفة ليكون شافها ويترضها من الخدمة وهي غير هاد الخدمة لي كتكساب منها اش ياكلو هي وخوها ومها صوباتها مع الخرجة وهي تشوفو داخل عندها مغوبش
المدير......عائشة اش هاد لفعايل ها
عائشة.....نمشي نعطيها لواحد لكليان
المدير مغوبش....سيري عطيها ليه تلقايني فالمكتب ديالي
عاشئشة خافت بزاف لتكون خصرات الخدمة مشات عطاتها لراجل لي كيستنا ورجعات عندو. نشان مشات للمكتب ديالو دقات ودخلات
المدير مخنزر....زيدي لهنا
عائشة.....والله مقصدت غير كان راسي ضارني ورتاحيت شوية
المدير....مكاينة راها يا تبغي تخدمي مرحبا ولا سيري تلعبي فشي جيها خرا نجيب لي يخدم اوك
عائشة.....سمح ليا غير هاد المرة
المدير طلعها وهبطها....صافي سيري هاد المرة مسامحك المرة جاية الباب عريض على كتافك
عائشة حنات راسها وخرجات مغددة عليه هي من طبيعتها نكتسكتش على حقها ولكن على قبل مها وخوها دير اي حاجة
رجعات للخدمة كتتغدد وراسها باغي اتفركع تنهدات وبقات خدامة وصابرة علة ود علئلتها صغيرة
نعرفكم عليها
بنت في عمرها 20 عام زوينة شعر كحل فم منفوخ وحمر عنيها كبار ومرمشين مغليضاش ومضعيفة المهم الفورمة كاينة شي لي خلا المدير اخدمها عندو حيت منهار خدمات عندو والقهوى طالعة وبزاف ديال الزبناء كيطمعو فيها مكتر وكل نهار وخصوصا ليل ديما كتسمع الهدرة لي كتجرحها ولكن شنو دير هادي هي الخدمة لي قبلات بيها من منصيبها هي عندها غير الباك بطابيعت الحال مغاديش تلقا الخدمة حسن من هادي
....في بلاصة خرا وهاد المرة فواحد الدرب كبير بزاف وفيه غير البنيات لهاي كلاص درب ديال غير ناس العاقة مكاين غير الڨيلات لكبار من احد الڨيلات كانت واحد الڨيلا فصالونها مجمعين واحد الرجل كبير فالعمر تكون عندو ديك 80 عام وحداه الابن ديالو تكون عندو ديك 55 عام وحداه مرات ولدو لي في عمرها 47 عام
وخا هكاك مهلية في راسها وكيعجبها تتقاد ومتكبرة بزاف
وراجلها لي كديرو بحال الخاتم في صبعها
با عيسى بجدية (مول 80 عام)....المهم مدام غير نت لي بقتي ليا اولدي مالي غادي نموت الاملاك ديالي غادي ارجعو ليك نت بوحدك
نسرين شافت فراجلها بفرحا.....بصح
حسين.....الوليد واش داوي منيتك
با عيسى.....ايه مدام ختك وخوك ماتو بجوج وجوج حفايدي لحد الان ملقناش الجتت ديالهم يمكن اكونو عايشين يمكن لا 28 عام وانا كنقلب مالقيت والو وملقيت عليهم حتى خبار وكي قالو بعد الشهود لي كانو تماك فداك نهار الحاديثة بالي شافتو جوج دراري صغار خرجو من السيارة قبل متنفاجر ولدالك عندي امل نلقة ولاد ولدي
نسرين....والى لقيناهم اعمي غادي افرقو معانا الورث
با عيسى شاف فيها مطول.....الى لقيت خفايدي املاكي كاملين غادي نعطيهم ليهم وهدا وعت بيه راسي نهار تزاد ادم
نسرين عقدات حجبانها وكتدعي فخاطرها.....لهلا ابانو
VOCÊ ESTÁ LENDO
المقنع والمدمر
Mistério / Suspenseأنآ إنسآنٌ بِـ لآ تَصنِيف ؛ هدوئي لهُ جنُون وحماقآتِي تبدُو فِي مُنتهَىٰ العَقل .. سحقآ" لڪَل أنثــى تظن نفسه في آلآعآلي آنآ سيدها ولآ أبآلي انا رجـل صعب المنآل .. وكل مـا أكتـبـه خــيـال .. ولا أضع للحــب أي محال التدمر هوايتي وكسر الجبنائي تسليات...
