"ဆရာတူအစ်ကိုအတွက် ဒါလေးလုပ်ပေးဖို့ စားဖိုဆောင်ကို ကျွန်တော် သေချာတောင်းဆိုထားတာ ဘာပဲဖြစ်ဖြစ် ဝင်သလောက်လေးတော့ စားလိုက်ပါဦး"
ပိုင်ယွီသည် ပြတင်းပေါက်အနားတွင် လဲလျောင်းနေသည်။ လန်ယွမ်ရှိရာအနောက်ဘက်သို့ လှည့်မကြည့်နိုင်ခဲ့ဘဲ သူ၏ရင်ဘတ်ကိုသာ တင်းတင်းဖိထားလေသည်။
လန်ယွမ်သည် ယာဂုပန်းကန်ကိုင်ထားသောလက်ကို ဘေးသို့ပို့လိုက်ပြီးနောက် ပိုင်ယွီ၏ကိုယ်လေးအား အနောက်ဘက်မှသိမ်းဖက်လိုက်သည်။
"ဆရာတူအစ်ကိုရဲ့ ကိုယ်သင်းနံ့က အရမ်းကောင်းတာပဲ..."
လန်ယွမ်၏မျက်နှာထက်၌ အပြုံးတစ်ပွင့်ဖြစ်တည်နေပြီး ပိုင်ယွီ၏ကိုယ်သင်းရနံ့အား လိုက်လံရှုရှိုက်နေသည်။
ထိုပုဂ္ဂိုလ်တွင် မှော်အစွမ်းတစ်မျိုးမျိုးရှိနေပုံပင်။ ပိုင်ယွီအား မြင်လိုက်ရချိန်တိုင်းတွင် အမြဲတမ်းဆွဲဆောင်ခံရသည်။
"ဆရာတူအစ်ကို ကျွန်တော် ယာဂုယူလာတယ် အရင်ဆုံးသောက်လိုက်ကြရအောင်"
ပိုင်ယွီ အသာအယာခေါင်းယမ်းပြလိုက်သည်။ အခုလေးတင် အဆိပ်သောက်ထားရသဖြင့် အာနိသင်တို့က စတင်ပြသနေပြီဖြစ်ပြီး ထိုအာနိသင်များနည်းပါးသွားမည့် အချိန်အတော်ကြာသည်အထိ လုံးဝသက်တောင့်သက်သာရှိမည်မဟုတ်ပေ။
"အိုး ကျွန်တော်သိပြီ ဆရာတူအစ်ကိုက ကျွန်တော့်ကို ခွံ့ကျွေးစေချင်နေတာပဲ"
လန်ယွမ်သည် ယာဂုတစ်ဇွန်းစာအား ခံတွင်းထဲထည့်ငုံ့လိုက်ပြီးနောက် ပိုင်ယွီ၏နှုတ်ခမ်းကို ဖိကပ်လိုက်သည်။
လျှာဖျားသည်ကား ပိုင်ယွီ၏ခံတွင်းထဲ တိုးဝင်လာပြီး ယာဂုတို့အား ခွံ့ကျွေးချင်ခဲ့သည်။
သို့ပါသော်လဲ ထိုအချိန်တွင် ညှီစို့စို့အရသာက ပိုင်ယွီ၏လည်ချောင်းထဲမှ ဆန်တက်လာသည်။
ပိုင်ယွီ၏နှလုံးက တင်းကြပ်နေပြီး နောက်ထပ်သွေးတစ်လုတ်စာကို အန်ချတော့မည့်ပုံပင်။
မျက်မှောင်ကြုံ့ပြီးနောက် လန်ယွမ်အားတွန်းထုတ်ကာ သွေးတို့အား ကြိတ်မှိတ်မြိုချလိုက်သည်။
![](https://img.wattpad.com/cover/334244812-288-k102607.jpg)
YOU ARE READING
ဗီလိန်ကငါ့ကိုအရမ်းချစ်တယ်(Arc 5 to 8)
Fantasyဗီလိန်ကငါ့ကိုအရမ်းချစ်တယ် ရဲ့ book 2ပါနော်
Arc 5.8(1)
Start from the beginning