ဗီလိန်ကငါ့ကိုအရမ်းချစ်တယ်(Arc 5 to 8)

Arc 5.2(2)

[ဒင် ပစ်မှတ်ရဲ့နှစ်သက်မှု +၅]

[ဒင် ပစ်မှတ်ရဲ့နှစ်သက်မှု +၅]

[ဒင် ပစ်မှတ်ရဲ့နှစ်သက်မှု +၅]

[ဒင် ပစ်မှတ်ရဲ့နှစ်သက်မှု +၅]

[လက်ရှိနှစ်သက်မှု -၇၀%]

ပိုင်ယွီမှာ မျက်လုံးမှိတ်ထားဆဲဖြစ်ကာ ထပ်ခါထပ်ခါ မောဟိုက်နေရပြီး အသက်ရှုသံများပင် ပျောက်ကွယ်သွားရသည်။

မြင့်မားလှသောနှစ်သက်မှုက ပိုင်ယွီကို အနည်းငယ်မျှ အံ့အားသင့်စေခဲ့သော်လဲ ဘာမှထပ်မပြောဖြစ်ခဲ့ပေ။

သို့သော် လန်ယွမ်သည် အလွန်တက်ကြွနေပုံရပြီး ပိုင်ယွီနှင့်ပေါင်းစပ်ရန်အတွက် ဆက်တိုက်ကြိုးစားနေသည်။

အခန်းထဲတွင် မပီမသလေသံများ ထပ်ခါတလဲလဲထွက်ပေါ်နေသည်။

နောက်ဆုံးတွင် ပိုင်ယွီသည်လဲ တောင့်မခံနိုင်တော့ဘဲ အမှန်တကယ်မေ့လဲသွားရသည်။

မရပ်တန့်မီအထိ မည်မျှကြာမြင့်သွားသည်ကို လန်ယွမ်မသိချေ။ သူ့အောက်တွင်လဲလျောင်းနေသူ၏ခန္ဓာကိုယ်၌ လတ်တလောအကြမ်းဖက်မှုကြောင့် ရရှိထားသည့် အမှတ်အသားများနှင့် ပြည့်နှက်နေသည်။

ထိုအမှတ်များအားလုံးက သူ၏အမှတ်အသားများသာ။

ဤသူသည် အဆင့်မြင့်ကိုယ်ခံပညာဂိုဏ်း၏ခေါင်းဆောင်ဟု မည်သူထင်ပါမည်နည်း။ ဤသို့အေးစက်၍ အကြင်နာမဲ့သောသူအား ယခုကဲ့သို့ပုံစံမျိုးဖြစ်အောင် မည်သို့လုပ်ခဲ့ရပါသနည်း။

လန်ယွမ်ခါးညွှတ်၍ ပိုင်ယွီ၏နှုတ်ခမ်းကို နမ်းလိုက်သည်။

အတော်ကြာသည်အထိ ဖုံးကွယ်ထားသောချစ်ခြင်းမေတ္တာတို့က ထွက်ပေါ်လာပုံပင်။ မျက်လုံးအိမ်တို့က မသိမသာကျဉ်းမြောင်းသွားပြီးနောက် ငြီးတွားလိုက်သည်။

"ဆရာတူအစ်ကို နောက်ဆုံးတော့ ခင်ဗျားက ကျွန်တော့်အပိုင်ပဲ..."

တစ်ခဏအတွင်းမှာပင် ချစ်ခြင်းအငွေ့အသက်များက အကြွင်းအကျန်မရှိ ပျောက်ဆုံးသွားခဲ့ပြီးနောက် အဆုံးမရှိသောအမုန်းတရားတို့က အစားထိုးဝင်လာခဲ့သည်။